السلام عليكم يا حلويييييييين
من زمان منزلتش موضوع هنا ........ مشغوله مع تجمع المبدعات و موضوعنا في أحلي منتدي . منتدي عروس بس حسيت اني نفسي أنزل موضوع فقلت أعمل بفتيك و أنزله
بسم الله نبدأ
المقادير :
نص كيلو بفتيك / عصير ليمونة / ملح / فلفل / قرفه/ بابريكا / كزبره ناشفه / جنزبيل / كاري / نص كوبايه ميه بصل / بيض و بقسماط للتغطيه
الطريقه:
1- حنحضر البهارات و عصير الليمونة و نضيفهم علي ميه البصل.
2- أنا بحط اللحمة في كيس و بحط عليها التتبيله و أقفل الكيس زي ده كده و أهزها كويس و ألفاها و أحطها في التلاجة في علبه لمده مش تقل عن ساعه.
3- نحضر البيض و البقسماط و لو كانت اللحمة فيها سائل كتير يبقي نستعمل الدقيق الأول .
4- انا هنا استخدمت بيض و بقسماط عشان اللحمة كانت ناشفه نوعا ما.
5- بعد ما نغطيها بالبقسماط نحطها في الفريزر ربع ساعه كده.
6- نسخن الزيت كويس قوي و نقلي البفتيك علي نار مش عاليه و مش نقلبه كل شويه عشان القشرة مش تفك و لما يستوي حطيه في الفرن مش تعرضيه للجو عشان مش ينشف.
يا رب يكون عجبكم و هنا الصور بالتفصيل الممل خطوة خطوة ...... اللي يعجبها موضوعي أمانه تدعيلي و تدعي بالهدايه لأولادي و زوجي و طبعا تدوس الميزان :thumbs_up::thumbs_up::thumbs_up: أشوفكم علي خير