اخبار العرايس الحلوين ايه؟
انشالله يارب بخيرررررررررر:032:
كبدة البطاطس سهلة وطعمها روووعه ومش بتاخد وقت
المقادير:
1بصل و1 فلفل اخضر و1 فلفل اصفر مقطعين جوانح
1 ليمونة مقطعة شرايح
كبدة مقطعة صغير
1 بطاطس محمرة
بهارات توم وهيل بودر
بهارات كاملة (اللي في الصورة)
الطريقة:
في طاسة نحط معلقة سمن ونحط فيها البهارات الصحيحة تتحمر شوية (بتدي طعم ونكهة احلى)
نحط البصل ونص الفلفل ونقلبهم دقيقتين بس
نضيف الكبدة طبعا بعد غسلها وتصفيتها وتتبيلها بالملح والفلفل والبهارات وعصير ليمونة..
اول ماتبدأ الكبدة تستوي يعني تقريبا بعد 5 دقايق نحط شرايح الليمون والتوم والهيل المطحونين
ونغطيها ونخليها تستوي
كده الكبدة استوت ولسه فيها شوية صوص
(لو خلص الصوص بتاعها ضيفي نص كوب ماء )
بعد ما استوت نحط البطاطس المحمرة وباقي الفلفل
ونقلبهم مع بعض ونطفي النار
وكده خلصنا الكبدة السهلة واللذيذة
شوفو ازاي شكلها روعه
والطعم ولا أحلى..
اتمنى تعجبكو الطريقة..
وفي انتظار ردودكم الحلوة
لو عجبتكو
بايووووووووووووووو يا قمراااااااااات