ازيكوا يا قمرات :032::032:
النهاردة جايبالكوا اكلة سمك رهيبة رهيبة ان شاء
الله تعجبكوا وتجربوها بإذن الله
اولا شيش فيليه السمك :
المقادير هانحتاج طبعا سمك فيليه ونقطعه مكعبات كدة
وقطع طماطم وبصل وفلفل الوان مكعبات برضو
هانحط الخضروات علي السمك ونتبلهم كلهم بالآتي :
زيت زيتون وصويا صوص ووارشستر صوص وخل
ملح وفلفل وكمون وشطة و ثوم مفروم
وهانخلط كله مع بعضه ونسيبه في التتبيلة فترة كافية
وبعد كدة ندهن الاسياخ الخشب بالزيت علشان
السمك مايلزقش عليها ونبدأ نحط المكونات بتاعتنا
في السيخ لغاية ما الكمية تخلص
وبعدين نحطها علي الجريل لمدة خمس دقايق بس
تاخد علامات الشوي
ونشيلها نحطها في الصينية وندخلها علي الفرن
والنتيجة النهائية في الاخر :041:
نيجي بقي للجمبري بالكنافة :
طبعا نكون محضرين الجمبري ونغسله كويس اوي
ونقشره ماعدا الديل نسيبه زي ما هو
وهانتبله قبلها بشوية وتتبيلته عبارة عن :
زيت زيتون وصويا صوص وكاتشاب وخل
ملح وفلفل وكمون وتوم مفروم و سكر وشطة
ويقعد شوية في التتبيلة وبيكون شكله كدة
ونبدأ بعد كدة نلفه في الكنافة هانجيب شوية
كنافة صغيرين خالص ونحط الجمبري عليها كدة
ونلف زي الصورة كدة
وبعدين هاناخد من التتبيلة اللي كان فيها الجمبري
وندهن الكنافة من بره علشان يبقي الطعم فيها
بردو
ونقليها بقي في زيت غزير ونقدمها بالهنا والشفا
والنتيجة النهائية في الاخر :041:
اخر حاجة بقي الارز
طريقتي المفضلة اللي دايما بعملها مع السمك
المقادير
زيت - صلصة طماطم - بصلة مفرومة - ثومة مدقوقة - ملح - كمون - شطة - طبعا الرز المغسول
الطريقة بقي معلش نسيت اصورها
هانشوح البصلة في الزيت لغاية ما تتحمر ونحط
عليها الرز المغسول ونشوح فيه شوية كدة مش
كتير يعني كام تقليبة كدة
ونحط عليه مقدار المية ( طبعا الرز المصري بيبقي
مقدار المية نفس مقدار الرز )
ونحط بقي الملح والكمون والشطة و الثومة
المدقوقة ومعلقة صلصة طماطم ونسيب الرز
بتشرب المية واول ما يتشربها نوطي عليه لغاية
مايستوي ونقدمه
ودة شكل الطبق النهائي ( السمك والجمبري والارز )
الجمبري اتحمر مني شوية بس كان لذيييييييييييذ اوي الحمدلله
يارب تكون الاكلة عجبتكوا وفي انتظار ردودكوا المشجعة وتقييماتكوا يا قمرات
والدعاء بالله عليكوا يا حبايب قلبي
والسلام عليكم ورحمة الله وبركاته :032::032:
ملحوظة : الموضوع مجهود شخصي ولاأاحلل نقله
لأي منتدي آخر
تسعدني زيارتكم مواضيعي دائما :
http://forums.3roos.com/showthread.php?t=504680
اكلة صيني لذيذة وخفيييييييييييفة
http://forums.3roos.com/showthread.php?t=506332
دجاج محشي بالكاري من مطبخي
http://forums.3roos.com/showthread.php?t=514250
النجرسكو من ايدي بالصور
http://forums.3roos.com/showthread.php?t=519281
الدجاج بالبرتقال (( ابتكار من مطبخي ))
http://forums.3roos.com/showthread.php?t=523193
لازانيا سوسي وااااااااااااو .... خطيرة بجد
http://forums.3roos.com/showthread.php?t=525913
مكرونة بالشاورما + سلطة التفاح من مطبخ سوسي
http://forums.3roos.com/showthread.php?p=11754269#post11754269
بيكاتا بالماشروم غدانا ( اتفضلوا معانا )