مكرونة بالشاورما + سلطة التفاح من مطبخ سوسي

ازيكوا يا بنوتات ايه الاخبار

جايبالكوا النهاردة مكرونة بالشاورما من مطبخي

سهلة اوي اوي وسريعة وتغيير عن الطريقة

العادية ، ومعاها سلطة التفاح اللي بعشقها اتمني ان الاكلة تعجبكوا وتجربوها



نبدا بالمكرونة

بسم الله الرحمن الرحيم

المقادير :




هانحتاج فلفل الوان متقطع وبصل متقطع جوانح

وطماطم مقطعة مكعبات وثوم مفروم وماشروم

ولحمة متقطعة رفيع زي الشاورما




وكمان صلصة طماطم وملح وفلفل وشطة وتوابل

الشاورما اي نوع
(انا استخدمت سبايسي )




وطبعا المكرونة اللي هانسلقها ونسيبها لغاية مانجهز الصلصة




الاول هانشوح قطع اللحمة في معلقة سمن

ولما تقرب تستوي هانحط عليها البصل والتوم

والفلفل الالوان والطماطم والماشروم كدة






ولما نحس ان اللحمة استوت خالص خالص نحط

بقي معلقتين صلصة او حسب كمية المكرونة

وممكن نزود بق مية كدة

والملح والفلفل والشطة وتوابل الشاورما

ونقلب وهاتبقي كدة




ونضيف عليها المكرونة في الاخر ونقلب ونقدمها

بالشكل دة




ودي صورة اقرب




توابل الشاورما علي فكرة مخلية الطعم رائع

:032::032::032::032::032::032::032::032::032::032::032::032::032::032::032::032::032::032::032::032::032::032::032::032::032::032::032::032:



نيجي بقي للسلطة

والمكونات هي :




تفاح مقطع مكعبات _ مايونيز _ زبادي _ نص ليمونة

_ ملح وفلفل بسيييييط اوي _ قرفة ناعمة وبسس


هانجيب قطع التفاح ونعصر عليها الليمون علشان

ماتسودش وعلشان بيدي طعم برضو وبعدين نحط

عليها معلقتين مايونيز ونص كوباية زبادي والملح

والفلفل ونقلب كله علي بعضه

وبعدين نحطهم في طبق التقديم ونزين بالقرفة

بالشكل دة




وبالهنا والشفا :037:

بجد بتبقي طعمها خطيييير السلطة دي جربوها


ومش هاتندموا وقولولي الاخبار

وطبعا ماتنسوش في الاخر لو الموضوع عجبكوا

التقييم والدعوة الحلوة :08:










ملحوظة : الموضوع مجهود شخصي ولاأاحلل نقله

لأي منتدي آخر


تسعدني زيارتكم مواضيعي دائما :

http://forums.3roos.com/showthread.php?t=504680

اكلة صيني لذيذة وخفيييييييييييفة

http://forums.3roos.com/showthread.php?t=506332

دجاج محشي بالكاري من مطبخي

http://forums.3roos.com/showthread.php?t=514250


النجرسكو من ايدي بالصور


http://forums.3roos.com/showthread.php?t=519281


الدجاج بالبرتقال (( ابتكار من مطبخي ))


http://forums.3roos.com/showthread.php?t=523193


لازانيا سوسي وااااااااااااو .... خطيرة بجد


http://forums.3roos.com/showthread.php?p=11754269#post11754269


بيكاتا بالماشروم غدانا ( اتفضلوا معانا )