Like Tree4Likes

صورة كتكوته نايمه الرمزية

الماكرون الفرنسي بطريقتي انا "كتكوته نايمه" ..وبالصور التوضيحيه والشرح المفصل

01/04/2010, 06:34 PM
مرحبا












وعدتكم اعلمكم طريقة الماكرون والحين انا عند الوعد راح تضبطونه ان شاء الله اذا اتبعتوا خطواتي
.................................................. .............

الماكرون : هو سويت فرنسي مكوناته لوز وسكر وبيض بكل بساطه..يشبه في تحضيره المارينغ ،كل حبه مثل البرجر في شكله ،،وله عدة نكهات حسب الذوق ،،
فستق، جوكليت، بندق، فراوله، توت، ماتشا كابتشينو والطعم التقليدي اللي هو اللوز .. والمجال واااسع فالنكهات ..تقدرين تبتكرين نكهات اضافيه...الطعم بالنسبه لي ألذ بألف مره من باول ولينوتر ..انا شخصيآ ماأحبه ابدددآ من عندهم احب طعم اللي انا اسويه

اهم شي الدقه فالمقادير وتطبيق الخطوات بالتفصيل عدم اهمال اي خطوه ،،
الكميه تعادل 50-60 حبه او حسب الكميه




راح اعرض اول شي الصور والخطوات باختصار وفالاخير المقادير مع الطريقه بالتفصيل





.................................................. ........
200 غرام سكر باودر ( ينخل بعد الوزن)

+
110 غرام لوز مطحون ( انا افضل طحن اللوز بدل شراءه ناعم ورح تشوفين الفرق فاللون حتى ) اتوقع المطحون جاهز مغشوش مع النشا ..فالافضل طحنه فالبيت

(نخلطهم مع بعض وننخلهم )




.................................................. ........

100 غرام بياض بيض (بدرجة حرارة الغرفه) مايعادل 3 بيضات حجم كبير
ملاحظه : يفضل تفصلين البياض عن الصفار وتخلينه في المطبخ مغطي بقطعة قماش لمدة 24 - 48 ساعه ... انا اخليه مرات 12 ساعه ..ومرات ادفى البيض اذا مستعجله ويضبط معاي





.................................................. ........

اهنيه ضفت 50 غرام سكر عادي بعد ماخفقت البيض وصار فيه رغوه خفيييفه





.................................................. ........

وخليت الخليط ينخفق لحد ماتصير رغوه ثقيله بس مب واااايد ...الرغوه لازم تكون مثل الصوره





.................................................. ........

خليط البيض ضفته على خليط اللوز والسكر الباودر









.................................................. ........

هالخطوه وايد مهمه ..اذا زدتي في الخلط او قللتي مابتتكون لج رغوه في حافه كل حبه او بتتكون رغوه غليظه
والصح ان لازم تتكون رغوه صغيره ..
فالطريقه انج تلفين السباتيولار شوي شوي وبحركه دائريه حولين الخليط،،فالبدايه بتحسين انج ماتخلطينه عدل بس بعدين راح ينخلط ويندمج ...لا تزيدين الخلط اكثر من 60 لفه ..
في هالاثناء اذا حابه تضيفين لون ضيفي ..
واذا حابه تقسمينهم الى 3 قسميهم بعد الخلط ..وضيفي حق كل قسم اللون اللي تحبينه ..انا احط نقطه من اللون + نص ملعقه صغيره بودرة بياض البيض علشان مااخرب سيولة الخليط
واذا بغيت جوكلت اضيف نص ملعقه كبيره جوكلت باودر
او الابيض ماضفت فيه شي ..









.................................................. ...........

صبيت الخليط في كيس الحلويات ..وشكلتهم على ورق زبده او السيليكون القابل للحراره (قطر كل حبه ثلاث ارباع انج راح ينفرش معاج وبيصير اكبر- حاولي تسوينهم نفس الحجم- )
وخليت الصواني في فالمطبخ مفتوحين لمدة ساعه علشان تتكون طبقة قشره على سطح كل حبه





في هالاثناء :

.................................................. ..........

احضر الحشوات ..حسب كل لون ..
مثلآ الحشوه الخضره : لوح جوكلت ابيض ذوبته فحمام مائي مع شوية دبل كريم وكمية من الفستق المطحون فرش ..ماعندي قياس معين !! لازم تكون شوي غليظه

حشوة الجوكلت : لوح جوكلت بالحليب او الغامق + دبل كريم في حمام مائي

الحشوه البيضه : لوح جوكلت ابيض + دبل كريم في حمام مائي + ضفت عليه كراميل مكسر ناعم





بعد الساعه دخلت الصواني فالفرن :



.................................................. ..........

بدرجة حرارة 325 لمدة 10 دقايق
وبعدها خففت عالحراره وخليتها 275 لمدة دقيقه الى دقيقتين
وبعدها طلعتهم من الفرن يبردون ،،وبعدين شلتهم من الورق وكل حبه حطيتها جنب الحبه اللي قدها










.................................................. ..........

اهنيه سهلت على نفسي المهمه ،،قلبت كل طبجه علشان اعطر عليها الحشوه عالسريع واسكرهم





.................................................. ..........

وهاي شكلهم بعد ماسكرتهم





.................................................. ...........

وبعد ماتفيقت وصورتهم على رواااق





والحين مع المقادير مره ثانيه مع الطريقه :


المقادير :
200 غرام سكر ناعم
110 غرام لوز مطحون
100 غرام بياض بيض ( او 3 بياض بيضات ) بدرجة حرارة الغرفه
50 غرام سكر عادي


الطريقه :
1- ينخل السكر الناعم مع اللوز المطحون ويترك جانبآ
2- يخفق البياض خفق اولي بسرعه عاليه الى ان يظهر فيه رغوه خفيفه
3- يضاف له السكر العادي ويتابع الخفق بنفس السرعه الى ان يصبح رغوه كثيفه بيضاء
4- يضاف خليط البيض الى خليط اللوز والسكر ويخفق بالملعقه البلاستيك ( السباتيولار) بحركه دائريه وبسرعه بطيئه
5- يضاف اللون ..او يقسم حسب الرغبه الى 3 اقسام ويضاف اللون لهم..
6- يصب في صينية (بعد وضع الخليط في كيس حلويات -الفتحه دائريه - ) الصينيه مفروشه بورق الزبده ( مع مراعاة تثبيت اطراف ورق الزبده بالخليط ) .
7- تترك الصواني لمدة ساعه خارج الفرن
8- تدخل الفرن لمدة 10 دقائق على درجة 325 ثم تخفض الدرجه الى 275 ددجه وتترك لمدة دقيقه الى دقيقتان
9- يخرج من الفرن ويترك ليبرد ثم يزال من الورق ( الحبات طريه جدآ بعد اخراجها من الفرن يرجى ترك الحبات ليبردوا ) خخخخ امحق فصحى
10- يحشى بالحشوه المناسبه
ويقدم


انصح تقديمه ثاني يوم لأنه بيكون الطعم احلى وأترف
وبالعافيه







لا اسمح بنقل مواضيعي ..ايآ كانت الاسباب ..الا باذن مني او من منتدى عروس



من مواضيعي

01/04/2010, 06:49 PM
رااااااااائع ماشاء الله
والتصوير اروع
تسلم الايادي



من مواضيعي

01/04/2010, 07:01 PM
آآآآآآآآآآآآآآآآآيييييه عليج..

تخصص حلاويات من النوع الراقي!

ما يحتاج تعليق.. اكيد موضوع مميز كالعادة منج.. والله يعطيج الف عافية ع هالابداعات..
دوم الى الامام..



من مواضيعي

01/04/2010, 07:14 PM
ماشاءالله عليج مبدعة ~

وآآيد احب الماكرون وان شاءالله اجرب طريقتج حبوبة ~

تسلم يدج يالغلا

وتم التقييم ..



من مواضيعي

صورة طيف الاحبه 99 الرمزية
01/04/2010, 08:52 PM
يعطيك العافيه كتكوته
ابداااااااااااع ماشاء الله
ولك احلى تقيييييييييييييم



من مواضيعي

صورة MIYA !!! الرمزية
01/04/2010, 09:31 PM
رووعة ماشاء الله



من مواضيعي

صورة قطرات الحنين الرمزية
02/04/2010, 01:08 AM
يسلموووووووووووووووووووو



من مواضيعي

صورة Daisy Ash الرمزية
02/04/2010, 01:23 AM
ما شاء الله تبارك الله...

تسلم عيونج يأم فاطمة F:

إبداع مثل ما تعودنا منج...

انتي لو تدرين، من زمان كنت أبي أسوي الماكروونز، و قريت كثير في المواقع الأجنبية عن خطوات الشغل و الأشياء اللي لازم تسوينها عشان يضبط عدل... بصراحة ترددت و قلت خلها للوقت... و أشوف متى أروق عليه...

شغلج رااائع , شكله مثل الجاهز ما شاء الله...

تسلم إيدج، و إن شاء الله أطبقه و أرويج التطبيق

عساج عالقوة F:



من مواضيعي





صورة حصووص الرمزية
02/04/2010, 01:48 AM
مشا الله عليج ..

بروفيشناااااااااااااال



من مواضيعي

02/04/2010, 01:48 AM
ما شاء الله تبارك الرحمن

كتكوته تدرين احنا هني ندور محل يسوي هالنوع من الحلاوة

صاير بخاطر وحدة من ربع اختي

بس باروي اختي الطريقة بخليها تسويه لها

تسلم يدج

يالغلا

على هالأبداع






من مواضيعي


« مووووس بالفراولة | (موضوع مميز) Nanaimo Bars من الحلويات الكندية المشهورة من مطبخي »

يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع ابحث بهذا الموضوع
ابحث بهذا الموضوع:

بحث متقدم


مواضيع مشابهة
الموضوع المنتدى
"""كيش جبنات """بيتزا"""فطاير هشة جدا"""من مطبخي واكيد بالصور""" المقبلات والمعجنات
""""""""ما ينجبر ق ؟لب على ق ؟لب """"""""للكاتبه/عذبة السجايا خيمة القصص والروايات
ابسئلكم عن مستشفى اليمامه """""""""""""""""""""""""""""""""""""&a إستفسارات النساء و الحمل و الولادة

الساعة الآن +3: 12:06 AM.

 اتصل بنا - اعلن معنا - سياسة الخصوصية

Search Engine Optimization by vBSEO ©2011, Crawlability, Inc.

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141