الرئيسية الواحة الأدبية خيمة القصص والروايات مشعل والعنود روايه رومانسية طويله

مشعل والعنود روايه رومانسية طويله

الامورة شجن 25-02-2010 46 رد 60,568 مشاهدة
ا
الامورة شجن
عروس فضية
25-02-2010 | 12:23 PM
مرحبا يا حلوين



أول مرة أكتب في هاي القسم ,,, وجى في بالي أنزل لكم قصه من القصص اللي أكتبها وإن شاء الله تعجبكم .. وأتمنى الآقي تفاعل منكم




بس أحب انوه انه القصه خيالية ... واللي يحب ينقلها ينقلها باسمي موب باسمها والله تعتبر دين في رقبتها اطالبها فيه يوم القيامه


========================================

وطبعا انا كلش مالي في المقدمات فبدش في العميق على طول ههههههه



انجي للشخصيات :


عائلة بو حمد

الاب : عبدالله بو حمد العمر 56 سنه رجل أعمال معروف واللي يشوفه ايقول شاب بعمر العشرين ما شاء الله عليه

الام : دانه ام حمد العمر 48 سنه مشرفه إجتماعية سابقة وحاليا ربه بيت واللي يشوفهاا ايقول عمرها بالعشرين مثل زوجها


الابناء : حمد 32 سنه ويشتغل مع ابوه في الشركه ومتزوج من بنت عمه الجازي وعمرها 29 سنه وعندهم أحلى البنات رنين وعمرها 3 سنوات

أحمد 27 سنه ويشتغل مهندس معماري في أمريكا

مشعل 27 سنه الاخو التؤام لأحمد ويشتغل طبيب أسنان ,,, وسيم ومفتول العضلات وطويل وكل البنات يتمنون انه يكلمهم ,,, بشرته حنطاويه وعيونه وساع ولونهم عسلي وشعره بني وينزل منه اشوي على كتفه

البنات : ريم الفلا وعمرها 24 سنه ومخطوبه لولد عمها علاء 25 سنه وقريبا راح تتزوج وتشتغل مدرسه في روضه اطفال ,,, طيبوبة وقلبها ابيض وتحب الاطفال وايد

جوري وعمرها 19 سنه وهي بنت حبوبة وطيبوبه وسنه اولى جامعه قسم علم نفس (دخلت هالتخصص من كثر تعلقها بامها وحبها الشديد لها فحبت اتصير مثلها )



عائلة بو نايف

الاب : عيسى بو نايف العمر 54 سنه يشتغل مع اخوه في الشركه

الام : مريم ام نايف العمر 48 سنه وهي صديقه دانه الروح بالروح وكانت طبيبه والحين ربه بيت


الابناء:

نايف 32 سنه ويصير صديق حمد الروح بالروح ومتزوج نوفه كانت تدرس معاه في استراليا وعمرها 30 سنه وعندهم سارة وجمال ..سارة 4 سنوات وجمال 3 سنوات

علاء 25 سنه ويشتغل مبرمج كمبيوتر في إحدى الشركات الخاصه

العنود 21 سنه سنه ثالثه جامعه قسم إدارة أعمال,,, ملامحها بيضا وشعرها طويل بني وعيونها عسليه فاتحه وواسعه

رهف 19 سنه وصديقه جوري وثنتيناهم طيبين وحبابين ومثل ما نقول سكر البيت لانهم حدهم خبلات ويدرسون بنفس الجامعه


عبدالله 9 سنوات وآخر العنقود في العايله الكريمه وهو في الابتدائي ويحب البليستيشين وعنده صديق راح نتعرف عليه من خلال الاحداث اللي جاية وما يسمونه الا طبجه عبدالله





================================





في بيت بو حمد الساعه ثمان الصبح الكل قاعد على السفرة ما عدا جوري لانها قاعده اتجهز روحها حق الطلعه مع رفيجتها رهف وكانت محتاره شنو تلبس لانهم بيروحون حفله صديقتهم خلود... وكان اليوم إجازة



=======================================




اي خلود اتصير صديقه رهف وجوي وهي معاهم في الجامعه وبنت طويله سمرة وسمارها حلو وعيونها بنية فاتحه وناعسات وشعرها بني طويل يوصل لحد نهاية ظهرها واليوم خلود بتكمل عشرين سنه فمسوية حفله عيد ميلاد وعازمه كل صديقتها اللي معاها بالجامعه ومنهم وفاء وهذي بنت مغرورة ومصدقه روحها حيل بس اتحب خلود في الجامعه لانها من عائله هاي كلاس مثل ما انقول ووفاء هذي انسانه ابدا ما تحب لا رهف ولا جوري وتغار منهم في كل شي لان ملامحها عادية بس مصدقه روحها في كل شي لانها بنت هاي كلاس مثل خلود







نرجع لبيت بو حمد


بو حمد : وينها بنتج يا ام حمد ؟ ليش مو قاعده معانا على الريوق اتعرفين احب اشوف عيالي كلهم حواليني

ام حمد : والله يا بو حمد بنتك اليوم من صباح الله خير عندها حوسه لان حفله صديقتها خلود بنت بو ضاري وقاعده اتجهز روحها للحفله
بو حمد : يا سلام والله دلع بنات .. الحين مخليه الريوق ويانا وقاعده اتجهز روحها للحفله اللي راح تبدأ في الليل اقول قومي ناديها اشوف بسرعه
ام حمد: إن شاء الله طال عمرك .. وقامت ام حمد بتنادي بنتها والا بصوت يفزع جوري ... جووووووووووووووووووووووووووووووررررررررررررررررري
جوري من الجهه الثانية : بسم الله الرحمن الرحيم ... اشفيج يمه يمه خرعتيني
ام حمد : قومي يا يمه ابوووج يسال عنج ...إن شاء الله يمه ثواني وانا نازله وراج .. ونزلت ام حمد ووراها جوري وراحت لعند ابوها وباسته على راسه واتقوله صباح الخير يا يبه صباح الخير يا وجه الخير اشلونك يبه شخبارك إن شاء الله بخير ؟؟؟
بو حمد : هلا ومسهلا بنور عيوني بخير يا يبه دامج بخير ... علامج يبه متأخرة اتعرفين احب اصبح الصبح بشوفتج وهني الاولاد كلهم بصوت وااحد ايوا ايوا يا عم من قدك كنسلتي على الوالده ... الا ام حمد اتقول افا يا بو حمد جذي اتخلي اليهال يطمشون علي ويقولون اتكنسل علي ؟؟
بو حمد: أفا أفا بس كل شي ولا دانه الحريم انتي دانه حياتي انتي وما سمعتي محمد عبده في أغنيته ويش ايقول وكان يغنيها مثل محمد عبده
يا دانة بعين بحارك ترى الأحساس ربانك
وانا ربان هالمركب وأفني رحلتي عندكوحطيت الأمل عندك
بس الموج ما يساعد ولا الأقدار بتساعد
ولا الخطوة قربتمني ولا هدت
احس انها قريبة ويمك تباعد
يا بنت النور يا عقد من الوله منثور

* * *

أنا لك يا بريق الماس .. أنا الألماس
وانت لمعة الماسةوحساسة
وقلبك موطن الأزهار وأنا اللي يعشق الأزهار
وغيري يقطف احساسه
ولكن ما يهم اللي تولع في غرام الورد
إلا ما نسيته وردة سقاها بلهفة أنفاسه
أنا يا وردة العشاق ونار الحب والأشواق
أنا أول من عرف قلبك
وأول منسمع نبضك
وأول شخص لك إشتاق
يا بنت النور يا عقد من الوله منثور


الا بتصفير وتصفيق من الاولاد على رومانسية بو حمد وام حمد شب ويها وصار أحمر .. الا مشعل ايقول يا عيني على الرومانسية الا ام حمد اتخش ويها بين يديها وبو حمد ايقول بسك عااااااد كلشي ولا دانتي ترى ما ارضى عليها
الا رنين اتقول جدو جدو الحين انت اتحب ماما دانه وانا لاء خلاث ما احاثيك ولا اكلمك ,,,(خلاص ما احاجيك ) انت اتقص علي كله اتقول رنين حبيبتي والحين ماما دانه حبيبتي .... ام حمد : طولج شبر ولسانج عشرة اشبار ورنين اتقلد جدتها طولج ثبر ولثانج عثرة اثبار والكل يضحك عليها ....

إذا عجبتكم راح أكملها لكم
W
WhO @m i
عروس مبدعة
25-02-2010 | 12:32 PM
كملي القصه شجونه تشوقت اقراها
ا
الامورة شجن
عروس فضية
25-02-2010 | 12:46 PM
كل يوم بنزل اشوي منها
ر
روح الورد2007
عروس مبدعة
25-02-2010 | 12:55 PM
شجونة طلع الأبداع فديتج كمليها وأعملي لنا كتاب خاص بقصصج لبنات عروس
ا
الامورة شجن
عروس فضية
25-02-2010 | 02:27 PM
روح الورد2007;11424954:
شجونة طلع الأبداع فديتج كمليها وأعملي لنا كتاب خاص بقصصج لبنات عروس



تسلمين يا قلبي اخجلتين تواضعي:087::087::087::087: ويسلمووو على تقييييييمج وإن شاء الله الله يقدرني وانزل لكم قصصي كلها
س
سنفونية حب
عروس برونزية
25-02-2010 | 10:26 PM
اكيد كملي شجووووني يا كاتبتنا المبدعة<< طلعت المواهب يا عيني و الله

ناطرين باقي التجزاء اوكي و سلمت يمينج

تقبلي مروري
ز
زهور الأمل
عروس مشرقة
26-02-2010 | 07:59 PM
شجـــوني شهالحركات ,, الله الله ,, مبدعه

في الانتظــار باقي البــرتات

كل هذا وين خاشتــه عنــا من زمان
ا
الوردة المستحية
عروس نشيطة
28-02-2010 | 03:31 AM
ويلي شنو هذا شجونة طلعت مبدعة واني ماادري

شكلها القصة عجايب

كملي وان شاءالله راح نكون من المتابعين

تحياتي:)
o
om body&renad
عروس مبدعة
28-02-2010 | 03:58 AM
كملى فى انتظار البقيه
ا
الامورة شجن
عروس فضية
28-02-2010 | 12:42 PM
سنفونية حب;11428619:
اكيد كملي شجووووني يا كاتبتنا المبدعة<< طلعت المواهب يا عيني و الله

ناطرين باقي التجزاء اوكي و سلمت يمينج

تقبلي مروري



يسلمووو يا قلبي أخجلتيني والله:065:

ويمناج يا عمري

شرفني مرورج العطر



زهور الأمل;11434410:
شجـــوني شهالحركات ,, الله الله ,, مبدعه



في الانتظــار باقي البــرتات



كل هذا وين خاشتــه عنــا من زمان


يسلمووو يا قلبي أخجلتيني والله:065:


شرفني مرورج العطر





الوردة المستحية;11444616:
ويلي شنو هذا شجونة طلعت مبدعة واني ماادري


شكلها القصة عجايب

كملي وان شاءالله راح نكون من المتابعين


تحياتي:)


يسلمووو يا قلبي أخجلتيني والله:065:

شرفني مرورج العطر





أم بودى 80;11444734:
كملى فى انتظار البقيه


يسلمووو يا قلبي أخجلتيني والله:065:

شرفني مرورج العطر
ا
الامورة شجن
عروس فضية
28-02-2010 | 01:08 PM
وبعد الريوق الكل قام ايسوي شغله .. الجوري تتصل في رهف ومن الجهه الثانية رهف نايمه (إجازة والكل ينام فيها ) والتليفون يرن ويرن ويرن ومحد يرد وجوري تتأفف على رهف وتتوعد لها وأخيراً قررت السندريلا رهف على ما سمتها جوري واهي تتكلم معاها بصوت عالي


رهف ترد على التليفون : امممممممممممممممم

جوري: رهفوا يالدعله للحين راقده قومي قومي من النوم بسج نوم خلصتي النوم عن البشر

رهف : بسم الله الرحمن الرحيم جوري اشفيج يمه بالعه راديو خرعتيني من صباح الله خير الناس إجازة حرام عليج

جوري: رهفوا قومي ابيج بموضوع مهم جداً وما يتحمل التأجيل

رهف فزت من نومها عبالها صاير شي في جوري وبكل آذان صاغية تستمع حق جوري وتقولها آمري تدللي يا جوري قلبي

جوري استحت اشوي وقالت : تسلمين حبيبتي يا رهف قلبي أنتي .. خخخخخخ

المهم رهفوا الليلة شنو بتلبسين حق الحفله انا للحين مو مستقرة على شي حق الليلة احس كل اللي عندي ما يناسب ...

رهف تتقمص شخصيه المعصبه على جوري وتقولها بنبرة حاده وهي كاتمه ضحكتها : جوري اتعرفين تقلبين ويهج الحين متصله فيني من صباح الله خير وموضوع مهم ومهم عبالي انخطبتي والله شي من وراي وياية اتقولين لي عن شنو اتلبسين لبسي اي شي وخلاص

جوري : اصلاً انا الغلطانه اللي اتصل أخذ شورج وتوها بتصك التليفون الا رهف تفقعها ضحك وجوري عصبت عليها

جوري :يالحمارة ... اراويج ويلا قومي علشان نبي انروح نشتري لنا شي حلو حق الليلة وبعد نشتري هدية حق خلود...وقاموا البنات حق يتجهزون للطلعه وعقب ساعه رهف كانت عند بيت جوري وراحوا مجمع السيف..

مشعل قاعد ايطالع روحه في المنظرة ويبتسم حق روحه على الرغم إنه طبيب والمفروض شخصيته اتكون جاده نوعاً ما إلا أنه شخصيه مرحه وخفيف دم في الواقع ...وفي لحظة اللي مشعل ايشوف روحه في المنظرة قرر فجأة يتصل على صديقه علاء علشان يطلعون لهم طلعه ايغيرون فيها جو ودار الحيث بينهم ..

مشعل : السلام عليكم ورحمه الله وبركاته .. شخبارج الغالي ؟

علاء : وعليكم السلام ورحمه الله وبركاته.. بخير دامك بخير يالغالي وانتي شخبارج؟

مشعل: بخير دامك بخير ..علاء شنو عندك اليوم ؟

علاء: والله ماكو وخاطري في برنامج من الملل

مشعل: حلوو اشرايك اليوم نطلع انغير جووو انرووح البر وي الشباب

علاء: نطلع اي بس انروح البر لالالالا اتعرف هناك سعود وانا ما احب اقعد وياه اخلاقه زفت ودايما يطالع الناس من فوق ..

(سعود ايصير أخو وفاء وهالاثنين سبحان الله الغرور يمشي في دمهم وعمره 25 سنه وإنسان مستهتر ويحب المغازل وأخلاقه في خشمه )

مشعل : اي والله صاج اتصدق انا من أول ما شفته في بيت جسوووم وكلش ما عجبني حسيته فاضي وايد )... انزين اشرايك انروح لنا سينما والله شي من هالقبيل متملل والعياده اليوم إجازة وانت بعد إجازة ..

علاء: بس تم خلني الحين اتصل في حب حياتي ريم الفلا وأخبرها باني بطلع علشان ما تحاتي

مشعل : وش عنده العاشق الولهان بعد ما يطلع الا بشور مرته .. شكلك ناسي انك اتكلم أخوها ؟؟؟

علاء : والله حلالي ومالك شغل ... يلا اجوف اقلب وجهك الحين تجهز بمر عليك عقب نص ساعه ..

مشعل: انزين يا حلالي اراويك ... ويلا بقوم اتجهز حق الطلعه وتعال عقب نص ساعه مو عقب خمس ساعات تقعد اتسولف وي حب حياتك وتنساني

علاء: عادي لو نسيتك عادي ..عشان ريم الفلا اسوي كل شي انا

مشعل: تدري عاد شكلي واااااااايد عطيتك ويه قوم يلا ومن غير ما تكلمها اشوفك عند باب بيتنا عقب ربع ساعه وإن تأخرت عاقبتك

علاء: إن شاء الله يا أستاذ العلوم خخخخخخخخخخخخخخخ

مشعل: انت بس تعال واراويك من اللي أستاذ العلوم يا أستاذ الفيزياء انت وبعدها سكروا الاثنين وقاموا يتجهزون حق الطلعه

ا
الامورة شجن
عروس فضية
28-02-2010 | 01:10 PM
وهذا بارت لعيونكم وإذا شفت تفاعل راح أنزل لكم الباقي
ا
الوردة المستحية
عروس نشيطة
01-03-2010 | 02:18 AM
يسلموو حبيبتي شجونة

بارت وايد حلوو

وباين عليها القصة مشوقة

بإنتظار البارت الياي

تحياتي:)
/
// حراير //
عروس مبدعة
01-03-2010 | 10:15 AM
مشكورة شجونة على القصة الحلوووووووة ..

تسلمين والله ..

ننتظــــر البارتاااات القاادمة ..
ا
الامورة شجن
عروس فضية
01-03-2010 | 11:20 AM
تسلمون المستحية وحرورة
وإن شاء الله بنزل لكم باقي البارتات قريباً
ا
الامورة شجن
عروس فضية
01-03-2010 | 03:48 PM
وصلوا البنات لمجمع السيف وكانوا لابسين نفس الطقم جينز سكيني وتوب وردي ولابسين شوز فلات وردي وحاملين شنطه خليط من الجينز واللون الوردي وشعرهم منسدل على ظهرهم ... وتوهم واصلين الا بشباب قاعدين يلاحقونهم من مكان لمكان واهما ما يعطونهم وجه لحد ما واحد منهم وقف لهم ووقفهم وقال كل هالغلا عشان مين يا حلويين ... والله احنا ما نستاهل عطونا وجه عااااااااد .. طبعا البنات مشوا عنه بعد معاناه وتم يلاحقهم من مكان لمكان هو وربعه وتعرفون من اللي يلاحقهم سعود أخو وفاء اللي على قولته ما في بنت تعصي عليه وحاول بكل الطرق لكن من غير فايده لحد ما استفزوه ربعه وقالوا له هههههههههههههههههههههههههههه وينك يا راعي البنات اللي اتقول انه ما فيه بنت اتعصي عليك ... راوينا رجولتك يا راعي الرجوله ....وفي هالوقت كان مشعل وعلاء داخلين المجمع من نفس البوابة اللي كانت البنات واقفين يمها ويلاحقهم سعود وفجأة سعود مسك يد جوري وايقولها يا حلوة بكيفج بغصب عنج راح تتعرفين علي انا سعود ولد الهاي ما في بنت اتعصي علي واهني مشعل وصل الدم لراسه وراح اهو وعلاء يتهاوشون مع سعود وربعه وكل واحد منهم ايكفخ الثاني لحد ما وصلت الامور للشرطه وراح لمركز الشرطه والضابط من عقب ما سمع من كل الاطراف القصه وطبعا مع نكران سعود الا ان الضابط ما صدقه وقام وعطاه كف وقاله انت واحد ما تستحي ملاحق بنات الناس ... اهني سعود تهجم على الضابط وقاله هي انت ما تعرف انا ولد منووو علشان اتطقني كف ... اتعرف انا لو اتصل حق الوالد اتعرف وين بيوديك بيوديك ورا الشمس ... الضابط طبعاً ما خاف من الكلام وأمر بحبس سعود وطبعا اليوم إجازة فسعود بيتم لبكرة في المركز .. وعقبها أخذ مشعل وعلاء جوري ورهف وراحوا البيت ... ولما دخل علاء ورهف البيت الا مريم امهم اتقول لهم خير يا يمه اشفيكم ... علاء اشفيه ويهك جذي من طاقك يا يمه واشفيها رهف تبجي علامكم يا يمه ؟؟؟ وكانت العنود قاعده مع امها يشربون شاي العصر وخافت مثل أمها يوم جافت اخوها واختها في حالتهم هذي .. علاء ايقول حق امه ما فينا الا العافية يا يمه لا تخافين ورهف ما فيها شي بس كانت خايفة اشوي والحين بتصير زينه ... مريم : من شنو كانت خايفة وليش انت مطقوق؟

علاء: يمه كنا في مجمع السيف انا ومشعل

العنود من اسمعت اسم مشعل فز قلبها وسرحت اشوي وهي اتقول ( يا حبي له هالمشعل لو يدري بس اني اشكثر احبه ) وبعدين صوت مريم قطع سرحان العنود وبعدين يا علاء شنو صار الا ايقول ابداً يمه بس الضابط أمر بحبس سعود واحنا ردينا البيت .... الا العنود تسأل ما قلت لنا السالفة الا ايقولها صح النوم انا قلت السالفة وانتي خبر خير ... طبعاً استحت العنود وفي داخلها اتقول (ايحق لي يا خوي اسرح مشعل حبيب القلب ودوا الروح آآآآآآآآآآآه يا حبي له لو يدري اني احبه واتذكره يوم كنا يهال نلعب كلنا مع بعض وكان يشتري لي الايسكريم والحلاو وما يرضى علي وكان لما ايشوفني اصيييييييح ايجي جري وايقول لي عنودي عنودي اسم الدلع لعنود عند مشعل لاتصييييييحييييييييين بعدين مشعلي بصيييييييييييح وكانت من تسمعه ايقولها جذي تبتسم له وتضحك معاه وتلعب ....


إلى هني هذا بارت لعيونكم بس إذا فيه تفاعل راح انزل الباقي

ا
الامورة شجن
عروس فضية
03-03-2010 | 11:42 AM
نرجع الى البنات الى رجعوا البيت وهم ميتين من الصياح على اللي صار وكله وحده منهم تتمنى إن سعود يموت من الحره اللي وصلت لهم ...فقرروا يلبسون أي من عندهم ويسلمون أمرهم لله لان خلاص ما باقي الا ساعتين على الحفلة ..

جوري لبست لها فستان أبيض مطرز بالورد الوردي وصندل وردي فاتح وسوت حركه الويفي في شعرها وربطت شريطه وردية فاتحه على شعرها وطلع شكلها كيوت ونعومه وتعطرت من عطرها المفضل اسكادا واكتفت انها اتحط لها ميكب آب خفيف ايطلع ملامحها الطفولية (حطت لها كحل ورسمت عينها وزينت عينها بالقلتر الابيض على الجوانب وعلى الجفون حطت لمسة من اللورن الوردي الفاتح وحطت لها قلوس وردي )

ورهف لبست لها فستان أصفر قصير ولبست فوقه جاكيت أخضر وسوت شعرها مثل الظفاير وربطتهم كلهم مع بعض وطلع شكلها جنان وصارت تشبه الامريكات الغجريات وتعطرت بعطرها نينا ريتشي وحطت لها ميك آب يمزج بين الأخضر والأصفر مع رسمه العين بالكحل الغامق وحطت لها قلوس برتقالي ....

ومن جهه ثانية كانت خلود على أتم استعداد بفستانها اللؤلؤي وقبعتها اللؤلؤية وكانت تشبه الاميرات وشعرها منسدل على ظهرها مع خصل الويفي وميك آبها اللي يمزج بين لون اللؤلؤ على جفنها مع الاحمر الغزالي ورسمه الكحل واكتفت بقلوس شفاف عشان ما تبي اتصير اوفر ..

ومن جهة ثانية بعد كانت وفاء اتقيس كل اللي عندها من الثياب لانها كانت على علم ان جوري ورهف راح ايكونون موجودين في الحفله فكانت تبي تراويهم انها أحسن منهم ...(وللعلم على الرغم انه جوري ورهف من بنات رجال الأعمال الا انهم يمتازون بالتواضع والبساطه على عكس وفاء اللي تعتبر نفسها ملكه عليهم لمجرد ان ابوها ملك من ملوك الالماس ).. نرجع لوفاء اللي كانت مو عارفة شنو تلبس وشنو اتخلي وآخر شي استقرت على ميني سيكرت سودة ولبست فوقها توب أحمر في نقط سوده وعليها جاكيت أسود ناعم وخلت شعرها ينسدل على ظهرها بس حبت اتسوي فيه حركه البف وحطت لها بروش من الكريستال الاسود واللي كانت اتزينه ورده روز حمرة في شعرها ولبست ساعتها الالماس وبوت طويل يوصل لحد الركبة وخذت شنطتها وهدية خلود وياها واتصلت على السايق ايجهز لها السيارة المرسيدس آخر موديل بس عشان تقهر جوري ورهف وتعطرت بعطرها المفضل جوتشي وحطت لها الميك آب الصارخ اللي يمزج بين الاحمر والاسود على الجفون وحطت لها قلوس أحمر ونزلت تتمخطر وكانها أميرة ..

وفي المقابل رهف تتصل على جوري وتقولها جهزتي نفسج يلا علشان يمدينا انوصل أنا عند الباب .. جوري دقيقتين وأنا عندج .. رهف : أوكي يلا باي .. جوري باي

ونزلت جوري وشافت امها قاعده في الصاله وتبخر وحبتها على راسها ودانه اتقول : الله عين الله تحرسج يا بنيتي ما شاء الله بدر البدور ... استحت جوري ولمت أمها وحبتها على راسها وتقول عينج الحلوة يا يمه طالعه عليج وتسلمين لي يا يمه ربي يخليج لي ودانه في الوقت ويخليج يا يمه تعالي أبخرج وبخرتها ورهف برة صدعت راس الاوادم من الهرن وطلعت لها جوري بسرعه اتقول لها اشفيج سويتي ازعاج يا مزعجه .. رهف عبالج سايق عندج الا اتخليني انطرج برة على الاقل دخليني داخل أشوف خاليتي وعمي اسلم عليهم ... محد قالج تنطرين البيت بيتج وما يحتاج أقولج دشي والحين يلا يلا حركي السيارة خلينا نوصل ...وفي الطريج والبنات مشغلين الاغاني الا بجوال جوري ايرن وتطلعه من الشنطه الا المكالمه خارجية وردت عليها بسرعه أحمدددددددددددددددددددددددددددددددددددددددددددددددددددي يا قلب أختك والله وحشتنييييييييييييييييييييييييييييييييي ومتى بتنور البحرين ترى لك وحشة وشخبارج وشلونك وشخبار أمريكا وكل شي ؟؟؟؟؟

وطبعا رهف الجميله من سمعت انه جوري اتكلم أحمد تشققت من الفرحه والاناسة لان حب عمرها وطبعا هذا السر محد ايعرفها غيرها وغير أحمد اللي ناوي يرجع هالمرة ويقول حق أهله إنه بيخطب رهف

أحمد: بسم الله الرحمن الرحيم جوري كل هذا اجاوبه مرة وحده ما بلحق على شي .. وانتي بعد وحشتيني وااااااااايد يا عيوني وأمريكا بخير اتسلم عليج وتسأل عنج ... وبرجع البحرين أول ما أخلص إمتحانات إن شاء الله وهو يقول في قلبه (لو تدرين يا جوري إني في المطار الحين وجاي البيت مشتاق لكم حيل )...وبعدها سلم أحمد على جوري وقالها تحملي بروحج وسلمي على البيت كلهم وقبل ما تنتهي المكالمه الا جوري اتقول أحمددددددددي لا تنسى اللي وصيتك عليه ابي اتيب لي أبوات وبناطيل وفساتين وشنط وكل شي ... تدري ييب وياك أمريكا كلها حقي ... الا أحمد ايقولها إن شاء الله عمتي بحطها في بوكي وبييبها لج تأمرين بشي بعد وجوري اتقوله تسوي روحك خفيف ما عليه أحمدووو إذا ما يبت اللي ابيه ما راح أدخلك البيت فاهم ويلا تحمل بروحك باي وأحمد من جهه ثانية باي ..

ويسكر المكالمه من جوري ويتصل في رهف وطبعا اهو خبر خير ما يدري انه رهف وجوري مع بعض في السيارة ...

الى هني وبوقف ..تتوقعون رهف اترد على مكالمة أحمد أو لاء ؟؟ إذا عجبتكم خبروني أكملها لكم

*
*%بنت باباتي%*
عروس مشاركة
03-03-2010 | 12:45 PM
تكفين انا امووت ع الرواايات وربي حلووووووووووووووووووووووووووووة اتهبل كمليهااا بليزززززززززززززززززززززززززززززززززززز ...
ا
الامورة شجن
عروس فضية
04-03-2010 | 11:51 AM
تسلمين حبيبتي


إن شاء الله بنزل لكم بارت طويل هالمرة بس للاسف مو اليوم إن شاء الله يوم السبت او الجمعه
ا
الامورة شجن
عروس فضية
08-03-2010 | 09:29 AM
مسامحه بنات ما صار عندي وقت أنزلها لكم

إن شاء الله هالويك اند بنزلها لكم
X