مراحب يا عسولات
من فترة عملت كريب سوزيت .. هو حلى معمول من كريب و صوص كراميل و عصير برتقال
الحلى دا اسمة كريب سوزيت .. انا شفت الطريقة فى برنامج تسلم الايادى فى فتافيت و كانت اول مرة اعملة كنت بس بسمع عنة و كنت فاكره انة حاجة صعبة جداا بس طلع سهل جدااا و طعمة جميل جدااا و عجب الكل الحمدلله
المكونات
كوب دقيق
كوب للبن حليب
ربع كوب عصير برتقال فرش
برش برتقال
معلقة كبيرة فانيلا
ملعقة كبيرة بيكينج بودر
نص فنجان سكر بنى او سكر عادى دا علشان عمل الكراميل
معلقة زبدة ذائبة
بيضة واحدة
2 ملعقة كبيرة سكر
نبدأ بتحضير الكريب
نضرب البيضة مع السكر و الفانيلا فى الخلاط .. خلط بسيط جداا بس السكر يذوب
و بعدين نضيف اللبن الحليب و الزبدة الذائبة
وبعدين نضيف الدقيق شوية شوية مش كلة مرة واحدة
هنا خليط الكريب جاهز نحطة فى الثلاجة شوية لحد ما نجهز الصوص
نبدأ فى تجهز الصوص
نذوب ملعقة زبدة
نحط عليها كمية السكر البنى او العادى .. النص فنجان
هنا السكر ذاب و اصبح عندنا كراميل
نجيب عصير البرتقال و نضيفة شوية شوية و لازم تكون النار واطية و ننتبه كويس اوى و احنا بنضيف العصير لانة بيطلع بخار جامد .. يعنى نضيف العصير و نبعد بسرعة عن البوتجاز
نضيف برش البرتقال
و نقلب بسرعة لمدة 5 دقايق كدا و خلاص
نبدأ فى تجهز المرحلة الثانية للكريب .. كلنا طبعا عارفين ازاى بنحضر الكريب
اسبكم مع الصور
هنا الكريب جاهز
ناخد واحدة كريب و نلفها على شكل مثلث ونلف كل كمية الكريب بالشكل دا
و بعدين نحط عليها الصوص و نزينها حبيت ازينها بفراولة علشان اكسر اللون الفاتح
صورة اقررررررررب
اتمنى ان ينال اعجبكم
فى انتظار الردود الحلوة و التقيمات الحلوة
لا اسمح بالنقل الى اى منتدى اخر بدون استاذان