خلاصة بحثى عن تجهيز التورتات(1) البداية

م

مرمروره

عروس ماسية

12-02-2010 | 06:49 PM

بعض الخطوات لو عملناها هتسهللنا كتير في تزيين التورتة بشكل مرتب
أول خطوة وقبل مانبدأ التقسيم ياتري كيكتك متساوية أصلا وتمااااااااااااااام ولاااااااااا مثلا مايلة على جنب أو وسط الكيكة داخل لجوة ولا طالع لفوق يعنى كيكة بكررررررررررررش قبل ماتعملي أي حاجة فيها حاولي تساوي شكلها وتشيلي الفتافيت اللي على الوش أو الجنب
الصور هتوضح اكتر

ولاحظوا دايما قعر الكيكة دايما بيكون هو وش التورتة لأنه مرتب أكتر
تانى خطوة بتكون تقسيم التورتة وده بتكون سهلة لو عندك سكينة كبيرة تجيب التورتة في مرة واحدة وحاولي تعملي علامات ولو حتى بخلة الأسنان عشان مش تطلع الطبفات غير متساوية

م

مرمروره

عروس ماسية

12-02-2010 | 06:50 PM

في طريقة تانية للتقسيم هي طريقة سهلة جدا ودقيقة في نتايجها بس بصراحة مش بتنفع مع كل الكيكات اللي جربتها فيها ونجحت بجد هي الشيفون كيك بعد مابردت كويس ودخلتها التلاجة كم ساعة نفعت فيها الطريقة تمااااااام لكن وبصراحة لما جربتها مع الكيك الإسفنجي العادي مش عرفت أعملها خالص
سوري طووووووووولت ندخل ع الطريقة هي إستخدام الخيط كما في الصورة

وانا كمان زيادة في الإحتياط بثبت خلة سنان فوق مكان مرور الخيط عشان أضمن انه مايطلعش لفوق لما بشده عارفة الصورة مش واضحة أوي بس لو عرفت ألأاقي صور تانية للطريقة هجيبهالكم
طيب مثلا واحدة زي حالاتى مش عندها السكينة الكبيرة أوي وكمان عاملة كيكة مش نافع معاها الطريقة بتاعة الخيط فلما تيجي تقسمي الكيكة خللي بالك لما تيجي تحشيها وترجعي ترصيها على بعضها لازم ترتبيها زي ماكانت عشان عمر التقسيم ماهيكون طالع على المللي فلو رصيتيها غلط ممكن تبان مايلة وخصوصا لو الحشو بين الطبقات مش سميك الصور هتوضح اللي عايزة أوصلهولكم
بنقسم الكيكة ومانشيلش الطبقات عن بعضها نسيبهم زي ماهما ونعمل العلامة زي اللي في الصورة بالكريمة بحيث لما نشيلهم ونحشي نرجعهم فوق بعض من غير دوران

شايفين بيرجع كل طبقة مكانها من غير ماتلف لايمين ولا شمال
من ساعة ماستعملت الطريقة ده والله مريحانى كتير مش بخاف الكيكة تطلع مايلة
بالنسبة بقى للحشو ياحلوين زي ماهتشوفوا في الصور ده أحسن وارتب طريقة للحشو ولو انه مزودها شوية حط كريمة كتير أوي بس انتو اتقيدوا بالخطوات مش مهم الكمية

نيجي بقى للتغطية
وفي طريقتين ياإما تكوني عايزة تكون الكريمة ظاهرة على الجوانب ووقتها بتحتاجي تستخدمي كمية كبيرة من الكريمة عشان تطلع الجوانب مظبوطة
زي مانتم شايفين طالعة تحفة على المسطرة

الطريقة التانية هتغطي الجوانب بكمية كريمة قليلة وتغطيها بطبقة من حاجة تانية
زي المكسرات جوز الهند العادي جوز هند محمص شوكولا مبشورة فارماسيل بف باستري مكسرة وغيرهاااااا
شوفوا هنا غطيت بجوز الهند المحمص ومش بس الجوانب لأ الكيكة كلها كنت مستعجلة وماكانش عندي كريمة كتييييييييييييير

م

مرمروره

عروس ماسية

12-02-2010 | 06:51 PM

المرحلة التالتة التزيين بالفواكه
أول حاجة لازم نعرفها عشان تزيين الفاكهة بتاعنا يكون شكله حلو وبيلمع اننا عايزين جيلاتين نلمع بيه الفاكهة عشان تبقى زي الجاهزة بالضبط بتلمع وكمان بيحافظ على الفاكهة وميخلهاش تدبل بسرعة
وده ياما تجيبي الجيلاتين البودرة او الورق وتستعمليه
او جيلي عادي بس تخللي تركيزة اكتر يعنى تققلي المية شوية وتلمعي بيه الفاكهة بعد مايبرد
وفي طرييقة تانية أسهل شوية وهي تلميع الفاكهة بالمربى المخففة بشوية مية صغيرة بس ساعتها بتلمعيها قبل التقديم مباشرة لأن بعد شوية الفاكهة بتمتص المربى وترجع تاني مش بتلمع
وهقوللكم بالتفصيل عن موضوع التلميع ده
بس نشوف شوية نماذج كده لفتح الشهية
والصور مش محتاجة شرح الفكرة بمجرد النظر بتعرفي ترتبي الفاكهة إزاي على التورتة بطريقة أنيقة
ولو حد في حاجة مش واضحة بالنسبة له يقوووووووووول
1

2

3

4

5

6

7

8

9

10

م

مرمروره

عروس ماسية

12-02-2010 | 06:52 PM

إن شاء الله النهارده هبدا معاكم مرحلة جديدة
والمرحلة ده هتكون عن التزيين النهائي للتورتة وهتكون على اقسام منها التزيين بالكريمة والتزيين بالفواكه المختلفة والتزيين بالشوكولا
بس قبل ماندخل في الأقسام ده هعرض ليكم مجموعة من التورتات كنت شفتها بموقع أجنبي طرق تزيينها بسيطة اوي ومش محتاجة مهارة لتكون بداية للمبتدئات وفيها ميزة مهمة وهي ان سهل تقسميها يعنى مش هتتعبي في نقسيمها لقطع متماثلة لأن في ناس بيكون صعب عليها تقسم التورتة قطع متساوية وتلاقي كل فرد واخد قطعه شكل وحجم وبتكون حاجة تكسف ده مش مبالغة والله انا شفت ناس كده
وكل صورة هقوللكم تتعمل إزاي مع بعض التغييرات والإضافات لتناسب الكل مع بعض الطرق الخاصة اللي بستعملها

نشوف سوا بعض الصور
(1)

هنا كيكة بسيطة
نزين الجوانب بجوز هند محمص قليلا على النار بدون اي زيت وده أسهل طريقة بستخدمها في تزيين الجوانب تحطي شوية في حلة صغيرة على النار وتقلبي بسرعة حتى مايتحرق يدوب تلاقيه دهبي شيليه من النار وافضلي قلبي برضو لأنه بيستمر ياخد لللون حتى لما تشيليه عن النار او ممكن تحطي الحاجة اللي بتحمريه فيها في ماء عشان تبرد بسرعة وتوقف التحمير ده لو خفتى يتحمر زيادة
نزين الحواف بالكريمة وفي النص نحط مثلا جيلي او مربي مضاف لها قليل من الماء ليسهل توزيعها
وطريقتى في الجيلي عشان تعرفي تصبيه في نص الكيك ومايسيح وفي نفس الوقت يكون متساوي هي انى اسيبه بالتلاجة حتى يكون قوامه مثل صابون المواعين لاأتركه يتجمد بالكامل واصبه في وسط الكيك او زي ماحب يطلع متساوي جميل
الكيكة ده مفرغة من النص طيب لو عملتى واحدة مدورة ممكن تعملي برضو دايرة الكريمة اللي في النص وتملي جواها بنوع تانى من الجيلي او نوع تانى من المربى
او تستخدمي مثلا للي برة جيلي فراولة والايرة اللي جوا تحطي مربى فراولة يكون فيها فراولة قطع او فاكهة 000000000000000
للاتنسي تكوني دهنتى وجه الكيكة بالكامل بطبقة خفيفة من الكريمة صح هتتغطى بالجيلي بس لما الجيلي ييجي على اللون الأبيض بيبان أجمل ماتحطيه على الكيكة مباشرة وكمان حتى الكيكة ماتشربه
(2)

ده بقى تدهنى وجه الكيكة بطبقة خفيفة من الكريمة وتحددي الجوانب بالكريمة وترسمي خطوط مايلة بالكريمة تجيبي الجيلي بالقوام اللي قلت عليه قبل كده وتملي مابين الخطوط المايلة ده بعد ماتملي كل الفراغات بطرف السكينة تسحبي بالراحة وتمشى اتجاه يعمل زاوية قائمة مع الخطوط كأنها علامة الضرب في
انا مش عارفة ايه الحاجة الغريبة اللي فيها بذر ده بس احنا زي ماقلنا هنستخدم جيلي او مربى
(3)

مفيش اسهل من كده وومكن في النص فراولاية مشمشاية اي حاجة عندك
(4)

الفكرة ده جميلة أوي لكيكة الشوكولا التزيين بالكراميل
وطريقتى في الكراميل
بحط كوبين لبن حليب معاهم كوب سكر على نار هادئة ومعاهم رشة بيكربونات الصودا وده فايدتها حتى السكر مايحترش يعنى يبقى حبيبات بعد مده
وبسيببه على نار هادية ومش بقلبة كتير يعنى كل 5 دقايق بس خللي بالك منه لايتحرق لحد ماتوصلي للسمك اللي انتى عايزاه طبعا بعد مايبرد هيتقل كتير فحطي ده في حساباتك للسمك اللي انتى عايزاه
ونفس المقادير بعمل منها حليب مكثف بس ده بقى لازم تقليب علطول كل دقيقة
(5)

عبيييييييطة

(6)

ده لو عندك ناس بيحبوا الشوكولا وناس لأ
(7)

هنا الكراميل طري شوية بحيث ممكن نصبه
انا عن نفسي بعمله تقيل واشيله في التلاجة ولما بحتاج وصفة فيها كراميل خفيف باخد شوية واسخنهم على النار مع شوية مية صغرين لحد مايوصل للسماكة اللي عايزاها
(8)

هنا مجرد خطوط بالعرض بالكريمة
في حاجة مهمة في ده وفي رقم 2
وهي اانا ليه ماقلناش نحط جيلي على كل الكيكة وبعدين نرسم خطوط الكريمة؟؟؟؟؟
ده لأن الرسم بالكريمة فوق الجلي بيكون صعب لأن الكريييمة ماتسك فيه وتلاقيها بتتزحلق عليه عشان كده بنعمل زي مااقلتلكم في رقم 2 الأول خطوط الكريمة بعدين نملا الفراغات جيلي مربى كراميل000000000000
(9)

وده برضو نوعين مع بعض لترضي جميع الأذواق
(10)

ده والله عسولة
التقسيم لمربعات فكرة بسيطة وسهلة وفيها مجال كبير للتنويع كل مربع ممكن تمليه حاجة مختلفة أنواع فواكه شوكولا مبشورة وباسلام لو كام نوع جيلي ولا كام نوع مربى ياعينى على الألوان
وبيليق أوي اللون الأحمر مع الشوكولا يعنى مثلا مربى فراولة اوجيلي فراولة مع شوكولا مبشورة
(11)

زي اللي فوقيها شوفي ايه اللي عندك في التلاجة وشكلي براحتك
(12)

ده بلأناناس المعلب
(13)

وده للي بيحبو الشوكولا زيي نفسي في حتة
(14)

شوفي ده سهلة أوي في التقسيم
لو قطع صغيرة كفاية مثلث واحد ولو عايزاها كبيرة خللي في القطعة الواحدة مثلثين ونوعي لترضى كل اللي بالبيت ممكن تمدي طرف النثلث للأخر لو كيكتك دايرة كاملة
(15)

زي اللي قلناه قبل كده
(16)

شوفوا هنا الكيكة مدورة مش مفرغة
(17)

ولا أسهل وردات عادية خالص وفوقها اي نوع فاكهة عندك بحيث كل قطعة فيها ورده فاكهة

م

مرمروره

عروس ماسية

12-02-2010 | 06:53 PM

إبداعات من الجيلي
شوفوا بقى ياحلوين
التزيين بالجيلي بيكون ب 4 طرق
الشغل بيه وهو في حالة سائلة تماما وده لو هتصبيه في قعر الصينية اللي هتشتغلي فيها وتقلبيه بعد وضعها في حمام مائي

يعنى بنعمل كيكة في الصينية
خلصنا الكيكة نغسل الصينية ونعمل الجيلي عادي بس دايما يفضل انك تقللي السائل شوية عن اللي مكتوب على العبوة ده بشكل عام لما تستخدميه للتزيين عشان يطلع ماسك نفسه
بعد ماعملنا الجيلي نصبه في الصينية وعلى التلاجة لحد مايتماسك تمااااااما
نقسم الكيكة نصين نضع نص على الجيلي وطبقة كريمة وطبقة الكيكة التانية
ونحط الصينية للحظات في حمام ماء ساخن او ثانيتين على الغاز ونقلب في طبق التقديم
بتطلع عندك تورتة سهلة جدااا وشكلها تحفة
وفي ملحوظة بقى من خلال عملي لهذا النوع من التورتة
أولا قبل ماتحطي اول طبقة من الكيك على الجيلي إدهنى وجهها المقابل للجيلي بطبقة خفيفة من الكريمة البيضاء الحركة ده بتظهر لون الجيلي أكتر وبتخليه أروع في للمعانه
بخلاف لو كان لون الكيكة هو اللي باين تحت الجيلي مباشرة بيطفي لون الجيلي شوية خاصة لو كانت الكيكة غامقة
كمان ملحوظة لو تضيفي معلقتين تلاتة من الجيلي نفسه للكريمة اللي هتحشي بيها التورتة بيطلع عندك تناسق الوان جميل
شوفوا التورتة ده عملتها من زماااااااااان وانا لسة مبتدأة في هذا النوع عشان كده مخربطة شوية بس إن شاء الله توضح الفكرة
والله عملتها كتييييييييير بعد كده بس بكسل أصور

نرجع لموضوعنا
الحالة التانية اللي بنستخدم فيها الجيلي هي حالة صابون المواعين يعنى بنحطه في التلاجة لحد مايبقى قوامه زي صابون الفيري بتاع المواعين وده لو عايزين نصبه هلى وجه التورتة بحيث تكون الأطراف محددة بالكريمة
شوفوا الفكرة واضحة في التورتة ده

والجاتوه ده

في الحالتين صبيته وهو في قوام الفيري
لأنه لو قل عن كده وكان سائل أوي بينزل من الجوانب ويخرب شكل الكيكة
ولو زاد وكان ماسك أوي مش هيدينى الشكل الشفاف ده وهيكون فيه كلاكيع محدش يدق على التعبيرات إحنا أخر الليل والواحد مخلللللللللص
الحالة التالته
يكون الجيلي في قوامة العادي اللي بناكله وده ممكن نقلبه في بعضه كويس ونحطه في كيس التزين القمع ونشتغل بيه بيبقى حلو أويييييي للأسف عملها مرة في تورته بس صورها راحت
كنت عاملة جيلي أحمر وأصفر وبقيت أعمل خط أحمر جنبه خط أصفر وطلعت روووووووعه

الحالة الرابعة نستخدمه بعد مايتماسك تماما
وده لو عايزين نعمل منه أشكال نزين بيها شكل وردة دايرة مربع قلب بنعمله في صينية مسطة بحيث يكون سمكه مش كبير يدوب 1 سم ونقطعه باستخدام قطاعات بالأشكال اللي عايزينها
هنا عملت دايرة ده كان من زماااااااااااااااان أكتر من سنتين

ولازم ومهم جدا في الحالة ده إنى أكون مقلله مقدار السائل مش بس شوية لأشويتيييين يعنى ياريت لو يقل للنص
عشان نقدر نتحكم فيه كويس

مش عارفة لو في حاجة نسيت أقولها ولا لأ
لو إفتكرت حاجة تاني هقولهالكم

كده خلصنا شرح ندخل على الصور بقى وهي مجمعه من النت عشان تديكم أفكار جديدة ولو في حد عجبه حاجة ومش عارف بتتهمل إزاي يقول أنا هرقم الصور عشان السؤال يكون برقم الصورة أوكيييييييييييييييييي

ومبدئيا هقول على كل صوره الحله اللي بنستخدم فيها الجيلي بتكون إيه

1

الجيلي الغامق معمول بقوام متماسك بواطة قمع
والفاتح قوام الفيري بتحطيه في كيس وتهملي في الطرف فتحة صغيرة وتعملي نقط بالجيلي كبيرة شوية وهي بتفرش كمان شوية تديكي الحجم المطلوب

2

3

4

2و3و4 قوام متماسك بالقمع مع إختلاف لون الجيلي

5

6

5و6 قوام الفيري بنحدد الأول الكريمه وبنصب بداخلها

7

قوام الفيري بنحدد الكريمة كلها ونثب بواسطة ملعقة في الفراغات
وانا عملتها قبل كده شوفو تورتتي الأمورة ده

8

قوام الفيري نحط شوية بمعلقة ونفردهم بضهر المعلقة وحبة كمان جنبهم ونفرد بضهر المعلقة دايلر مايدور ع الكيكة
والنقط ده بكيس فيه ثقب صغير

دول بقى هدية وكله قوام الفيري وفي كيس وايدها رسم
9

10

11

12

13

يألواناااااااااااااتك

وده كمان حلوة بقوام الفيري