ركن العناية بالبشرة والجسم ركن متخصص لمناقشة جميع الامور الصحية و العناية بالبشره والجسم .

افضل مكان على الاطلاق لازالة الشعرباليزر فى مصر و تجربة اختى الشخصية

03/02/2010, 07:04 PM

ازيكم يا بنات



عاملين اية



انهادرة هتكلم عن موضوع ازالة الشعر بالليزر فى مصر ام الدنيا



انا اتكلمت عنة قبل كدة فى مشاركات ليا بس لانة بيبقى صعب الوصول اليها قررت انى اكتب عن فى موضوع منفصل علشان يوصل و يفيد لاكبر قدر من البنات






هتطلعى من الموضوع دى بمعلومات عن



افضل دكتورة جلدية فى مصر



عنوانها بالتفصيل



اسعارها



تفاصيل تجربة الليز مع اختى و صاحبتها



مميزات و عيوب اليزر



اسئلة تدور فى دماغك و اجابتها



نصائح خاصة منى جدا



و خرافات بنسمعها كتير و الرد عليها








مقدمة



انا اختى عملت ليزر عند نادية صالح من سنتان تقريبا قبل جوزها فى اندر ارمز كنا قبلها عاييزن تعمل لايزر بس مش عارفين مكان كويس لحد ما لاقنا واحدة صاحبتها بتقولها على نادية صالح و برضوا انها اتجوزت فى نفس الوقت الى اختى اتجوزت فى فا كانت بتجهز نفسها و بتهتم بنفسهاو عموما البنت دى اصلا من النوع الى مهتم اوى بنفسة و مش فارقة معاها اى حاجة غير انها تروح عند احسن حد و تاخد احسن نتيجة لما قالت لاختى تقريبا كانت خلصت كل الجلسات او فى الاخر خالص مش فاكرة اوى



المهم كانت مبسوطة جدا جدا بنادية صالح و اعدت تقولنا دى هايلة بجد و تفاصيل هتعرفوها بعدين المهم صاحبت اختى عاملت جسمها كلة بدون استسناء خالص لانها مشعرة شوية و قالتلها تعمل عندها و كدة بس اختى مش مشعرة عموما خالص فا عملت بس اندر ارمز اندر ارمز عملت ال4 جلسات كلهم

و اختى لحد دلوقتى بتقولى دى كانت احسن حاجة عملتها فى حياتى و بتنصح بنادية صالح لاى حد هيعمل لايزر من غير تفكير اصلا و راضية جدا جدا عن النتيجة و بتقولى واللة تستاهل حتى اكتر من الفلوس الى دفعتها فى الليزر



دى اختصار للموضوع و كل كلامى الى جى مبنى على تجربة اختى وصاحبتها خاصة انى كنت بروح معاها و شوفت النتيجة بعينى





اسئلة واجابات مهمة






احنا لية بنعمل لايز اساسا؟؟






اليزر الى كل الناس تعرفوا ان حل بس لمشكلة الشعر الزايد عند بنات كتير و لتقليل نمو الشعر بنسبة كبيرة دى حاجة



لكن الى كتيرمن البنات مش يعروفوا و اعتقد لو اتعرف اوى كل البنات هتعمل لايزر اصلا انة بيتعمل فى حالات الشعر الى بيطلع تحت الجلد يعنى بيعالج المشكلة دى و يريحك منها خالص و على فكرة يا بنات الشعر تحت الجلد دى بيطلع من اى وسيلة بتستخدميها سواء كانت سويت موس سيلك ابيل بس طبعا فى طرق بتزود عن طرق بس انا قصدى انك لو استخدمتى ايةللاسف بيطلع بردو شعر تحت الجلد و المشلكة بقى انة غالبا بيسيب بعد كدة حبوب و بقع و هتبقى مبقعة فى الاخر انا زمان روحت لنادية صالح فى استشارة عادية و سئلتها على الموضوع دى عادى قالتلى ان الليزر احسن حل للموضوع دى و هيريحنى جدا لانة هيحل الموضوع من اساسة






ماذا نتوقع من العلاج بالليزر؟






الشعر مش بيروح كليا كليا 100% بس بيقل بنسبة 80% و الشعر الباقى ال20% بتبقى انعم بكتير و افتح يعنى زى وبر ممكن تشقريى و ممكن تسيبى اصلا مش هيبقى باين اوى اصلا و نسبة 80% دى يا بنات نسبة كبيرة اوى على فكرة






لية لازم تختارى دكتور كويس و مش تسترخسى؟؟






لان ببساطة شديدة جلدك ممكن يتحرق و يحصلك تشوهات تفضلى تعالجى فيها طول عمرك دى ببساطة و اختى تعرف شخصيل واحد صاحبة صاحبتها حصلها كدة و بتندم اصلا لحد دلوقتى انها مش راحت عند نادية صالح و راحت لوحد مش بيفهم فى البطيخ اصلا بس انة كان على اد فلوسها



نصيحة ليكى: لو عايزة تسترخسى استرخسى فى شنطة اى حاجة غير جلدك لان عموما يعنى لو حصلك حرق دى كل سنة وانتى طيبة تشوهات اكتر بكتير من لو كنتى اعتى بشعرك كدة








كم عدد الجلسات و المدة ما بينهم؟






هما اربعة بس ممكن تعمليهم كلهم وممكن تعملى 3 او 2 على حسب ما تكتفى بس لنتيجة كاملة اربعة احسن



المدة بين كل جلسة و جلسة شهر او شهر و نصف






هل الليزر مؤلم؟






للاسف نعم و لازم تبقى عارفة كدة كويسة و محضرة نفسك نفسيا لتقبل كدة علشان مش تتخدى بس الى حد ما البنج الى بتحطى و الجل البارد الى الدكتور بتحطهولك بيقللوا الوجع و اى التهابات تحصل






ماذا اتوقع بعد كل جلسة ليزر؟






احمرار بسيط و تخدير فى المكان و الدكتورة اصلا بتقولك على كريمات تجبيها من الصيديلة و تستخدميها لفترة معينة








احسن الامكان كنتيجة؟؟






اندر ارمز و الرجليين







10 نقاط مهمة و خطوات علاج اشعر بالتفاصيل






فى كذا نقطة عايزة اوضحها علشان اوضح الدنيا مشاية ازاى هناك بالظبط و اجاوب على اى سؤال فى دماغكم اوك


1- بصى عموما فى مبداء بتمشى علية نادية صالح و هو انها بتقلل 100 مع كل جلسة يعنى مثلا اول جلسة لو ب 500 تبقى الجلسة التانية ب 400 و هكذا اوك

2- و هو عموما 4 جلسات لاى مكان علشان تاخدى نتيجة كاملة بس فى ناس مش بتكمل ال4 لاما انها بتكتفى بالنتيجة و خلاص او مش بتستحمل الوجع او لظروف مادية بس

3- كل جلسة بتزود فيها درجة حرارة الليزر فا كل مرة بتبقى بتوجع اكتر من الاول

4- لازم تسيبى شعرك يطول مدة كافية قبلها يعنى معنى كدة انك مش هتعملى سويت ولا سيلك ابيل و لا حاجة هتطرى فترة تمشى كانسان الغابة بالظبط انا مش اقدر اقولك تسيبى شعرك اد اية بالظبط بس عموما مثلا شعر الرجلين بيطلع بسرعة اكتر من اندر ارمز فاهمنى يعنى مثلا الرجلين ممكن تسيبها شهر او شهر و نصف لكن اندر ارمز بياخد وقت طويل ان الشعر فى يطلع كلو فاهمين يعنى ممكن 3 شهور مثلا نفس الكلام بقى بالنسبة لاى منطقة تانية هتعملى فيها ليزر





5- حاجة تانية مهمة اوى و هى البنج الى هتستخدمى قبل الليزر و زى ما قلت قبل كدة ان اليزر دى تحسى سخن كدة و بيطلع بيتس معينة فا لازم تخدرى المكان كويس قبلها اختى لما جت تحجز البنت قلتلها بصى فى نوعين من البنج او المخدر يعنى بس انا بقول علية بنج و خلاص المهم فى نوعين واحد مصرى كان بيبتاع عندهم تقريبا وواحد مستورد الى هو املا دى المهم قلتلها بدل انتى هتعملى اندر ارمز جيبى احسن المستورد لانهم مناطق حساسة و قلتلها ان فى بنات كانت بتسترخس و بتشترى المصرى و خلاص و كانت بتسوط جوة اصلا من الوجع هو املا دى اعتقد ب 50 او حاجة و 50 و هى علبة فيها عبوات صغيرة اوى و الدكتورة كانت قلتلها على كل منطقة تحط اد اية بالظبط الكمية بس رائى الخاص لو هتعملى فى اى مكان اشترى احسن المستورد دى علشان مش تبقى تجربة شنيعة بالنسبة ليكى






6-مدة البنج تقريبا كانت ساعة و المساعدة دى قالت لاختى انها المفروض تكون موجودة فى العيادة قبل المعاد بتاعها بساعة و تدخل الحمام هناك و تحطة فى الامكان الى هتعمل فيها لايزر و بتديها زى كياس كدة تحطها على المناطق دى فوق الكريم علشان تقدرى تلبسى لبسك و تطلعى برة تعدى بقى تستنى دورك و هى لما بيجى دورك بتطلع المساعدة دى تقولك مثلا خلاص ادخلى اغسلى البنج علشان هتدخلى و على فكرة هو البنج املا دى بيجى معاة حاجة كدة بردوا بتحطيها بعد ما تحطى البنج علشان تعرفى تلبسى لبسك بس مش حلوة اوى الى اديتها لاختى كانت بتثبت اكتر ( المساعدة قالت لاختى انها ممكن تحط البنج فى البيت وتشيلوا فى العيادة لما يجى معادها بالظبط الطريقة دى اريحلك لانك فى بيتك و حمامك و كدة بس عيبها لو اتاخرتى شوية عن معاد دخولك لاى سبب ممكن يبتداى اثار البنج يروح و تتوجعى و حاجة تانية مهمة جدا الكياس الى بتحطيها على البنج دى و تستنى ساعة مش ينفع خالص تتحركى بيها كتير و تركبى عربية و تمشى كتير و كدة خالص فا دى نقطة مهمة )






7- بيبقى فى مساعدة مع الدكتورة لما بتخدلى هى بتشيلك الشعر بموس و طبعا بتغير الشفرة مع كل واحدة دى شى اساسى و بديهى و هى بتشيل الشعر بالموس لسبب منطقى يا جماعة ان اصلا اشعة الليز دى بتستهدف بصيلة الشعر لو شلنا الشعر بسويت بنشيل الشعرة كدة من جذورها فا مش هيعمل حاجة بس هى بتعملك ليزر و تقريبا بترسم بقلم و بتحدد المكان الى الدكتورة هتعملك فى ليزر علشان يبقى الموضوع محدد بالظبط






8- المساعدة كانت بتقول لاختى ان فى ناس بتحب تشيل هى فى البيت مع نفسها بالموس و تيجى علطول تعمل ليزر بس الطريقة دى اولا لازم تبقى متفقة مع المساعدة انك هتعملى كدة و قالتلها انهامش بترجح اوى الفكرة دى لانها لما انتى بتعملى لنفسك انا عرفة كويس ان الموضوع محرج انك تروحى كدة بشعرك زى انسانة الغابة وواحدة تعد تشلك بس صدقنى عادى خالص كلهم اصلا هناك واخدين على كدة يعنى دى مساعدة و دى دكتورة فاهمنى مش بياعة فى محل هى الى بتعملك يعنى و بيشوفوا بلاوى اصلا كل يوم فا الموضوع عادى خالص






9- قبل ما تبداء تعملك ليزر بتحطلك جل كدة بارد على المكان و دى مهم جدا لحماية الجلد من اى الاتهابات






10- لازم لما تبداء معاكى الدكتورة تلبس نظارة مخصوصة لحماية العين من الليزر و بتلبس بردو انتى واحدة و اى حد تانى موجود فى الاوضة قريب منك و من الليزر علشان اشعة الليز غلط نهائى على العين اصلا







عيوب و مزايا الليزر عند نادية صالح عن تجربة شخصية لاختى






اولا العيوب:






1- اختى زى ما انتوا عارفين اختى عملت ليزر من سنتان قبل جوازها فا كان فى صعوبة جامدة انها تحجز معاد قريب اعتقد خدت معاد بعد شهرين و نصف بس دلوقتى تقريبا اقصى حاجة بعد شهر و نصف مصر كلها الحمد لله بتشيل






2- تانى حاجة الانتظار هناك حاجة قاتلة يا ياجماعة بجد يعنى لما تروحى هناك خدى كتاب و حاجة بتحبيها اوى و جيبى MP3 معاكى لانك هتتشلى شوية اختى ولا صاحبتها عمرهم ما دخلوا فى مواعدهم اصلا مش عارفة بقى دى سوء تقدير للوقت منهم ولا اية بس دى الحقيقة



اه و حاجة مهمة اوى محدش يحجز يوم السبت بيبقى اكتر يوم زحمة لان كلوا اجازة من الشغل فا مش ينفع يعملوا فى يوم تانى






3- الكياس الى بتتحط على البنج دى مؤرفة اوى مش بتخليكى تعرفى تمشى و بتعد تعمل صوت و بيبقى شكلك غريب بس طبعا عادى لانة كلة هناك كدة و فاهمين بس قصدى انك لو حاطة بنج و كياس و مش عارفى تمشى و مستنية بقالك سنة معادك اعدة مش ظريفة يعنى






4- الحمام هناك نضيف و كبير و فى بسكت كبيرة اوى عملاقة اصلا لان فى مناديل بتترمى بالهبل بس المشكلة انك ممكن تكونى بتحطى و بطيئة و مش عارفة تعملى كويس وواحدة تخبط عليكى من فضلك عايزة ادخل فاهمنى






5- خامس حاجة الاسعار بتاعتها غالية شوية عن دكتارة تانيين كتير






ثانيا المميزات:






1- كل الى اقدر اقولة انك هتاخدى نتيجة هايلة هايلة ممتازة بجد لو اعدت اشكر فيها للصبح مش هيدها حقها واللة و دى لوحدة يستهال انك تتعبى شوية فى الانتظار والارف دى لان الموضوع فى الاخر عبارة عن اربع مرات بس بتروحى فيهم و خلاويص انا اختى لحد دلوقتى يا جماعة بتقولى دى كلنت احسن حاجة عملتها فى حياتى و راضية جدا جدا جدا عن النتيجة الى خدتها و بتنصح اى واحدة اصلا بنادية صالح من غير ولا نقطة تفكير اصلا






2- تانى حاجة ياجماعة الدكتورة دى عندها خبرة جامدة جدا اولا لانها اول واحدة فى مصر اصلا مارست موضوع الليزر و علاج الشعر بالايزر من زمان اوى و ثانيا اصلا بيجلها كمية ناس مش طبيعية اصلا و عمرى ما شفت حد عمل عندها الى و شكر فيها و دعالها






3- هى انسانة محترمة اوى بجد و بنت ناس جدا و دى مهم جدا يا جماعة بجد لما بتعملى ليزر صدقونى هتبقى محتاجة حد تحسى ابن ناس






4- هتضمنى 100% ان مش هيحصلك اى حروق فى جسمك مهما كانت المنطقة حساسة و لا اى حاجة و دى حاجة اضمنهلكم بنفسى







خرافات حول الليزر و الرد عليها






1- الى تقولك عدد الجلسات مثلا 8 ولا 10 و لا 16 دى حوار فاكس بجد من الاخر دى يبقى دكتور اتخرج من جامعة بيتهم و بلس انتوا متخيلين اصلا يعنى اية تعدى 8 شهور بتعملى ليزر يعنى قريب من انك تكملى سنة تهريج اصلا هو اخرة 4 او 5






2-تانى حاجة الى تقولك انا عملت ليزر و الليزر وحش الشعر بيرجع بعد كدة ولا اكنى عملت حاجة و ضيعت فولسى على الفاضى دى هبل من الاخر لاما هى هبلة لاما الدكتور اهبل حاجة من الاتنين لان ال 80% الى بيرجوا مش بيطلعوا تانى






3- الى تقولك انا اعرف واحد ممتاز بيعمل ليزر ب 50 جنية بس فى الجلسة اه دى المفروض لو عرفتى حاجة كدة اصلا تبقى بالنسبة ليكى



A trun off يعنى حاجة منفرة اصلا مش مشجعة اصلا انك تعملى عندة



لان ببساطة انتى الفلوس الى بتدفيها دى داخل فيها تكلفة الجهاز نفسة و الخدمة الى بتخدمى عموما ابتدا من اهتمام و نضافة و نتيجة كويسة و مدى تعليم و خبرة الى بيشتغل دى فا لو 50 جنية معلش يعنى انتى هتخدى معاملة و نضافة و نتيجة 50 جنية يارب اكون واضحة






4- اخر حاجة و يمكن دى اغرب حاجة سمعتها فى حياتى مرة واحدة قالتلى انا مش مع الليزر اصلا بقولها لية يا ماما بتقولى لان اصلا دى حاجة معاكسة للطبيعية بقولها يعنى الشعر دى ربنا خلقنا بى و حاجة طبيعية نروح احنا نعمل حاجة معاكسة للطبيعة و اى حاجة معاكسة للطبيعة بتبقى مش كويسة و ليها اضررها






كان ردى ليها كالتالى بالظبط



يا ماما مين قالك اصلا ان بنت لما يبقى عندها شعر كتير فى رجلها و ايدها و بطنها و ظهرها دى حاجة طبيعية اصلا



الشعر اصلا بيطلع فى البنات لية لان عند اى بنت نسبة من هرمونات الذكورة اوك دى الى بيفسر ظهرو الشعر فى امكان مختلفة



الطبيعيى ان الشعر يبقى فى البنت ( معادا اندر ارمز و البيكينى لاين بيبقى كثيف) زى الوبر يعنى شعر خفيف خالص و فاتح و ناعم لا يكاد يرى فاهمنى دى طبيعيى و اوك و مش محتاج انة يتشال اصلا لانة مش باين



بس لاما تبقى بنت رجلها و اديها مشعرة جامد و الشعر اسود و كثيف دى مش طبيعيى يا حبيبتى







الاسعار:






زى ما قولنا كل جلسة بتقل 100 جنية



و بين كل جلسة و جلسة شهر الى شهر و نصف







الايدين






الجلسة الاولى 1000



الجلسة التانية 900



الجلسة التالتة:800



الجلسة الرابعة :700



= 3400




تحت الابط او اندر ارمز






الجلسة الاولى 500



الجلسة التانية 400



الجلسة التالتة:300



الجلسة الرابعة :200



= 1400



الرجل من تحت لحد الركبة ( الجزء الاسفل يعنى)





الجلسة الاولى 1400



الجلسة التانية 1300



الجلسة التالتة:1200



الجلسة الرابعة :1100



= 5000




الرجل من الركبة لحد فوق ( الجزء الاعلى يعنى)






الجلسة الاولى 1600



الجلسة التانية 1500



الجلسة التالتة:1400



الجلسة الرابعة :1300



5800=





العنوان:






نادية صالح


عنوانها النيل ميدان الباشا بجوار مسجد الباشا

و العنوان بالتفصيل

14 شارع سمير سيد احمد فوق مطعم العائلات

الدور التالت

هى عندها عيادتان فى نفس العمارة

واحدة عيادة جلدية عادية بليل
واحدة لليزر بس بتشتغل فيها الصبح

المواعيد


من 2:30- 10 الصبح كل الايام معادا خميس و جمعة






تنبية:موضوعى جهد شخصى و من تصويرى الخاص ممنوع نقل موضوعى او اى صورة من صورى من دون اذن منى اولا ثم ذكر اسمى و منتدى عروس


الى استفادت من موضوعى دى او من اى مواضيع تانية ليا ياريت تقيمنى
و عايزة اشوف ردودكم الحلوة
يلى ورونى بقى



من مواضيعي


اخر مواضيعى يارب تعجبكم

انهاردة روحت لدكتور جلدية و صورتلك علاجى كلة
http://forums.3roos.com/3roos503593/

كريم طبيعيى و امن لتفتيح المناطق الحساسة و اندر ارمز من دكتور جلدية بالصور و السعر
http://forums.3roos.com/3roos507644/




صورة N O U R الرمزية
03/02/2010, 07:13 PM
تسلمي اختي الغالية }ْ~

علي هذا الطرح والشرح الرائع والمفيد }ْ~

بصراحة ولا عمري فكرت اشيل بليزر اعرف انة مؤلم

موضوعك اكثر من رااااااااائع }ْ~

الله يعطيكي العافية واحلي تقييم لرووعتك }ْ~




من مواضيعي





اللهم فرح قلبي وآنس وحشتي ونفس كربتي وفرج همي وأزل ضيقي وعوض صبري وقرعيني بطفلاً صالحاً معافا ليس في خلقه زيدة ولانقصان وجعله خيراً لي ومن البارين بي ومن المستغفرين لي عند مماتي وجعله من الصالحين ومن حفظة كتابك الكريم ومن المجاهدين في سبيلك يارب العالمين آمين
03/02/2010, 07:25 PM
Stacy موضوعك اكثر من رائع بجد شكرا على مجهودك بس انا مكنتش اعرف انو فيه وجع



من مواضيعي

صورة heba 017 الرمزية
03/02/2010, 07:27 PM
ثانكس بجد انا استفدت منه كتييييييييييييييييييير
وفهمت حجات كتير عن الليزر كان لازم افهمها



من مواضيعي

صورة ريما الخليجية الرمزية
03/02/2010, 07:40 PM
مرحبا غاليتي

شكرا على طرح تجربة أختك وصاحبتها

واحنا عندنا اغلب العيادات يكون في اجهزة الليزر تبريد ذاتي عشان يخفف من الالم والوجع

وكمان في نوعين من الاجهزة واحد للبشرة البيضا والثاني للبشرة السمرا

لان اشعة الليزر تستهدف اللون الاسود ( الشعرة ) فلو كانت البشره سمرا الليزر مايميز لون الجلد من الشعر

فهذا الجهاز معمول على هالاساس

هذي معلومات حبيت اضيفها

وشكرك للمره الثانيه



من مواضيعي

03/02/2010, 09:35 PM
موضوع رائع بس فعلا اسعاه غاليه شويه
بس تستاهل مدام دكتوره كويسه ونتيجه هايله عن نفسي مبفكرش اعمل ليزر خالص



من مواضيعي

03/02/2010, 09:44 PM
موضوعك بصراحة روعة جزاكى الله كل خير



من مواضيعي

03/02/2010, 10:00 PM
Mwdoo3 rw3aaa thx Stacy



من مواضيعي

03/02/2010, 10:06 PM
ما شاء الله موضوع كامل و متكامل انا استقدت منه جدا جدا ربنا يكرمك

بس ممكن تقولي اسعار الباقيه
ليزر الوجه و البطن و الظهر بس هو الظهر عامة كش بيبقى فيه جامد بس فوق تحت الرقبه من ورا بيبقى زي الوبر كده بس مش لطيف
و كمان المنظقه الحساسه و خط البكيني



من مواضيعي

صورة *pippo* الرمزية
03/02/2010, 11:48 PM
موضوع رااااااائع كالعادة
تسلمى يا ستاسى



من مواضيعي

  • 1
  • 2
  • 3

« تجربتي من التخلص من سواد المناطق الحساسه | آلتجمع آلاول للمرهقآآت آلحلوووآت *ــ* »

يتصفح الموضوع حالياً: 2 (0 من الأعضاء و 2 من الزوار)
 
أدوات الموضوع


مواضيع مشابهة
الموضوع المنتدى
افضل واقي شمس على الاطلاق ركن العناية بالبشرة والجسم
افضل صابونة على الاطلاق ركن العناية بالبشرة والجسم
رجيم لانقاص اربع كيلوجرامات فى الاسبوع..تجربة زوجى الشخصية إستفسارات و تجمعات السمنة و النحافة
عايزه منكن افضل عطر على الاطلاق ركن العطور

الساعة الآن +3: 02:04 PM.

 اتصل بنا - اعلن معنا - سياسة الخصوصية

Search Engine Optimization by vBSEO ©2011, Crawlability, Inc.

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141