عندي لوازم للخلطات ما استخدمتها ... ممكن بنصائحكم بنات تساعدوني. ...

[نبضة]

السلام عليكم ...
شخباركم ... ان شاء الله بخير...
بنات عندي مكونات للخلطات في الكبت منها ما اعرف استخدمها و منها بتنتهي صلاحيتها جريب، وطبعاً حرام. أنا ابي استخدمها ما يصير اعقها في الزبالة جديده قلبي يعورني...
1- علبة ( 2 )طحينيه و بتنتهي تاريخ 1-1-2010 حرام افرهم في الزباله جي ...:thumbs_down:
2- طين يابس يشبه الحجارة يمني ( ما اعرف في شو استخدمه في الجسم و كيف موضوعه .. انا اشتريته من القرية اليمنيه في - دبي القرية العالمية .).
3- مستكه بيضه ها الي يحطونه في البخور بس احنا ما نحب نستخدمه كيف ممكن استفيد منه؟.
4- اسكينول بالبابايا .
5- خيل من عند العطار. ( ما اعرف في شو استخدمه و كيف اذوبه مثلا و لا كيف طريقته).
7- ربع كيلو صندل بودره.
8- ملح الحليب سبا ينتهي بتاريخ 1-10-2010
9- كريم من الصيدلية كيناكومب kenacomb.
10- صابونة بياري بالكركم، صابونة بيبي جونسن، صابونة كاميه معطره .
11- زيت الجرجير فرش باقيله 10 شهور
12- البودره الحمره العكر الفاسي الي يجيبونه من المغرب ممكن استخدمه في شي ثاني؟ لاني ما احب الحمام المغربي ما يناسبني يطلع لي حبوب حمر حار على بشرتي...و ممكن استخدمه للوجه؟.
الي تعرف كيف ممكن استفيد من ها الاغراض تساعدني ....:thumbs_up:
افكاركم بنااااات..F:
و جزاكم الله الف خير .....

[نبضة]

بنات ياريت تردون علي في ها الشهر بخصوص الطحينيه بحطه في خلطه للجسم علبه و الثانية؟؟؟؟؟؟؟؟؟؟؟
عندي ثنتين و بينتهون تاريخ 1-1-2010

للرفع للرفع

[[ نونو مآلي آني ]]

1- علبة ( 2 )طحينيه و بتنتهي تاريخ 1-1-2010 حرام افرهم في الزباله جي ...:thumbs_down:
مدري اذا الطحينية احد يستخدمها في خلطات للجسم
بس اللي اعرفه الطحينية للاكل تزيد الوزن

2- طين يابس يشبه الحجارة يمني ( ما اعرف في شو استخدمه في الجسم و كيف موضوعه .. انا اشتريته من القرية اليمنيه في - دبي القرية العالمية .).

اممم اظني عرفت اش تقصدين تستخدمينه اول شي جيبي صحن ماي دافئ حطيه فوق الماي بعدين حكيه ع راحة يدك راح يطلع الطين بعدين حطيه ع وجهك (ماعاد حول العيون) لان معي حجر طين يمني اشتريته
وهذي طريقة استخدامه

3- مستكه بيضه ها الي يحطونه في البخور بس احنا ما نحب نستخدمه كيف ممكن استفيد منه؟.

مافهمت بصراحة خخخ

4- اسكينول بالبابايا .

إستخدميه قبل كل غسلة لوجهك او قبل غسل الابط او ع الركب والاكواع او ع القدم او ع اليدين والاصابع يفتح استغليه ^_*

5- خيل من عند العطار. ( ما اعرف في شو استخدمه و كيف اذوبه مثلا و لا كيف طريقته).

مدري اش يعني خيل ؟

7- ربع كيلو صندل بودره.

سوي منه خلطة لجسمك او لوجهك مع ماء ورد ونشأ وعسل ^_*

8- ملح الحليب سبا ينتهي بتاريخ 1-10-2010

بزعل منك لو ما استخدمتيه لانه رووووووعة في التفتيح
رطبي جسمك بعدين ضيفي عليه ملح خشن (حق الاكل) وحطي معاه ملح الحليب هذا وفركي فيه كل المناطق السمراء بالجسم
مثلا الابط القدم الوجه او المؤخرة او الظهر او اليدين والركب والاكواع والرقبة روووووووووووعة

9- كريم من الصيدلية كيناكومب kenacomb.

ماعرف شي عن هالكريم

10- صابونة بياري بالكركم، صابونة بيبي جونسن، صابونة كاميه معطره .

صابون كاميه معطر فقط وتجاري مايفيد البشرة بشي غير يضفي رائحة
صابونة جونسون لطيفة للبشرة استخدميها لقبل النوم وحطي كريمك المرطب ماقبل النوم الخاص الي تستخدميه (اي واحد)
صابونة بياري كركم استخدميه للجسم ورطبي من بعدها بزيت اللوز الحلو او بزيت الزيتون

11- زيت الجرجير فرش باقيله 10 شهور

استخدميه لخلطات الشعر حطيه مع فنجان عسل وفنجان زيت زيتون وزيت عافية ونارجيل روووووووعة وزين بعد لو تدقي فصتين ثوم

12- البودره الحمره العكر الفاسي الي يجيبونه من المغرب ممكن استخدمه في شي ثاني؟ لاني ما احب الحمام المغربي ما يناسبني يطلع لي حبوب حمر حار على بشرتي...و ممكن استخدمه للوجه؟.

اممممم العكر الفاسي اممم اظني يستخدم لتوريد الشفايف مثل ماقريت قبل مدة طويلة حطي منه كمية في علبة فازلين صغيرة الحجم(اصغر حجم) واستخدميه خلطة لتوريد الشفايف قبل النوم

اما بالنسبة للوجه ماقدر اساعدك لان ماجربت

ان شاء الله ردي يكون فادك
بالتووفيق يالغلا
والسموحة ع القصور
لان بعض المنتجات ماعرفتها
:L:

[نبضة]

مشكوووووووووووووووووووووو وووووووورة حبيبتي .............
واااااااااااااااايد استفدت من كلامج
اثريتي معلوماتي في الخلطات بعد
شكرا على وصفة الطين مول ما كنت اعرف استخدمه
اليوكو ملح الحليب كنت مسويتله طاف و دايما اقول بعدين بعدين بس شجعتيني ويا الملح الخشن ما عندي وما اعرف وين يبيعونه ... بستخدم ملح الليمون ...
اسكينول البابايا اشتريته لان يذكرونه بالموقع و توني اعرف ان ممكن يفتح الركب و الكيعان انا استخدم اسكينول الليمون في خلطاتي و لتفتيح المنطقة الحساسه و استفدت الصراحه ...
صابونة بياري ما كنت بستخدمها لاني جربتها و جففت جسمي بس اذا بستخدم ترطيب بعدها ينفع ...
صابونه كاميه بحطها في المغسله و يتصرفون فيها ههههههههههه. و بيبي جونسن بغني عليها (يجيلك يوم) ...
انا اخاف اسوي اي خلطه للشعر بس بفرك فيه فروة الراس بضع قطرات قبل النوم وصفة طبيب جلديه قال قبل النوم لو كل امراة حطت بضع قطرات من الزيت مع التدليك في فروة الراس ان شاء الله ما راح تعاني من مشاكل الشعر طبعا ما يمنع قص طرف الشعر مرة بالشهر...
العكر الفاسي للشفايف شي رهيب بجربه توني اعرف ...
اختي اشكرج وايد وايد كنت اعاتب نفسي باني اشتري و ما استخدم و الدرج مفول على الفاضي بس بسوي شي اخيرا....
شكراً

[نبضة]

بنات باقي كم شي ما اعرفله بعدني الي هو :
1- علبة ( 2 )طحينيه و بتنتهي تاريخ 1-1-2010 حرام افرهم في الزباله جي ...:thumbs_down:
2- طين يابس يشبه الحجارة يمني .. انا اشتريته من القرية اليمنيه في - دبي القرية العالمية .
3- مستكه بيضه ها الي يحطونه في البخور بس في بيتنا ما نحب نستخدمه كيف ممكن استفيد منه؟.
4- خيل او خيله من عند العطار. ( ما اعرف في شو استخدمه و كيف اذوبه مثلا و لا كيف طريقته). يقولون يداتي كانو يستخدمونه بس انا بصراحه ما اعرف كيف استخدمه؟
5- ربع كيلو صندل بودره.
6- كريم من الصيدلية كيناكومب kenacomb.
7- البودره الحمره العكر الفاسي الي يجيبونه من المغرب ممكن استخدمه في شي ثاني؟ لاني ما احب الحمام المغربي ما يناسبني يطلع لي حبوب حمر حار على بشرتي...و ممكن استخدمه للوجه؟.
افيدوني بردودكم الحلوة..

[[ نونو مآلي آني ]]

الملح الخشن حتى عادي حق الاكل أو ملح الليمون بعد ممتااااااااااااااز لايعلى عليه
بالتووفيق يالغلا

[نبضة]

الله يوفقج يا نور العرب ... كتبت لج رد في موضوعج بخصوص العناية بالشعر ان شاء الله يفيدج ....
بنات الخيله كيف ممكن استخدمه ....

[دلوعه قطريه]

تحذيررررر

انتبهي العكر الفاسي يسبب تسمم لو دخل بالفم لاتستخدمينه عالشفايف ابدا ابد



علبة ( 2 )طحينيه و بتنتهي تاريخ 1-1-2010 حرام افرهم في الزباله جي ...:thumbs_down:
احسن شي تسوين متبل من صجي والله لان الكميه كبيره
وللخلطات
خلطي الطحينيه مع قوطي روب وربع كاس حليب نيدو ونص ليمونه وشوية من اي سكراب او مقشر تحبينه وخلطيهم وحطيهم على جسمج بحركات دائريه وفرك خفيف وبعدها خليها تجف وبعدين فركيها وغسلي جسمج وشوفي البلاوي الي تطلع



2- طين يابس يشبه الحجارة يمني ( ما اعرف في شو استخدمه في الجسم و كيف موضوعه .. انا اشتريته من القرية اليمنيه في - دبي القرية العالمية .).
ماعرف الصراحه


3- مستكه بيضه ها الي يحطونه في البخور بس احنا ما نحب نستخدمه كيف ممكن استفيد منه؟.
مالها غير البخور



4- اسكينول بالبابايا .
امسحي ويهج فيه ولو ويهج حساس مسحي فيه كل الاماكن الغامقه بالجسم



5- خيل من عند العطار. ( ما اعرف في شو استخدمه و كيف اذوبه مثلا و لا كيف طريقته).
ماعرف معنى الكلمه سوري



7- ربع كيلو صندل بودره.
خلطيه مع حليب وماي ورد وحطيه على ويهج او ابتكري فيه مثل ماتحبين وتراه حلو للجسم بعد



8- ملح الحليب سبا ينتهي بتاريخ 1-10-2010
عادي مثل اي سكراب وتراه روووعه للنعومه



9- كريم من الصيدلية كيناكومب kenacomb.
ماعرف بس اعتقد للتفتيح يستخدم



10- صابونة بياري بالكركم، صابونة بيبي جونسن، صابونة كاميه معطره .
صابونة بياري روووعه للحبوب فالجسم والويه والتفتيح ممكن تبشرين كل الصابون وتضيفين عليه شوية جلسرين ولما يذوب استخدميه مثل الشاور جل



11- زيت الجرجير فرش باقيله 10 شهور
رووووعه للشعر زيتي شعرج به كل اسبوع مره



12- البودره الحمره العكر الفاسي الي يجيبونه من المغرب ممكن استخدمه في شي ثاني؟ لاني ما احب الحمام المغربي ما يناسبني يطلع لي حبوب حمر حار على بشرتي...و ممكن استخدمه للوجه؟
يمكن بشرتج تحسست منه لان لازم تحطين مقدار ابره للجسم كاااامل ولاتستخدميه عالوجه لانه حار وايد عالبشره


اتمنى اكون افدتج

[تانيا=]

ملح الحليب حلووووووووو

وطحينيه زينهههههههههههههههههههههه ههههههه

[نبضة]

دلوعة قطرية شكرا حبوبة على النصايح و انا كنت مستانسه على سالفة ا لعكر الفاسي ما عليه بدور في قوقل في طرق استخدامه للجسم من الخارج بس ان شاء الله ... و الله زين انج نبهتيني... ..
خلاص الحمد لله دام الحلول توفرت ورسيت على :
علبة ( 2 )طحينيه و بتنتهي تاريخ 1-1-2010 حرام افرهم في الزباله جي ...:thumbs_down:
واحد بسوي فيه خلطه تكفيني ل2 اسابيع و الثاني بسوي فيه متبل و بحطه في المطبخ و اخر اسبوع بحطه للجسم اذا ما خلصوه ما عليج اذا جافوه بياكلونه ويا التمر .. يحبونه

- طين يابس يشبه الحجارة يمني ( ما اعرف في شو استخدمه في الجسم و كيف موضوعه .. انا اشتريته من القرية اليمنيه في - دبي القرية العالمية .).
مثل ما قالت نور العرب اممم اظني عرفت اش تقصدين تستخدمينه اول شي جيبي صحن ماي دافئ حطيه فوق الماي بعدين حكيه ع راحة يدك راح يطلع الطين بعدين حطيه ع وجهك (ماعاد حول العيون) لان معي حجر طين يمني اشتريته
وهذي طريقة استخدامه
- مستكه بيضه ها الي يحطونه في البخور بس احنا ما نحب نستخدمه كيف ممكن استفيد منه؟.
مالها غير البخور للاسف ما يحبونه في البيت بيتم جي لين الاقيله حل،،،،،،، قريت عنه انه ينضاف حق الحلاوة الي تشل الشعر الي ممكن نسويها في البيت و بدور لها ان شاء الله استخدامات ثانية.

4- اسكينول بالبابايا .
مثل ما قالت نور العرب و دلوعه قطريه مشكورة حبيبتي مسحي فيه كل الاماكن الغامقه بالجسم.
- خيل من عند العطار. ( ما اعرف في شو استخدمه و كيف اذوبه مثلا و لا كيف طريقته).
ماعرف معنى الكلمه سوري
الخيله بسأل ربيعتي تذكرت ان اختها تستخدمه...
7- ربع كيلو صندل بودره.
خلطيه مع حليب وماي ورد وحطيه على ويهج او ابتكري فيه مثل ماتحبين وتراه حلو للجسم بعد

بدور في الخلطات مشكورة دلوعه قطرية
8- ملح الحليب سبا ينتهي بتاريخ 1-10-2010
عادي مثل اي سكراب وتراه روووعه للنعومه بستخدمه على طول فنان هو ...شكرا دلوعة قطرية و نور العرب
انا مب مقتنعه فيه وايد احسه ما يفتح شي بس بجربه الحمد لله باقيله وايد على تاريخ الانتهاء
10- صابونة بياري بالكركم، صابونة بيبي جونسن، صابونة كاميه معطره .
صابونة بياري روووعه للحبوب فالجسم والويه والتفتيح ممكن تبشرين كل الصابون وتضيفين عليه شوية جلسرين ولما يذوب استخدميه مثل الشاور جل. شكرا دلوعة قطرية على الخلطه المهمه هههه بس لاني بستعمل خلطات ثانيه الحين اذا خلصت من ها الخلطات 11- زيت الجرجير فرش باقيله 10 شهور
رووووعه للشعر زيتي شعرج به كل اسبوع مره... يمدحونه وايد وايد بس لان ياخذ فتره طويله بس بجربه و ما عليج كسل فيني تدرين انا زين لحقت على شعري قبل شهر كان متقصف و يطيح لدرجه اني ما كنت امشطه منكثر ما يطيح كنت اخاف ... ورحت الصالون و الحمد لله تحسن وايد لما مشيت على نصايحها و اقول حق عمري حمد لله على السلامه ههههههه و بعد صباح الخير هههههه...

- البودره الحمره العكر الفاسي الي يجيبونه من المغرب ممكن استخدمه في شي ثاني؟ لاني ما احب الحمام المغربي ما يناسبني يطلع لي حبوب حمر حار على بشرتي...و ممكن استخدمه للوجه؟
يمكن بشرتج تحسست منه لان لازم تحطين مقدار ابره للجسم كاااامل ولاتستخدميه عالوجه لانه حار وايد عالبشره
اها انا كنت استخدم و اخلص قوطي الحمام المغربي في 4 مرات يعني احط كميات كبيره بس انا ما عدت اشتري حمام مغربي لانه يبي حرارة و سالفته سالفه اسوي خلطة السدر و ملح الليمون و الحليب
البودر و الماي و لما اظهر من الحمام ارطب ... بس الحين من شهرين موقفه و شي زين اني ابتدي بخلطه فيها طحينيه الي هي وصفة شهر ا لعسل من بنت عذاري بسويها ان شاء الله و مكوناتها عندي الحمد لله .. و اذا نجحت ها الشهر في التغيير و الميك اوفر هههههههه بنزل موضوع بكل شي استخدمته ها الشهر على الاقل لما اتذكر 2009 اتذكر اني سويت شي يفرحني في السنين اليايه مب راحت جي على الفاضي و بعد نفس الشي بخصوص السنة الهجرية اليديده تراه الشهور يايه ويا بعض بس الله يسامحهم عودونا على الميلادي اكثر عن الهجري سبحان الله احس ان التواريخ الهجرية فيها بركه اكثر شي صح مب ارقام من اختراع الناس ...
هاي وصفة التشجيع ...
مشكورين ما قصرتوأ...
تانيا شكرا على المرور ،الطحنيه تنعم الجسم يعني الخلطه بروحها فيها ترطيب ...

الله يوفقني و ياكم ....
لا خليت منكم... احب منتدى عروس....