حلمتى حلم وتحقق بالنسبه لنوع الجنين اذا حياج

ام الورود* · 27/10/2009, 07:02 PM

اشلونكم حوامل ........الله يتمم علينا ويسهل حمله وولادته ........

طبعا كل وحده فينا تحلم اما قبل الحمل باشهر او ايام او بالشهور الاولى من الحمل .......

شنو الحلم اذكريه؟

هل تحقق التفسير .......؟

من حلم بنوع الجنين هل انتى او مقربين او زوجك ؟

متى سويتي سونار ؟ وباي شهر ؟

هل صدق السونار مع الاحلام؟

هل اتبعتي طرق ثانيه لمعرفة نوع الجنين بالشهور الاولى قبل الحمل ؟ اذكريها ؟

شنو نوع الجنين ؟

الله يعينكم عالاساله والاجابات :o

طبعا يفيدنا كلنا وانا اول وحده فيكم ..

حلمت اني شاريه عبايه واتبعت طريقه الابره وكل النتايج توضح اني حامل ببنت وانجبت .....بنوته

حلم زوجي انه شاري بشت .....وانا قريبه لي حلمت برجل يجامعني....وانجبت ولد

والبقيه تاتي ........انتظركم منها لتسليه ومنها للمعرفه

**بحرينيه عز** · 27/10/2009, 07:16 PM

شنو الحلم اذكريه؟

حلمت ان عندي لعبة اولاد قاعده اسبحها

هل تحقق التفسير .......؟

نعم

من حلم بنوع الجنين هل انتى او مقربين او زوجك ؟

انا حلمت والمقربين

متى سويتي سونار ؟ وباي شهر ؟

سويته بالشهر الرابع ولي 16 اسبوع

هل صدق السونار مع الاحلام؟

اي نعم

هل اتبعتي طرق ثانيه لمعرفة نوع الجنين بالشهور الاولى قبل الحمل ؟ اذكريها ؟

الجدول الصيني وطريقة السلسال

**زوجة حبيبهاااا** · 27/10/2009, 08:44 PM

انا اتبعت الجدول الصيني لكن مو قادرة احلم ابد ولا الالسونار قادر يحدد جنس الجنين

**قلب البتول** · 27/10/2009, 08:58 PM

للرفع

انا احلامي تكون بالنوعين فما اقدر اقول اي حلم تحقق

**مسز عادل** · 27/10/2009, 09:16 PM

حلو الموضوع أحب سوالف الأحلام الي تتحقق ههههه

الله يحقق كل أحلامنا و الي نتمناه يا رب

قبل لا أحمل حلمت بنت عمي فيني إني عيوني صايرة خضران و قال لها عمي لأنه هو شيخ بتجيب بنت عيونها خضران و أنا فرحت وصدقت عمري لأن زوجي بعد عيونه خضران و احنا نموت بالبنات

بس لما حملت الله عطاني ولد بس للحين ما فقدت الأمل أقول يمكن في المرات الجايه

و أنا لما كنت مخطوبه حلمت إن زوجي عطاني (قفه) صغيره و الا هي معناها سلة مصنوعه من الخوص وفيها سلاسل وذهب بس كلها خفيف وصغار يعني قلوب و هالسوالف و فيها علبه لونها أخضر لما فتحتها شفت فيها معاضد اثنين متان و منقوشين وكانت امي وياي بالحلم فقالت لي يمكن هاذي بس الهديه و الباقي حطهم البياع بالغلط

فسرت الحلمة و طلع اني بجيب ولدين لهم شأن وصالحين(إن شاء الله يا رب) وجا واحد و الثاني في عالم الذر

و عن السونار سويته بالشهر الخامس و طلع ولد واضح جداً وما في مجال للشك

وما أذكر اذا اتبعت شي ثاني اكيد سويت خرابيط ما اخلي روحي ههههه بس ما اذكر

اي صح اختي سوت لي بالتحفه الرضويه وطلع ولد

ام الورود* · 27/10/2009, 09:49 PM

اي صح اختي سوت لي بالتحفه الرضويه وطلع ولد

مو فاهمه شنو التحفه الرضويه ؟؟؟

ام الورود* · 27/10/2009, 11:05 PM

هاوينكم ؟؟

**وردة خريف** · 27/10/2009, 11:34 PM

انا حلمانه انو عندي بنت بيدي
واخوي حلم كمان اني جايبه بنت

.

بس لساتني بالشهر الثاني والله اعلم بالمكتوب

ام الورود* · 27/10/2009, 11:45 PM

ورده<>>>الله واعلم انج راح تجيبين ولد ..........بس اذا صح بشريني لاني انا باحلامي العكس

**مسز عادل** · 27/10/2009, 11:56 PM

أم الورود هذا كتاب عندنا اسمه التحفه الرضويه في طريقه يسوونها علشان يعرفون نوع الجنين

و نسيت اقول لكم اني لما تزوجت بعد حلمت اني في بيت ابوي وهو كله رخام و فيه ناس واجد جايين يباركون و شفت بنات جيراننا وكلمتهم و سألتني امهم شنو تبين هديه و قالت لها امي معارف عمتها عطوها فلوس و تفشلت من المرة و بعدين رحت المطبخ ويا خواتي و جت امي وعطتني دينارين وقال هاذلين من عند الجارة نفسها و خواتي استهزأوا من المبلغ انه قليل

ونسيت اقول لكم ان من ظمن التفسير اني تزوجت رجل صالح و ان منه بجيب ولدين رجال دين أو حفظة للقرآن

**العيون الكحيلهـ** · 28/10/2009, 12:03 AM

اناا مره حلمت اني فتحت الحففووظه

و شفت اعضاء ولد

و مرتين حلمت اني اسوي سوناار مره ولد و مره بنت

و دائما احلم ان عندي بنت او بجيب بنووته

و الاهل كمان يحلموون اني جبت بنت

و مره حلمت ان خاطبني واحد جمييل و عيوونه خضر

و وداني سوق ذهب و اختار لي اسواره بس ما عجبتني و ما اخذتها

و شفت ساعه ذهب حلووه بس هم ما اخذتهاا

و مره حلمت اني جبت ولد ومرة عمي جابت بنت

و بعدين امي جابت لي البنت و قالت لي هذا الولد مو لك

هذا لمرة عمك وانت لك البنت مع اني شفت نفسي و انا اولد الولد

و في النهاايه

جاتني ريووون العسل بنتي

و مرة عمي جابت وولد

طبعا احلااامي واااجد مو بس هذوولي

و التحفه الرضوويه هذاا كتاااب عندنااا

تقرين تطلعين جنس الجنين منه

**شوق الأثير** · 28/10/2009, 12:16 AM

أنا حلم زوجي واأختي فيني

وطلع تفسير الحلم أني بجيب ولد

وسويت سونار بالشهر السابع والتاسع

وطلع ولد

وانا الآن على وشك الولادة

الله يهون علينا

**مراوي** · 28/10/2009, 01:08 AM

زوجي حلم انه معطينه عقد

للآن ماعرف جنس المولود لان توي دخلت الرابع

**فراولــــه ملكيــــة** · 28/10/2009, 01:28 AM

الحمدالله رب العالمين على كل نعمة

انا احلامي كله اني اجيب بنوته حلوة وشعرها اسود حتى اهلي ومعارفي يحلمون نفس الشي

وكنت كل مره اروح حق اللتراسوند ما يبين إلا في بادية الخامس وبعدين الدكتوره اثبتت لي ان راح اجيب بنت والله اعلم

انا سامعة ان إذا احد حلم في ولد يصير العكس والله الم ماباقي ان شا ءالله اعرف الله يسهل علينا وعليكم

**مسز عادل** · 28/10/2009, 01:29 AM

عجبني الموضوع كل شوي اجي اطل

اشوف الأحلام

ههههه

الموضوع: حلمتى حلم وتحقق بالنسبه لنوع الجنين اذا حياج

أدوات الموضوع

بحث في الموضوع

حلمتى حلم وتحقق بالنسبه لنوع الجنين اذا حياج

المواضيع المتشابهه

جديده ومحتاجه لمساعدتك لنوع الماكياج

مميزات كل نوع من الكريمات ومدى ملاءمته لنوع البشرة

اجنـــــدة لحلمــــك هااا حلمتى اية النهاردة

تشكيلة مكياج...لنوع معينه من العيون