طريقتي في اعداد شوارما الدجاج الشهية ،، تفضلوا حياكم الله ..

السلام عليكم ورحمة الله وبركاته ،،


اليوم سويت على العشا شوارما الدجاج ، بس عاد خرفت فيها شوي وطلعت ما شاء الله يمي ..
(y)

طبعاً أن فرفرت في ركن المطبخ هنيه وشفت كم طريقة من البنات في اعداد الشوارما ما قصروا بارك الله فيهم ،، وكل وحدة أشهى من الثانية :)

عاد قلت براويكم طريقتي اللي ما أعتقد انها تختلف كثير عن طريقتكم :tongue:

يلا بسم الله ،،

المقادير ،،


* صدر دجاجة مقطة شرائح طويلة + شوية خل + شوي زيت زيتون + ملعقتين زبادي روب + بهارات عبارة عن ( ملح ، كركم ، فلفل أسود وأحمر ، بابريكا ، قرفا ) ..

* خلطنا جميع البهارات ويا باقي المقادير وتبلنا فيهم قطع الدجاج ،،

* وبعدين حطيناها بالثلاجة ل 5 ساعات عشان الخليط يتجانس ويا بعض ويمسك عدل مدل في قطع الدجاج .. أي يتشربها :D


بعد ذلك خرجناها من الثلاجة وأضفنا لها ملعقتين طحينية قبل شويها في الفرن ..


وهنا الصور .. :)(f)





حطيتهم بالفويل وسكرت عليهم زين زين عشان الحرارة تنضج القطع داخل الفرن ، طبعاً بإمكانك تقليهم بشوية زيت بس أختكم فضلت تشويها :D





وخلال مرحلة شويها في الفرن قطعت ( بصل + طماطم + خيار ) ..





بعد ما نضج الدجاج شلته من الفويل وحطيته بمقلى كبير شوي عشان مرحلة التحمير ، وأيضاً فضلت التحمير يكون عن طريق الفرن من فوق بس ،،

أضفت في الوجه شوي من البصل والطماطم اللي سبق وقطعته ..


تابعوا الصور :)











ودخلتهم الفرن عشان يتحمروا من فوق بسسسس وهاي النتيجة النهائية :)











وبكذا خلصنا طبق شوارما الدجاج ،،

رحت أقلي شوي بطاطس للحلوين لزوم اكتمال سفرة العشا ، بس النار شمتهم شوي :tongue::o

اشششش محد يضحك :cool:





وبما ان عدال بيوتنا ينزرع النعناع ويتكاثر بروحه ما شاء الله تبارك الرحمن ،، رحت أقطف من النعناعات اللي جنب بيتي عشان أسوي عصير النعناع بالليمون مع السكر ، بخليكم مع الصور الشارحة لنفسها :)















وهاي كان اللوك الأخير للعصير الطازج (y) ، طبعا يباله شوي دلع بس حضرتي ما أفهم في التنسيق :tongue:








وهاي اللوك النهائي للسفرة - من جانب واحد صورت وعقب بطارية الكيمرا فضت :ss:





هنا وعافية على قلوبكم جميعا ً ..