السلام عليكم و رحمه الله و بركاته
أمبارح قعدت أدعبس في كتاب عندي لقيت طريقه الدوناتس قلت يللا هيلا بيلا علي المطبخ
المقادير
4 أكواب دقيق
كوب لبن ( حليب )
1/4 كوب زبده مذابه
11/2م ص ملح صغيره
1م كبيره ب ب
1/2 كوب سكر
2 بيضه
1 صفار بيضه
فانيليا
الطريقه
في وعاء تنخلي الدقيق و الملح و البيكنج بودر و تسيبيهم علي جنب و تيجبي وعاء تاني تحطي فيه السكر و البيض و الفاتيليا و تخلطيهم سوا كويس و بعد كده تضيفي الزبده و الحليب و تخفقي كويس و تضيفيهم علي خليط الدقيق و تقلبي كويس لحد ما تلاقي عجينة طريه و مش بتلزق في اليد
تحطيها في التلاجة 30 دقيقه و تطلعيها تقطعيها زي ما انتوا عارفين طبعا و تحطي الزيت علي النار و تخليه يكون سخن و لما تحطيها تخلي النار متوسطة يعني كل واحده تأخد راحتها في القلي عشان مش تكون نيه من جوة و تصفيها في طبق عشان الزيت و بعد كده سيحت الشيكولا في حمام ميه و حطيتها و كملت وشها بالسوداني المفروم أو شيكولاة فارمسل أو سكر البودرة و أهي النتيجه ان شاء الله تعجبكم معلش أولادي كرهوني نفسي كان نفسي أصور الطريقه تتعوض ان شاء الله
يا بناااااااااااااات يا حلوين مش تنسوني من الدعاء و اللي يعجبها موضوعي مش تنسي تدوس علي الميزان:21_86::21_86::21_86::21_86: