شلووونكم يا احلى عرايس
وشلون صحتكم
عساكم بألف الف خير ان شاء الله
اليوم حبيت اوريكم المندي اللي سويته لما جا خطيبي :o
الحمد لله اول مرة اسوي له غدا وعجبه حيييل
طبعا معروف عني اني طباخه شاطره
<<< اقووول من مدح نفسه ....................................
ههههههههههههههه لا والله بس الحق ينقال خخخخخخخخخ
المهم ما اطووول عليكم
بس لازم اذكر حبايب قلبي هواة النقل
اللي يبي ينقل يذكر المصدر ،،،
غير كذا ماكو تنقلووون الموضوع ابد ابد ما احللكم
الحين نبدا باسم الله
المقادير:
طبعا هني انا مسويه غدا للعيلة كلها
فيعني اذا جيتي تسوين المقادير سويها على حسب عدد الاشخاص اللي بتسوينه لهم
انا بذكر المقادير بالنسبة الى دجاجه وحدة بس
حبتين جزر مبشورين
حبتين طماطم مبشورين من غير القشر طبعا
نصف حبة فلفل روومي مقطع مربعات صغيرة
بهارات ( ملح وفلفل اسود وبزار وكركم وقرفة وسنوت)
زبدة
كوبين رز (او حسب الكمية اللي تبينها)
دجاجه مقطعة ومنظفة ومنزوع منها الجلد
مكعب ماجي
الطريقة:
ناخذ الجزر ونحطه في القدر ونخليه على النار شوي
لين نحس انه كل الماي اللي فيه تبخر
بعدها نضيف له الزبدة
تقريبا استخدمت 6 مكعبات صغيرة جدا
ونبدا نحرك لين يتحمر عندنا الجزر
طبعا مثل طريقة تحمير البصل
اذا تحمر عندنا الجزر نضيف له الطماطم المبشورة
والفلفل الرومي المقطع مكعبات صغيرة
واكيد ماننسى نضيف البهارات ما عدا الملح
ونخلطهم مع بعض
بعدها ناخذ الدجاج ونضيفه على الخليط
ونضل نحركه مع الخليط لين نحسه شوي تغير لونه
ونضيف له ماي لين يغطي الدجاج
ونضيف مكعب الماجي وشوية ملح
ونغطيه ونخليه لين يستوي الدجاج
على ما يستوي الدجاج
ناخذ الرز ونغسله ونخليه ينقع شووي
بعد ما استوى الدجاج
نطلع الدجاج من القدر
ونحط الرز وماننسى نضيف الملح تقريبا ملعقتين
ونشوف اذا محتاج شوية بهارات نضيف له بعد
ونغطيه لين يستوي الرز
ناخذ الدجاج بعد ما استوى
يا انك تقلينه او تقدرين تدخلينه في الفرن تشوينه شوي وتحمرين وجهه
وتقلين معاه شوية بطاطس
وهذا شكله عند التقديم
صورة من زاوية ثانية :tongue:
وصحتين وعااافية
