روابط قد تهمك :
فساتين العروس | تسريحات | تنظيم الاعراس | زخرفة | عالم حواء


النتائج 1 إلى 11 من 11

الموضوع: هل خوفي طبيعي أم لا؟؟

  1. #1
    عروس مبدعة
    تاريخ التسجيل
    24/02/2006
    الدولة
    الامارات
    المشاركات
    564

    هل خوفي طبيعي أم لا؟؟

    حبيباتي وخواتي هذا اول حمل لي ومن قبل لا احمل حتى كنت طبعا اسمع عن الولاده وتعب الولاده والالام والويع وكنت احاتي واخاف .... والحين يوم حملت قمت اخاف وايد الصراحه وخاصه اني الحين في الشهر السادس يعني بديت اقرب من الولاده ...مرات اتم اوسوس وافكر واقول كيف بيكون التعب ؟ هل بقدر اتحمله؟ هل بكون وايد خايفه وبتوتر وبيأثر عليي الخوف؟ لدرجة انه مرات افكر لو صار شي عليي منو بيربي البيبي؟ ويا منو بيعيش؟ الوسواس وصل فيني لهاي الدرجه بسم الله عليي ( ربي يخليني البنتي واشوفها بالسلامه وتتربى في حضني) بنات الله يخليكم قولولي عن تجاربكم وهل هذا الي طبيعي او لا؟ يعني في منكم فكر مثلي انه ممكن يصير عليها شي لا سمح الله او غيره؟

  2. #2
    عروس جديدة الصورة الرمزية Noor M
    تاريخ التسجيل
    23/08/2009
    الدولة
    OMAN
    المشاركات
    1
    بسم الله عليج اختي ... الله يقومج بالسلامة .. و تشوفين بنوتج و تتربى في حضنج و عز ابوها ..

    .. انا بعد هذا اول حمل لي .. و كله اسمع عن الولادة و الآمها و معاناة الحامل في الشهور الاخيرة ... و هالكلام يختلف من وحدة لثانية .. في حريم يقولن ان الله سهل عليهن .. و في يقولن الله لا وراج اللي مرينا فيها ..

    فيني خوف شوي .. يمكن لاني للحين في البداية مب وايد افكر في الولادة .. فرحانة بالبيبي اكثر .. ممم .. بس متخوفة واااااااااااااااااااااااي د من بعد الولادة .. خصوصا لما سمعت عن الخياطة .. و الله اتمنى من قلبي يكون في حل غير هالخياطة :confused: .. و اتمنى جسمي يرجع نفس قبل الحمل .. ما ابي جسمي يخترب .. خصوصا صدري .. و :o تعرفون شو ..

    ..

    الله يسهل علينا جميعا .. و تعوذي من بليس .. و كثري من قراية القرآن و آيات تسهيل الولادة .. و كثري من الاستغفار .. و بإذن الله بتكون ولادتج سهلة ميسرة و بتستانسين بشوفة بنتج اللي بتنسيج الولادة و تعب الشهور ال 9 ..

  3. #3
    عروس رائعة الصورة الرمزية *ام ورد*
    تاريخ التسجيل
    22/01/2009
    الدولة
    البحرين
    المشاركات
    1,177
    ماعليج شر حبيبتي

    وهذي الهواجس من الشيطان


    شوفي مهما قريتي وبحثتي عن الولادة ما تعرفيها على حقيقتها إلا لما تجربي

    بس بقولش شغلة مهمة

    الولادة مرحلتين

    الاولى الطلق وهو يطول ساعات وساعات كم يوم والطلق عبارة عن الم فالبطن والظهر مثل الم الدورة بس مضاعف زيادة :ss:

    المرحلة الثانية الولادة يعني الرحم خلاص توسع وتبتدين بدفع الجنين للخارج وهاذي يبيلها قوة وانج اتمسكين النفس ثواني وادفعين ( لا اتحاتين واتقولين يمكن ما بقدر او يمكن ما عندي القوة ،،،،،،، لأن في ذيك الحزة الله سبحانة يوهب المرة قوة هائلة عشان تدفع الجنين ،،،،،، وهذي كلها تساهيل من رب العالمين ،،،،،،


    آخر شي يوم يطلع النونو بعد تدفعين شوي عشان تطلع المشيمة ،،،،،، وخلاص


    وينسدل الستار

    وتطلعين من غرفة الولادة أحلى ام ووياج نونو مثل القمر ويربى بعزج ودلالج


    تمنايتي لج بالتوفيق

  4. #4
    عروس مبدعة
    تاريخ التسجيل
    24/02/2006
    الدولة
    الامارات
    المشاركات
    564
    مشكورااااااااااااااات فديتكن على الرد ربي يسهل عليي وعليكم انشالله

  5. #5
    عروس ماسية الصورة الرمزية ...( هنوده )...
    تاريخ التسجيل
    30/03/2008
    الدولة
    دبي لؤلؤة الخليج
    المشاركات
    5,633
    هلا حبووووووبه صراحه أنا وايد خوفوني من الحمل وهن على وهن وطلع بسيط حتى التعب اللي يرافقه يحتمل مب لهاك الزود يالغاليه كل وحده تجربتها غير عن الثانيه وما سمعتي عن الأمهات اللي يقولون أن ولادتهم ماشاء الله سهله أدعي أن تكون ولادتك سهله والتساهيل من عند الله سبحانه

    لا تخافين يالغاليه هي مجرد أيام وليالي بسيطه

    والله يسهل عليج يااارب

  6. #6
    عروس مبدعة
    تاريخ التسجيل
    24/02/2006
    الدولة
    الامارات
    المشاركات
    564
    تسلميلي يا هنوده وصح مثل ما قلتي الحمدلله الحمل ما فيه شي عااااادي ما يفرق عن الايام العاديه الا مرات تعب بسيط وثقل بسيط مب هاك الزود الي يقولون فيه والتساهيل بيد الله ربي يخفف علينا ويبعد عني الوسواس والتفكير

  7. #7
    عروس رائعة
    تاريخ التسجيل
    29/01/2009
    الدولة
    البحرين
    المشاركات
    1,108
    الله يسهل علينا يااااااااااااارب كلنا

  8. #8
    عروس مبدعة الصورة الرمزية *سارة*
    تاريخ التسجيل
    19/12/2008
    الدولة
    السعوديه
    المشاركات
    728
    لا تتوسوسين
    ترى الولادة على المها لكنها مو فوق طاقتنا صدقيني وبس تخلصين الاربعين تنسين الولادة
    وماتجي غلاوتهم صدقيني الا من تعبنا فيهم

  9. #9
    مشرفة سابقة
    تاريخ التسجيل
    14/01/2004
    الدولة
    بكل قلب يحبني
    المشاركات
    2,708
    عليج بالأستغفارررررررررر من اللحين وصدقيني وردتج بتمر مثل الحلم ان شاء الله بس لا تتركين الاستغفار

  10. #10
    عروس ماسية الصورة الرمزية **ام عبادي القمر**
    تاريخ التسجيل
    04/08/2006
    الدولة
    سلماباد الي في البحرين
    المشاركات
    9,222
    اني كنت مثلج في اول حملين لي ولله الحمد طرحت
    كنت كل مااحمل اخاف واقعد احاتي من الولادة وافكر وابحث ولين ماشفت نفسي كل ماافكر في جذي اطرح
    بحملي بعبادي خليت كلشي على رب العالمين
    وقلت اني ابي اصير ام لازم بمر بهالمرحلة علشان اشوف البيبي
    وكنت طول فترة حملي كل مااذكر الولادة اذكر انه لي رب اسمه الكريم وان شاء الله راح يسهل علي
    وماتركت الاستغفار طول فترة حملي
    وماشاء الله
    اللهم صل على محمد وآل محمد كانت ولادتي بالنسبة لغيري سهلة
    تركي كلشي على الله وربي ماراح يخيب ظنج بس مثل ماقلت لج لاتنسين الاستغفاررررررررررررررر
    واني بعد كنت افكر في وقت طلوع البيبي كنت اقول مابعرف ادفع
    لكن سبحان الله هي الدفعة تجيك من الله بس عليك اتزيدينا بقوتك
    وان شاء الله كلشي راح يكون سهل
    بس لاتفكرين في شي غير سلامة البيبي وسلامتك وخلي كلشي على ربي

  11. #11
    عروس فضية
    تاريخ التسجيل
    03/12/2007
    الدولة
    مملكه البحرين
    المشاركات
    2,158
    بسم الله عليج الرحمن الرحيم حبيبتي لاتسوين جذي في روحج وهذا ترى شي عاااااااااااااااااادي كل وحده تحمل ويجرب وقتها تفكر في هل تفكير مش بس في اول حمل لا والله كل حمله لازم الوحده تفكر بس انتي على طول ذكري الله وصلي على الرحمن وترى والله مافي شي يخوف وبتقولين ام نبراس قالت لي أنه مثلج الحين حامل وبالشهر السادس وموعد ولادتي 23-12-2009 وهذا رابع حمله لي بس ماعندي الا بنوتين وولد توفى الله يرحمه ويشفع لي ولابوه والحمد لله كل مره اولد طبيعي طبعا من ادخل الشهر اثامن ابتدي كل يوم اروح امشي نص ساعه واكل تمر او رطب وااااااااااااااايد وصدقيني سوي مثلي ومابتخسرين اي شي ولاتخافين الغاليه ان شاء الله بتولدين طبيعي وبتفرحين في البنوته وهي تصيح في حضنج واي شي تبين تسألينه حدري عليي وكلميني واعتبريني اختج ولاتستحين

المواضيع المتشابهه

  1. خوفي يفقدني تركيزي
    بواسطة ريما 2008 في المنتدى قضايا وحلول
    مشاركات: 7
    آخر مشاركة: 20/07/2009, 10:35 AM
  2. خوفي من ولادة مبكرة
    بواسطة طيف السراب في المنتدى عيادة الدكتورة منيرة بوبشيت
    مشاركات: 1
    آخر مشاركة: 04/04/2008, 01:50 AM
  3. يا خوفي من الغربة:(!!!!!!!!!!!!!!
    بواسطة soumyna في المنتدى قضايا وحلول
    مشاركات: 79
    آخر مشاركة: 23/02/2008, 04:21 PM
  4. خوفي من قصة وزن الجنين ..
    بواسطة عيون بوظبي في المنتدى النساء و الحمل و الولادة
    مشاركات: 9
    آخر مشاركة: 27/02/2005, 06:40 AM