السلام عليكم ورحمه الله وبركاته
القطايف واحسن طريقه لعجينتها وحشواتها بالقشطه والمكسرات
هدا موضوعي واول موضوع الي في رمضان هدي السنه
كل سنه والجميع بخير وارجو المعذره للتاخير
اولا نبدي بالعجين:
المقادير:
4كوب طحين
2/1 1 ملعقه كبيره خميره فوريه
1ملعقه كبيره بيكنج باودر
3ملعقه كبيره سكر
ذره ملح
3كوب ماء
بس اللي بتعمل المقادير يا ريت تتقيد بالمقادير بالزبط
واكيد قطر-شيره-
الطحين والبيكنج باودر
الخميره والسكر والميه
الطريقه:
بنحط المقادير كلها وبنعجن لحد ما يتبقى اي كلاكيع في العجينه
وهيك بيكون شكل العجينه
بنحمي مقلى تيفال على النار
وبناخد بالمغرفه شويه عجينه وبنعمل الاقراص
وبنحطها على الوجه المستوي على ورق
وهدا شكلها من فوق ومن تحت
بنيجي للحشوات
حشوه القشطه:
2كوب حليب
3ملاعق نشا كبيره
علبه قشطه
بنغليهم على النار مع التحريك المستمر ما عدا القشطه
وبعد مايبرد على الاخر بنخلط معهم قشطه القيمر
حشوه المكسرات:
لوز
فستق
بندق
جوز هند
سكر
قرفه
زبيب بس ما كان عندي
بنكسر المكسرات وبنخلطهم مع بعض
وبنبدي بالحشو سواء حشوه القشطه او المكسرات
وبنقفلها بالضغط على اطرافها
وبنصفها بصينيه وبندهن كل حبه بزبده
وبندخلها الفرن
وهدا شكلها بعد خروجها من الفرن وبعد ما سقيتها بالقطر-الشيره-
وهدي حبات القطايف للحلوين
ان شاء الله تكون عجبتكم طريقه الفرن اسهل من القلي بكتير
وصحتين وعافيه وكل رمضان وانتوا بخير