..~..~..~..~..~..~..~..~..
ازيكم يا عروسات ؟
عاملين ايه ف رمضان ؟ ربنا يعيده علينا بخير يارب :)
النهارده جيبالكم موضوع جديد كنت عايزة ءأجله بعد رمضان
بس قولت انزله ف وقته احسن خصوصاً ان فى بنات ان شاء الله
هتتجوز ف العيد ربنا يتملنا جميعاً بخير :)
هكلمكم النهارده عن الحمامات ( اعزكم الله )
طبعاً عارفين انها قد ايه مكان مهم .. يمكن زمان ف بيت اهالينا
كان الحمام مجرد مكان صغير اوى يادوب للحوض والحمام نفسه والدش
لكن دلوقتي نلاقي ان الموضوع اختلف والحمام اصبح مهم انه يكون مساحته
كبيرة او احياناً حمامين للضيوف واهل البيت وكمان مصممي الديكور
اصبحوا يتفننوا في تصميممه وتنسيقه
والنهارده ان شاء الله هحاول اوريكوا كل ما يتعلق بيها وبديكورها
و إن شاء الله تستفيدوا من الموضوع زي ما انا استفدت :)
وانا قسمته لأقسام بس عايزاكو تاخدوا بالكو من كل صورة
لأن في صور مش بس بقصد بيها القسم اللي ذكرته لأ كمان
تصميم وتنظيم الحمام نفسه وكمان الألوان اللى ممكن تناسب
واحنا بنعتقد ان الحمامات الوانها محصورة بين حاجات معينة
يلا بينا نشوف وكفاية رغي :)
نبدأ بمحتويات الحمام نفسه
الجدارن
والجدران اما سيراميك او دهان داخل فيه سيراميك
بس الدهان بقى موضة قديمة شوية رغم ان فى صور حمامات مودرن
داخل فيها دهانات بس اعتقد ان السيراميك احسن حاجة
حتى يكون اسهل ف التنظيف
وهنلاحظ ف الصور طبعاً حاجات تقليدية جداً وحاجات مطرقعة
بس كلهم على كل حال شيك
المغاسل او الأحواض
طبعاً من اهم الحاجات ف الحمام معظم الصور الموجوده منوعة بين التقليدية و
المودرن اللى عادةً بيكون منفصل عن القاعدة يعني زي طبق كده او من زجاج
وده الجديد دلوقتي وشكلها اشيك بجد بكتير عن التقليدية
البانيوهات
مش موجودة ف كل الحمامات بس من اجمل القطع
لأنها بتساعد على الأسترخاء ف وقت الأرهاق وكمان رومانسية
ده جديد اوي
الدش
دلوقتي بقى فيه منه اشكال مبتكره كتير
بس بصراحة حساهم اوفر اوي يعني ومكلفين جداً
وفي كمان اللى بشكل كباين زجاجية
او الدش الغلبان بتاعنا
مقعد الحمام
وكلها تقريباً شكل واحد مفيهاش اختلاف اكيد :D
لكن الأختلاف بيكون ف شكل الأغطية وفي حمامات بتكون لها 2 مقعد
حبيت اوريلكو دول بس علشان جداد وعجبوني اوى
الإضاءة
إضاءة الحمام ف الغالب بتعتمد على كلوبات بسيطة
او طبق صغير بالإضافة إلى إباليك صغيرة بتكون مثبتة
بجانب مرايات الحمام
