يا أنا يا شعري

كل عام و انتم بخير يا أحلى عرايس بالدنيا الله يجمعني وياكم في جنة الفردوس مع الحبيب المصطفى عليه الصلاة و السلام

أخيرا قررت أعلن الحرب
عندي حالة تأهب قصوى يا بنات شعري راح !!!!صار يطيح بالخصل و ربي أبكي عليه و امي تبكي عليه ,صارت لي ظروف خاصة خلتني أتدمر نفسيا ولا أهتم فيه
لين ما جات وحدة من خوياتي في زيارة لي مع أختها و يوم شافو شعري حسيت من ردت فعلهم و صدمتهم انه شعري راح فيها من جد
جلست مع نفسي و قررت انه البكاء ما راح يرجع لي شعري ولا التدمر و الحسرة ولا فرفرة المنتديات ولا أي شي ثاني بس اني أتوكل على الله وأخذ بأسباب شفاء شعري

_ شعري عادي لا هو ناعم ولا هو خشن
_ مر عليه أنواع الصبغات و أنواع الهايلايتس
_أنواع الاستشوار و السراميك
_كنت احط عليه مرات زيوت مرات اكتفي بسيروم يعين زي اي بنت

كيف صار
_ فراغات وااضحة و ماسكة خط الصلع بالتأكيد
_ زي المتكهرب كشة جاااف و لو متبلل يصير شبه أصلع من قدام خطوط فراغااات وااضحة
_ لما اشيل الشباصة من شعري اشيلها مع كومة شعر و دااايم تساقط شعر على كتوفي
_ ما عاد أمشط شعري من فترة بس أمرر عليه أصابعي من جوا

الخطة الحربية
_ دام شعري تضرر من شغلتين تاريخ و ماض قاسي في حقه من صبغات و هايلايتس و تطنيش بيصير ان شاء الله العكس ممنوع بتا قطعا شي اسمه صبغة أو اي نوع ثاني من الكيماويات أو الحرارة
_ أخذت زيت جدايل لوقف التساقط من عبد الصمد القرشي
_ الثوم ان شاء الله بيصير صديقي الصدوق لاقتناعي التام بعد بحث عميق انه منشط قوي للبصيلات
_زود على زيت جدايل اللي يعتبر خليط من الزيوت الطبيعية ممكن اضافة أي زيت يرتاح عليه شعري أو اي كريم أو اي سيروم قد ارتحت عليه زمان يعني

الخطة اللي طبقتها فعليا
_ ثوم يوم اي ويوم لا مع زيت جدايل
_ ماسك ميونيز و روب و زيت الحية (الليلة حطيته و بعلمكم عن النتايج ان شاء الله بعد ما اغسله للحين على شعري )
_ يوم الراحة احط سيروم و بس عشان ترتاح الفروة و الشعر

النتايج الفعلية
_ الشباصة اشيلها و عليها شعيرات قليلة مقارنة مع كوم الشعر اللي كان ينزل معها
_على كتوفي الشعيرات أقل بكثير بس هدفي ان شاء الله اني اوقف التساقط تماما للحين بدري
_ و كمان لما امرر اصابعي جوا شعري ما عاد تنزل معه خصلة من الشعر بل شعيرات بسيطة جدا
_ الشعرة نفسها أحسها أحسن بس كمان دحين بدري شوي

لو عندي أي جديد ان شاء الله راح اكتبه ان شاء الله على موضوعي هذا و دعواتكم لي يا بنات انه ربي يشفيني و يرجع لي شعري و يشفي كل مرضى المسلمين و يفرج هم كل مهموم
و السموحة لطولت عليكم