ابغا مشورتكم .. ولدي تعبني نفسياً

مرحبا اختي
هو ممكن اتقولين انه طبيعي انه بعد الفطام ما ياكلون مباشرة بس انتين لا تتركينه حاولي وياه بس بدون ماتضغطين عليه او تجبرينه ... ولدي الكبير كان نفس الحالة بس الحين الحمدلله ياكل ...خصوصا اذا وزنه طبيعي

بسولدي الصغير ما ياكل بامرة لدرجة انه من كان عمره 6 اشهر لين الحين سنة و شهر زاد وزنه 600 جرام بس يعني حتى كيلو ما زاد ... في الحالة اضطروا انه يتابعون حالته في المستشفى لانه عايش على الرضاعة الطبيعية بس

و ان شاء ما عليه شر الصغير و الله يخليه الك :)

مشكورة اختي ماقصرتي
هو فعلا الحمد لله وزنه بيزيد والطبيب يقول وزنه مناسب لسنه وصحته تمام ولله الحمد
الله يهديهم ويخليهم لنا

أختي كم عمره ولدج؟؟؟

سوي ليه حركات وأنتي تأكلينه مثلاً تقولين ليه وفي يدج ملعقة الأكل طيارة طيارة طيارة وبيفتح فمه وبياكل أو تقولين ليه هممممممم وهم بياكل لأن من يشوفون هالحركة يراقبونهاا وهم يفتحون فمهم ونوعي بالأكل فمثلا فواكه خضروات ولا تعتمدي على السليلاك وغيرهم من الأكل الجاهز

وتحملي بولدك

الله يساعدج خيو
واحيانا الأطفال ياكلون مع بعضهم البعض ايحاول يقلد ولد عمه او ولد خالته لو ما يحب ياكل ياكل لان يشوف الي بعمرهم اشلون يحاولون ياكلون حاولي معاه يمكن تنفع
اللف يفرج همج خيو قريب

مايستوي سيريلاك اصلى غذاء مكمل

انه بنت اختي جذا مصعوبه تاكل ازيد من ولدك حليب ماتبي سيريلاك ماحبته بمره عنيده

اهم شي اذا دمه زين اذا دمه مو زين اهني مشكله

حاولى تسوينه ارز مع شوربه يكون ثقيل شويه
شويه ملح ماعليج منهم ما يسوي شي بسكويت شوفان معكرونه

لازم تخلينه ياكل ان هاياكل عطيه فتامينات فتح الشهيه خبره من بنت اختها

سوي له نشيده او حركه معينه بستانسون تره

اختي ولدك ماياكل لانه بكل بساطة هو شبعان من المرضعة و السيريلاك

السيريلاك كلش ثقيل و لهذا وزنه زين ما شاء الله

حاولي تخففيله الرضاعات بوجبات و حاولي اذا عطيتيه حليب يكون بكوب

بالتوفيق

مشكورررررين
بس انا حاولت بكل الطرق
اللعب ..الغناء .. الأطباق الملونه المغرية .. جوعته ولكن دون فاااائده
يقفل فمه نهائياً يكره الملعقة والأكل حتى لو بيدي
احيان يتح فمه ويآخذ لقمه والثانيه والثالثه يقفل فمه
يحب الزبادي بالخبز بس كثرته تعمل له امساك

انا راح استمر معاه بالمحاولات وربي يعين

حبيبتي أنا ولدي عمره سنه و 7 شهور،،فطمته من 23يوم لأني حامل،، يعني مضطرة و غصبن عني..والله والله تعبني و هلكني معاه مو راضي يتقبل أي حليب ثاني جربت كذا نوع و كذا طريقه بس مافي فايدة..المرضعة ابدا ابدا ابدا ما يتقبلها حاولت ب الكوب بس المشكلة انه ما يبي اي حليب بعد حليبي..و هو وزنة قليل و ما يأكل وااايد لازم ب الغصب..بليييز ساعديني اذا عندج طريقة انه يشرب الحليب ب المرضعة أو غيره بس المهم يأخذ حليب مثل الأطفال الباقين الله يحفظهم؟؟؟

اختي والله الحال من بعضه تعبني هالولد اللي يقهرني انه في اولاد بسنه ما شاء الله يقعدون وقت الاكل ياكلون رز خضار فواكه اهوا ابداااا وقت الاكل عنده عاااادي ولا كانه اكل بس يبي يلعب بسسسسسسسسسس والاكل بالطقاق .....وللحيني ترا معاه اعاني وما في طريقة ما جربتها لكن لا حياة لمن تنادي ..لما جاني اخوي مع عياله من الكويت كان وااايد مستانس وكنت اجيب اي شي واخليهم يجون ياكلون يجي يركض معاهم وبس راحوا رجعت ريما لعادتها القديمة ..اهو ا يحب الاطفال بس عيال عمته كبار اكبر منه بوايد وبس يطقون ما يحب يقعد وايد معاهم لكن عيال اخوي واااايد يستانس معاهم ونفستي تكون غير ...انا الحين حامل وقاعدة اعد الايام عشان بس اولد ابي اروح عند اهلي بس عشان ولدي تتحسن نفسيته مع خاله وياكل معاهم ....الله يعدي هالشهور الباقية على خير يا رب ......شوفي موضوعي عن ولدي نفس حالتج .....

http://forums.3roos.com/t463035.html

ماينفع معاهم الا الدعاء
وربنا كرررريم

والله ما توقعت ان في امهات يعانون هالكثر مثلي .......الله يكون في عوني وعونكم

الله يعينك.

مرحبا اختي
انا ولدي عمره سنتين وثلاث اشهر فطمته عن الرضاعه الصناعيه من كان سنه و ثمانيه اشهر لان له تقريبا من كمل السنه وهو ماياخذها غير في النوم وحتى اذا اخذها في غير النوم مايكمل الرضعه ويكون في علمك انا مااحب الرضاعة المقاس الكبير رضاعته المقاس الوسط و مايكملها و الحمد لله صحته اقل من المفروف يكون عليه مره ظعيفه ومن تركنا الرضاعه وهو ساب الحليب معاها مايشربوا ابدا جربت كل الطرق مافي فايده ابدا و الأكل لما ياكل اعرف انه ولدي جعان مره مره (طاااافي) ما ياكل ابد و شويه بس
يابنت الحلال الله يحفظهم و يخليهم لنا يارب

F6aim;10085787:
حبيبتي أنا ولدي عمره سنه و 7 شهور،،فطمته من 23يوم لأني حامل،، يعني مضطرة و غصبن عني..والله والله تعبني و هلكني معاه مو راضي يتقبل أي حليب ثاني جربت كذا نوع و كذا طريقه بس مافي فايدة..المرضعة ابدا ابدا ابدا ما يتقبلها حاولت ب الكوب بس المشكلة انه ما يبي اي حليب بعد حليبي..و هو وزنة قليل و ما يأكل وااايد لازم ب الغصب..بليييز ساعديني اذا عندج طريقة انه يشرب الحليب ب المرضعة أو غيره بس المهم يأخذ حليب مثل الأطفال الباقين الله يحفظهم؟؟؟

لو عودتي ولدك من البدايه على الحليب في كوب
عن نفسي معودتنه بكل الطرق يعني بعض الاحيان بالرضاعه وبعض الاحيان بالكوب
وولدي الحين داخل الشهر الثامن وصايريتقبل بالكوب يشرب الحليب اكثر من الرضاعه
وعادي بالنسبه لي ما تفرق بس اهك شي يشرب الحليب :)

حتى انا تعبانه مع ولدي مايبغى غير الحليب وغيره مايبي طول اليوم والنانا بفمه المشكله انه عمره 3 سنوات ومايبغى الاكل لدرجه انه يتقرف من الاكل واذا اكل احيانا اكل لقمه او ثنتين ويكره اشياء كثيره يعني مو اي اكل يتقبله مثلا السلطه اذا اكلها على طول يستفرع واي نوع من الورقيات لانه يكش بدنه منها
الله يكون بالعون