مش عارفة تعملي ايه النهاردة؟قولي عندك ايه و نفكر معاكي في اكلة جديدة

خليني ابتدي انا عندي لحمة بتلو و طبعا مش هعرف اعمل شوربة بيها..فمش عارفة غالبا هعمل صنية لحمة بالبطاطس و رز ابيض مسلوق و سلطة خضرا او بلاش البطاطس و اعمل خضار سوتيه (عندي جزر و بسلة و بطاطس)ايه احسن؟.حد عنده اقتراح احسن من كدة؟

زمانك طبختى خلاااص يا نهى....
ها عملتى ايه بقى؟؟؟

و الله يا بنتي عملت بطاطس باللحمة و رز مسلوق و سلطة خضرا ...ما انا محدش رد علية و انا كمان كنت مشغولة فقررت امشيها كدة و خلاص ...انتي عملتي ايه النهاردة؟

انا قاعدة لوحدى فبكسل اطبخ .....
كان عندى بليلة...كلتها....
بس جعااانة وحاقوم اكل اندومى دلوقتى... اتفضلى معايا...

بالهنا و الشفا يا جميل ...انا بحب البليلة اوي هاتي طبق...و قاعدة لوحدك ليه؟

موضوع حلو يانهى بالذات اننا داخلين على رمضان وبيبقى لازم الواحد يعمل كذا طبق من شوربه وخضار ورز وحلو واسخف حاجه فى الجواز هاطبخ ايه النهارده انا النهارده عملت ملوخيه وفراخ ورز

بالف هنا يا جميل ...انا بس ساعات بجد بلائي مخ الواحد مقفل و ملوش مزاج اصلا يفكر في حاجة فئلت كويس اهه منها الواحد يدخل و يتكلم و يفك عن نفسه و منها ينقذالجوز من اكلة فاشلة هههههههه

صباح الخير يا بنات ايه فين الهمة و النشاط!!!

صباااح الفل يا نهى....
انا قاعدة لوحدى عشااان جوزى مسافر .. بس جاى النهاردة ان شاء الله...
وكنت بدات اطبخ واعمل كريييب بالبشاميييل...حماتى كلمتنى قالتلى تعالو اتغدو...
مرضتش اكسفها...
بس حناكل الكريب بكرة ان شاء الله

بالهنا و الشفا يا جميل...يا بنات يا ريت بئة نبتدي لو د محتار يقول عنده ايه و احنا نعمل اكلة من المكونات اللي عنده

انا بقى عندى كل الاكل بس الشلل حيموتنى .. مش قادرة اتحرك من مكانى

ههههههههههههه حلوة اوي موضوع الشلل ده ربنا يقومك بالسلامة ان شاء الله يا جميل...بصي ممكن تعمل حاجات خفيفة انا لسة حاكية مع مشمش بصي...افتحي علبة مشروم في طبق غويط او بولة الشوربة و حطي شوية توم مفري و زعتر و لمونة او معلقة خل و زيت زتون قلبيهم ز سيبيهم في التلاجة...اسلئي مكرونة و صفيها و ادلئيها فوئهم و سيبيها في التلاجة معاهم و بس كدة دي المكرونة و سائعة حلوة في الصيف...لو عندك بئة كفتة او كبيبة او فراخ بانية...اي حاجة مجمدة طلعيها قبل الغدا علي طول و حمريها او في المايكرويف...و خلاااص

بجد موظوع حلو اوى انا عندى نفس الشلل ههههههههههههههههههههه بس النهارده عملت لحمه مشويه ورز معمر وطبعا حاجه تحير اوى حناكل ايه ديه كلمه رخمه اووووووووووووووووووى انا لو عليه متفرئش اى حاجه بس عشان اللى معايا وتيجى تسئلى تاكل ايه كان غزيته بالسكينه فطبعا حاجه تير وميرسى على الوظوع بجد وبعدين اللى بيعقد عالنت حيقوم يعمل اكل ولا حتى حاجه هههههههههههههههههههههههههههههه

كويس عطيتينى فكره انا عندى سبيط وجمبرى فى الفريزر حطلعهم ونجيب سمك من بره ميرسى ياروحى انك فكرتينى الله يكرمك وبالهنا والشفابس يارب متشلش بكره هههههههههههههههههه

هههههه و الله كويس يا رشروش بالها و الشفا يا قمر...انا بئة لسة مش عارفة هعمل ايه بكرة علي الغدا بس غالبا هعمل انينة دجاج و معاها رز ابيض او فريك و خضار سوتيه

احنا اكلنا النهارده الحمدلله بس بكره بقى تعرفى كل ماافكر فى الاكل وانا لسه وكله بحس انى حرجع بجد لا ولسه العشا يارب ارحمنى ياريت لو عندك اقتراح انا حخرج دلوقتى ولما اجى اشوف ردك انتى بتقعدى امتى

انا موجودة الصبح اكتر...بصي طيب يا جميل الموضوع اصلا ماشي ازاي انتي قوليلي انتي عندك ايه من المكونات يعني ممكن مثلا يبئة عندك فراخ فيليه بس مفيش مكرونة و في رز و عندك شوية خضار كدة يعني و انا احاول اطلعلك من المكونات اللي عندك اكلة كويسة ان شاء الله ..او حتي ممكن يكون عندك كل حاجة و نفسك في اقتراح جديد و اكلة جديدة و كلنا نحاول مع بعض فهمتيني؟ عموما لو عندك فراخ ممكن اقولك علي نفس الوصفة اللي انا هعملها بكرة و ناكلها سوا...بس الاكلة اسمها انينة دجاج...يعني محتاجة منك تجهزي ازازة(انينة):) ازازة بيبسي بئة او كدة بس الصغيرة مش الليتر الكبيرة..قوليلي لو عايزة تجربيها و ناكل زي بعض بكرة و انا هكتبلك بتتعمل ازاي بس عموما هي ليها تتبيلة كدة و بنشوي الفرخة علي الانينة دي في الفرن...ممكن تاكليها مع رز ابيض و خضار سوتيه زي ما انا هعمل ان شاء الله...و ممكن مع عيش و سلاطات بئة و ممكن مع مكرونة...زي ما تحبي.ها عجباكي و لا نشوف حاجة تانية؟