مرآآآآآآآآآآآآحب بنات ..
من أيام أبي أنزل الموضوع ..
" برياني ربيان " ع طريقة الوالده فديت تراب رجلها الله يخليها لي (})
شوفوووووووا أنا مب شاطره فالطبخ مثل بعض البنات هني ..
يعني خبرتي ع قدي .. توني باديه أتعلم .. :o
بس و الله ضبطت الطبخه من أول مره .. صج شهيه يمممممممممممي .. (f)
يلا جاهزين .. :D
بسم الله نبدا ..
أول شي ننقع الزعفران في ماء الورد .. علشان نرشه على الأرز آخر شي ..
و ننقع العيش في الماء لمدة نصف ساعه و كل ما طال الوقت يكون أحسن ..
و نقطع الخضرا :
" طماطم - بطاطا - أوراق نعناع - بصل - ثوم - جلجلان - شبت "
و نجهز البهارات " كركم - فلفل أحمر - كاري .. ع حسب الرغبه "
" سنوت صحيح - دارسين صحيح - قناد صحيح " << حق الأرز ..
نطبخ الأرز :
و نضيف السنوت و الدارسن و القناد ..
و نخليه على النار لين ما يصير شبه مستوي ..
أول شي نقلي البطاطا في الزيت و نضيف لها بهارات أنا ضفت " كركم - فلفل أحمر - ملح "
و بعد ما تنضج نحطها في صحن منفصل ..
و على نفس الجدر .. نقلي الربيان و نضيف بهارات " كركم - فلفل أحمر - ملح قليل جدا "
و نزيد الزيت ..
و بعد ما ينضج نحطه في طبق منفصل ..
مقلي البصل .. إلى أن يذوب ..
و نضيف باقي الخضار و البهارات ..
و بعد ما تنضج نضيف البطاطا و الربيان ..
و بيصير شكله جذي :
الحين ^_^
نضيف طبقه من الأرز على جدر نظيف .. و نضيف عليه الحشوه ..
و بعين نخلط كميه من الأرز في الجدر الي طبخنا فيه الحشوه
و نحطه كطبقه 3
و أخيراً نحط الطبقه 4 .. الأرز في الأعلى .. و هذي الطبقه فيها أكثر كميه من الأرز ..
و نصب ماء الورد و الزعفران في الأعلى ..
و نغطي الجدر بالألمنيوم .. و نخليه على نار هاديه جداً إلى أن ينشف الأرز ..
هني و عافيه .. (f)
إذا عجبكم موضوعي قيموني << يعني مب غصب :D
و سامحوني الصور مب واضحه لأنها من جوالي المتواضع .. فديتكم ..
و ادعوللللللللللللي بالذريه الصالحه ..
(f)
أحبكم ..
