اشتقت كتير للمنتدى..............زمان ما نزلت موضوع
وهادا اول موضوع بنزله بقسم المطبخ
تعو اول اشي اشربو عصير
الطقس كتير حامي
اوك
اليوم رح اعلمكو طبخه اسمها "مخنوقة":D ايش هالاسم؟؟
المخنوقة اكله فلسطينية
رح انزل مقادير المخنوقة العادية وبعدها بنزل طريقتي انا
المقادير:
- 4 حبات بطاطا (حجم متوسط) مقطعه مكعبات بحجم كبير
- 4 بصل يابس (حجم متوسط) مقطع 4 قطع
- 1\2 كيلو فخاذ دجاج او 1\2 كيلو لحمة مقطعة راس العصور
- بهار، فلفل، وملح
- وقليل من زيت الذرة ( ما يكفي لقلي الدجاج)
طريقة المخنوقة الاورجينال :D:
يخلط الدجاج والبطاطا والبصل مع الملح والبهار والفلفل ، ثم يوضع في الطنجرة القليل من زيت الذرة او الزيتون ويضاف للزيت البطاطا والبصل والدجاج. يتم اغلاق الطنجرة، وتستمر عملية الطهو على نار هادئة حتى النضوج. (تقريباً ساعة)
بتتقدم مع سلطة، واجباري تتاكل مع خبز:D يعني للريجيم هاي الاكلة دمار
--------------------------------------------------------------
بنيجي لطريقتي انا
بستعمل نفس المقادير تقريباً:
- 4 حبات بطاطا (حجم متوسط) مقطعه مكعبات بحجم كبير
- 4 بصل يابس (حجم متوسط) مقطع 4 قطع
- 1\2 كيلو فخاذ مسحبة
- بهار (ابو ريحة)، فلفل اسمر، ملح، بابريكا، بهار جريل، وحب هيل
- وقليل من زيت الذرة او الزيتون ( ما يكفي لقلي الدجاج والبطاطا والبصل)
الطريقة:
الفخاذ المسحبة بقطعهن بالنص، وبخلطهن مع مكعبات البطاطا والبصل ، وبضيف الملح والبابريكا وبهار الجريل حسب الرغبة (انا بكثر جريل لانه بعطي نكهة طيبة، ورح تشوفو الدجاج صار لونه احمر.) بقليهن كلهن سوا يعني شي 10 دقايق تيوخدو لون
بعدها بضيف مي (غمرهن)
انا بضيف مي عشان بقدم الاكله مع رز وبرأيي لازم يكون في مرقة بالطبق:D
وبضيف فلفل اسمر حسب الرغبة، وكم حبة هيل
بترك الدجاج تيستوي (تقريبا نص ساعه، اذا كانت المي الي ضفناها مغلية)
وبقدم جنب الطبق رز وذرة
بعتذر عشان معنديش صورة نهائية للطبق :(
بس الاكله مضمونة، واي استفسار انا جاهزة
صورة الدجاج وقت القلي لونه احمر عشان بهار البابريكا والجريل
هاالصورة بعد مغمرت الدجاج والبطاطا والبصل بالمي وحطيت معهن فلفل اسمر، وحب هيل
وهون صورة مشتركة للرز والدجاج بس قبل ميستوي
صورة الرز والذرة
بحاوول اضيف صورة نهائية بهالكم يوم!
ملاحظة: انتو حرين ممكن مضيفوش مي، اصلا لانه الاكله هاي بتنطبخ من دون مي سموها مخنوقة.
وصحتين وهنا
(تنسوش التقييم بزعل)
