السلام عليكم ورحمة الله وبركاتة
اليوم بحط ليكم طريقة لصينية خفيفة تصلح غدا أو عشا وتناكل مع خبز او بدون خبز تفضلوا الطريقة
في البداية نحتاج لحم مفروم نغسلة عدل لين يبيض ونحطة على النار لين ينشف نحط علية بصلة صغيرة مفرومة ناعم و كوسا وجزر مقطع مكعبات ونحط عليهم ملح وكاري وفلفل اسود و5 ملاعق كبيرة زيتون اسود شرايح ونقلبة شوي لين تستوي الخضارونطفي النار وهذي الحشوة جاهزة
نقطع 4 حبات بطاطس مكعبات ونسلقهم بماء مغلي مع شوية ملح ونتركة يغلي الى
ان يستوي البطاطس لين وسهل الهرس ونصفية عن الماي ونضيف علية ملح وبهار
نهرس البطاطس بعد ماضفنا البهارات ب نصف كوب حليب سائل و4 ملاعق
جبن سائل وبتصير عجينة ناعمة ولينة
نحتاج صلصة بيضاء وكل وحدة ليها ليها طريقتها
حمست طحين على النار مع نص لتر حليب وحطيت ملح وفلفل وعلبة قشطة لين تغلظ
الصلصة وطفيت عليها
الحين نجهز الصينية اول شي نرش الصينية بشوية بقسماط علشان تحافظ على
الطبخة ولا تحترق من تحت هالطريقة اعتمدتها لكل الصواني
بعدين نحط شوية من الصلصة البيضاء تعطي طعم ولاتخلي طعم الصينية ناشف
نحط عليها نصف حشوة اللحم بالخضار
نحط نصف مقدار البطاطس المهروس فوق الحشوة بهالطريقة
نضيف باقي حشوة اللحم
الحين نحط باقي البطاطس المهروس ونمسحة علية
واخر شي نضيف الصلصة البيضاء
ندخلها الفرن لين تتحمر وضفت جبنة موزريلا على الوجة
قطعتها شوفوا
هذي القطعة من قريييييييييييييييييييييييييييب
قدمتها مع خبز وعصير تفاح فررررررررررييش
وصحن فواكة
ملاحظة احيانا اسوي الصينية بطاطس بعدين اللحم بعدين
بطاطس ثم الصلصة بس هالطريقة تصير اخف واحلى
انتظر تعليقاتكم وردودكم الحلوة