السلام عليكم ورحمة الله وبركاته
تسلمين اختي على مساعدتج لي في الموضوع السابق, هالمرة عندي مشكلتين مع نفسي
الاولى: شلون احسن نفسي في الكلام يعني اخذ واعطي مع الناس
لاني سيئة جدا في الكلام وفي السوالف مب يعني اقول الفاظ بذيئة لا لكن ما اعرف شلون اخذ واعطي اعطيج مثال
رفيجتي ربت وابي ارووح ازورها فاتصلت فيها
انا: الو السلام عليكم
رفيجتي: وعليكم السلام
انا: اخبارج
رفيجتي الحمدلله انتي اخبارج
انا: بخير,فلانة كم رقم غرفتج
رفيجتي: 343
انا: بكرة بتكونين في المستشفى؟
رفيجتي: بكرة بطلع بس ماادري الساعة كم
انا: اها اوكي مع السلامة
بصراحة تقريبا اغلب محادثاتي جذي ادري اني مملة وسخييييفة وحتى لما اطرش مسج حق وحدة على طول فلاانة كذا كذا ابي اطور نفسي ابي اتعلم شلون اخذ واعطي في الكلام يعني ابي اصير مثل الكبار طبعا عمري 20 هذه الشئ الاول
الشئ الثاني شلون احب نفسي واكون راضية عن نفسي يعني الحين فكرة اني مااعرف اتكلم واسولف تخليني وايد اتضاايق من نفسي ومااحب نفسي واشياء ثانية مثل طريقة تفكيرري وحركاتي.
و يعطيج العافية(f)