خلطة واحدة للوجه +الجسم+الأباط +المنطقة الحساسة =((( تبييض +تنعيم+نظافة+ريحة حلوة))))

سلام عروسات
انا وايد اتابع خلطات منتدانا الغالي واجربهم بنفسي وبخواتي



وفكرت دام اهو يسون ويبتكرون ويطلعون بنتايج

انا شناقصني!!!
ليش ما أسوي مثلهم واسوي خلطة لنفسي بيديني الحلوين!!!


فمن بعد تجاربي لخلطات عروس
أخذت من اكثر من خلطة
أكثر المكونات الي
فادتني من المتدى



وسويت منها خلطة وحدة من صنع ايدي
والله يشهد علي ان


النتيجة نظافة وبياض وريحة حلوة ونعومة

وعن تجربة شخصية

أولا:


للوجه:


كميات متساوية من كل نوع من
زيت زيتون- ماي ورد -ليمون


الطريقة:

توضع في بخاخ الماء وترشين فيها على الوجه مرتين في اليوم لي ثلاث مرات
وبس تنشف تغسلين ويهج

ملاحظة: تشد الويه وتبيضه وتنعمه

ثانيا:


للجسم والأباط والمنطقة الحساسة وخط البكيني


ملاحظة:
تقدرين تسوين للخلطة اكثر من علبة يعني تستخدمين علبة للمنطقة الحساسة وخط البكيني وعلبة-(((يفضل بخاخ الماء))))- للأباط والجسم كاملا




المكونات للعلبة الواحدة:

عصير ليمونة وسط- ملعقةونص كبيرة زيت الزيتون-ملعقة كبيرةونص ماء الورد
-ملعقة كبيرة زيت اللوز-نص ملعقة كبيرة
جلسرين سائل-نص ملعقة كبيرة زيت الخروع-ثلاث نقاط من اسكينول بالليمون-(((يمكن الإستغناء عن الأسكينول))))-


الطريقة:

توضع المكونات بعلبة أو بخاخ الماء وترج جيدا وقبل كل استخدام ترج العلبة حتى تنخلط المكونات جيدا


تستخدم ثلاث مرات باليوم
وانشالله رح تلاحظين الفرق من أول اسبوع ورح تفوح من جسمج ريحة حلوة وخصوصا ريحة ماي الورد

ملاحظة:
هذه الخلطة اعتبرها ديودرينت للأباط لإنها عطتني النتيجة الي ابيها واستغنيت عن كل ديودرينات الجمعيات والصيدلات
وارتحت نفسيا للنتايج
وبيضت اباطي و عطته لمعة وريحة حلوة


وعجيبة علمنطقة الحساسة وانا استخدمها حق هالمنطقة للتبييض

اتمنى تجربونها لإنها مكوناتها

طبيعية ومن صنع ايدينج

وانشالله مافيها أي ضرر او اعراض جانبية