[GRADE="00008B FF6347 4B0082 4B0082"]السلام عليكم ورحمة الله وبركاته ..[/GRADE]
اخباركم ايه بنات عروس ..يارب تكونوا بأحسن حال..
انا جربت خلطة حلوووو ه جدا لنعومة الشعر وجابت
نتيجة من اول مره ..
ربنا يجزيها خير صحبت الموضوع ..
الخلطة
2 كوب زيت زيتون
ممكن ( خروع مع زيت زيتون او عافيه او جوزالهند )
المهم 2 كوب
+ 2 معلقه طعام بذر ( القطونا ).
ودى صورة للبذره ...وتباع عند العطارين ..
هى شكلها زى السمسم لكن لونها بنى وفى النص
ابيض ..
انا اشتريت ب3 جنيه ( للتجربة ) عملت منه مرتين
وباقى حوالى معلقه ..
تستخدم الخلطة مرتين فى الاسبوع
الخطوات
حطى البذره فى برطمان زجاجى وصبى عليها الزيت
وغطيها وانقعيها ليلتيين فقط ..
بعد ليلتين تصفى وتستخدم كاحمام زيت للشعر ..
الخلطة مالهاش اى رائحة ..
انا بغسل شعرى بشامبو (دوف ) للشعر الجاف ..
.وبعدين بوزع الخلطة عليه من الجذور للاطراف ..
وحط بونيه وسبها ساعتتتين ..
وبشطفه بماء دافئ مع قليل من الشامبو
( لان الشعر مغسول )..
اما البلسم ..
جربت انواع كتيره مالقتش احسن من
( عسل النحل ) الطبيعى ..
بعد ما اغسل شعرى بجيب حوالى لتر ماء دافئ..
وذوب فيه 2 م عسل واشطف بيه شعرى الشطفه
الاخيرة ..
(ما تخافوش بنات مش بيلزق فى الشعر عن تجربة)
بعد كده نشفى شعرك وخليه شويه ودهنى منه على
الشعر خصله خصله ..
ولفيييه حوايه (طاقيه )..لحد لما ينشف ..
واستمتعى بالشعر النااااااااااعم لامع من اول مره ..
واى استفسار انا موجوده
:15: