تجربتي مع ابتسامة هوليود ( هوليود سمايل ) ..!!

السلام عليكم جميعا خواتي الغاليات ,,

أنا حبيت أكتبلكم عن تجربتي مع الأسنان الي سويتها من يديد لأني دوم أقرأ
وأطالع وأتنور من المعلومات اللي فهالمنتدى وحابة أني أشاركم الكتابة
عن تجربة عملية استوت وياي ,,
من شهرين وأنا أبغي أسوي تجديد وصيانة كاملة لأسناني وخاصى قبل اجازة الصيف يعني
قبل السفر ,,, وأنا من النوع الي يخاااااف وايد من دكاترة الأسنان ومن أبر البنج :confused: ,, ويلست أقرأ في الانترنت واتصفح وأجمع معلومات عن عمليات تجميل الأسنان وزرت كذاعيادة أسنان أستشيرهم حتى يتني الشجاعة أخيرا أني أسوي تجميل حق أسناني وخاصة أنه وحدة ربيعتي دلتني على أحسن عملية لتجميل الأسنان أسمها ( أبتسامة هوليود ) وبالانجليزي ( هوليود سمايل ) وسرت حق أخصائي تجميل الأسنان الي سارتله ربيعتي وسويت العملية هني عدنا بالأمارات , لكن النتيجة بصراحة ما كنت أتوقعها أبدا أبدا ,, أنا أسناني كانت متبهدلة ولونهم باهت والحين والحمد لله بعد عملية التجميل بالفعل شي واااااااااااااااااايد رائع أسناني مثل أسنان الممثلات والمغنيات لما يبتسمن لونهم وايد أبيض وصااااااافي .... (y) :D
ويوم أبتسم ما أصدق عمري والله , صدق أنه عملية هوليود سمايل أنها شي عجيب وأحدث تقنية تم التوصل لها لجمال الأسنان , ويوم راويت زوجي أسناني ما صدق وانبهر وايد بجمال الأسنان وشكلهم اليديد , وقالي أنه بعد ما نرد من السفر بيسير يسويها ههههههههه ... هي صح مكلفة شوي العملية لكن والله أنها تستاهل لأنها للأبد الأسنان أتم بهالشكل الحلو حتى أنه لو الوحدة ما اتفرش أسنانها وايد ماتخترب , والأسنان ما بتتأثر بالمشروبات الملونة على الأطلاق
, يعني الشي الي سويته أنا الحين يتم معي للأبد وما يتنهي , بس المشكلة مب كل العيادات عندهم هالتقنية ومب كل دكتور شاطر بهالعملية لكن الحمد لله أنا سويتها
بنفس العيادة الي ربيعتي سوت فيها العملية والدكتور وايد شاطر وأيده خفيفة ومتخصص بهالنوع من عمليات التجميل ,, وفي العيادة حصلت ناس يسوون الجزء العلوي من الأسنان أولا عشان يشوفون النتيجة ويوم يتأكدون من جمال الأسنان ومهارة الدكتور يكملون ويسوون الجزء السفلي
من الأسنان , وفي ناس يسونهم كاملين مرة وحدة عشان ما يظيعون وقت ,,
أنا حبيت أنقل لكم تجربتي فهالمجال عشان كل وحدة أسنانها تعبانة ما تيأس أبدا وتعرف أنه العلم اتطور والتكنولوجيا الحديثة وصلت عندنا في بلادنا , لأنه تقنية هوليود سمايل موجودة من زمان بأمريكا وأغلب ألي سووها من قبل سووها بأمريكا لأنها تقنية أمريكية , والدكتور الي سويتها عنده فنان بصراحة ,, يعني لا مجال لليأس مع الأسنان اطلاقا ,, والبنت ما بتخجل تبتسم بل بالعكس بتم الوحدة توزع ابتسامات يمين وشمال وطالع المراية أربع وعشرين ساعة :D , وحتى شكل الويه يتغير سبحان الله وتساهم العملية بزيادة جمال شكل الوجه ,, وأنا هناك حصلت بنتين مسويين عملية التجميل لأنهم بيعرسن في الصيف على حسب ماقالو وانهن يبغين اسنانهن تلمع مع بياض مثل اللولو فيوم العرس , وانشاء الله اتم الابتسامة على وجوه الجميع ,, :)


وتحياتي لجميع الأخوات الغاليات ...(f)