كريم فرد الشعر سوفت اند بيوتيفل

سورى يا جماعه انا غلط فى اسم الكريم اسمه مش سوفت اند بيوتيفول

اسمه دارك اند لفلى

ياريت مش تتأخروا عليا

اناصراحه ماعندي معرفه بكريمات الفرد
ان شاء الله يساعدوج البنات
بس ماحبيت ادخل ولا أرد

تحيتي،،
:)

تسلميلى يابلسم يارب

ويارب الى عنده خبره بالفرد ده يقلى

انا اعرف سوفت اند بيوتيفول و تحمست اتفلسف لك عنه
بس يوم قريت الرد انو مو هو قاصدته
اسفه ياقلبي ماعرف عن هالكريم شي بس بالنسبه لسوفت اند بيوتيفول
جربته ومانفع مره كان عادي بس اتوقع السبب اني ماستشورت شعري قبله
لانو قالو لي انو ناسب ناس كثير
بس انا ماسوى شي واياي شعري مثل هو ماتغير
ان شاء الله احد يعرفه ويخبرك

اسفه قلبي انا كمان جربت سوفت اند بيوتفل وكان مرررررره حلو معايه وضبطلي شعري
بس الي انت قايله عنه ماعرفه وبالتوفيق خيتو

مساء الخير يا بنات

الاول شكرا لولا وهوفا على المشاركه

ثانيا انا لسه من شويه عملت شعرى بالكريم (سوبر دارك اند لفلى )

بجد حلوووووووووووووو قوووووووووووى

والى تحتاج اى استفسار عنه انا تحت امرها

مرحبا جيهان
بسالك شعرك خشن اوجاف؟ وكان مصبوغ لما استخدمتيه؟ وطريقة استخدامه كيف؟
معليش كثرت اساله بس حبيت نستفيد مثلك
اختك ملوحه

انا كمان عاوزة اعرف

انا جيباه السوبر ب 63 ج وبيفرد كويس جدا من غير ما يوقع الشعر و بعمله فالبيت وبكون عاملة حسابي اعمل الاتي
اغسل شعري مثلا اول الاسبوع واعمله بيبي ليس واسيبه اتهنى بيه 4-5 ايام بحيث يجي معاد الغسلة اللي بعدهاو اكون محضره الكريم عندي
وابدأ استخدمه طبعا الشعر بيكون اردي مفرود من المكواه وسهل انك تقسميه سكاشن صغيره بعدين تفردي الكريم على كل خصله وبعد كده تسرحيه على خفيف هتلاقي الشعر مفرود واللي مساعد هو انك كوياه مش هتحتاجي تفضلي تسرحي كتير لحد ما يتفرد
هتسبيه 15 دقيقة بعدين تغسليه بالشامبو المخصوص بتاعة وبعدها بتحطيله حمام الكريم اللي بيجي معاه بردو وفالاخر بتشطفي شعرك وبيكون معاه بلسم سائل زي السيروم بتدهني منه انا اعد السيرم دا عندي حوالي شهر ونص بستخدمة لان الازازه 60 مل كبيرة وعلبة الكريم عبارة عن

- عبوة بلاستيك كبيرة فيها 212 جرام (وزن صافي ) من كريم الفرد يعني هتكفي الشعر كله

- كيسين من الزيت يضاف مع الكريم قبل الاستعمال لضمان طراوه وليونه الشعر وعدم تقصفه

- وكمان مع الكريم 4 زجاجات بلاستيك سعة العبوة الواحده 59 مل والزجاجات عبارة عن

اول ازازه فيها سائل تنشيط بيتحط مع الكريم والزيت لاتمام عملية الفرد بشكل ممتاز

الازازه التانية عبارة عن شامبو ريحتة جميلة جدا بتغسلي بيه الشعر بعد اتمام عملية الفرد وميزة الشامبو انه بيساعدك تعرفي اذا كان الكريم لسه باقي في شعرك ولا لا لان رغوته بتتحول للون الوردي اذا كان الكريم بالشعر اما لو كان الشعر مغسول ونضيف من الكريم يبقى الرغوة هتبقى لونها ابيض
وعشان كده استخدمي حوالي نص العبوة في اول شطفه لو كانت الرغوة لونها بينك يبقى هنعيد تنضيف الشعر بالمايه الفاترة وبعد كده نعمل اختبار باستخدام النص التاني من عبوة الشامبو

الازازه التالتة مستحضر زي حمام الكريم ريحتة جميلة بيستخدم لاعادة اللمعة والحيوية للشعر بندهنه لمده 3 دقايق وبعدها بنشطفة

الازازه الرابعة والاخيرة بلسم سائل يترك في الشعر يعني مش بيتشطف بنحطه كادهان وعبوته كبيرة بتعد فترة

بيجي كمان مع علبة الكريم ستيك خشبيه لاستخدامها في عملية دمج المكونات وفرد الكريم على الشعر

وصفحة ارشادات الاستخدام باكتر من لغه وطبعا موجود بالعربي والشرح بالصور ومع ورقة الارشادات 2 جوانتي شفاف موجودين داخل صفحة الارشادات

بس كده ياقمر لو عايزة اي سؤال تاني اسالي
اه والنبي دا نتي جيتلي مالسما
هوا انواع ولا هوا نوع واحد يعني مثلا هل هوا في منه امريكي وفرنسي وكده ولا نوع واحد ؟؟؟
كمان بيتعمل كل اد ايه؟؟؟ يعني تاثيره بيروح بعد اد ايه.؟؟؟؟
كمان مش بياثر عالشعر يعني اجربه دلوقتي ولا اسيبه قبل الفرح؟؟؟؟
انا شعري مجععععععععععععععععععععععععد اووي هل هياثر؟؟؟
شعري من ادام خفيف موووت مش هيبقي غلط عليه؟؟؟
فانتظار الرد يا حبيبتي
وربنا يكرمك ويجازيكي خير

اقتباس المشاركة الأساسية كتبها eng.tasbe7 اه والنبي دا نتي جيتلي مالسما
هوا انواع ولا هوا نوع واحد يعني مثلا هل هوا في منه امريكي وفرنسي وكده ولا نوع واحد ؟؟؟
كمان بيتعمل كل اد ايه؟؟؟ يعني تاثيره بيروح بعد اد ايه.؟؟؟؟
كمان مش بياثر عالشعر يعني اجربه دلوقتي ولا اسيبه قبل الفرح؟؟؟؟
انا شعري مجععععععععععععععععععععععععد اووي هل هياثر؟؟؟
شعري من ادام خفيف موووت مش هيبقي غلط عليه؟؟؟
فانتظار الرد يا حبيبتي
وربنا يكرمك ويجازيكي خير
بوصي يا قمر
انتي مش هتقربي الكريم من فروة الراس نهائيا وبتالي مش هيأثر عليكي في حتت سقوط الشعر
والكريم امريكي بس مفيش منه صنع بلدان تانية وفي منه 3 انواع السوبر والعادي وبتاع الاطفال
السوبر بيفرد اكتر من العادي شوفي ايه يناسبك وهاتيه
ومفعوله بيدوم على طول مجرد بس ان الشعر اللي بينبت جديد هو اللي هيكون عايز يتفرد ودا تقريبا بيبان بعد 3-4 شهور من الفرد
وبلاش تعمليه دلوقت خليه قبل الفرح باسبوعين احسنلك هيكون ليها فرحة ونيو لوك وممكن بعده تعملي الصبغة او الهايلايت وبما انك اول مره تستخدميه خلي كوافيرة تعملهولك بس تكوني عارفاها عشان تظبطك فيه
دي صورة الكريم السوبر



الرد دا انا نقلاه من بنوته هنا اسمها انوش و لو عايزه اى استفسار ادخلى تجمع بنات مصر للعنايه بالشعر و هيا هترد عليكى

لا يا بنات خدوا بالكم اي فرد بيأثر سلبيا عالشعر بعد مدة انا صاحبتي كان شعرها مموج قوي و عملت مرة سوفت اند بيوتفل بتاع الاطفال وده اضعف نوع وعملت بعديه علي طول الكيراتين شعرها موقعش لان الكيراتين كان عمله حماية لان لما واحدة تانية جربت تعمله لوحدة وقع شعرها وحرق اطرافة بعد كام شهر

عملت شعري بالسوفت اند بيوتفل القوي وشعري اخترب صاير خشن وجاف ومالة لمعة ابدا معني طبقت كل الي مكتوب في الورقة ومادري شسوي فية وكيف يرجع فية لمعة زي قبل صاير خشن وثقيل ولمستة مو طبيعية كانة ليفة اللة يخليكم ساعدوني كيف ارجع شعري زي قبل صدق قبل كان خشن بس كان فية لمعة واي خسرت شعري معنة طويل وحلو كان مع الاستشوار بس الطمع وما يسوي :'(

سورى على التاخير فى الرد
عموما انا جيت بعد سنه من ما جربته
هو كويس وكل حاجه ومش بيوقع الشعر زى باقى انواع الفرد وريحته كمان مش وحشه يعنى هو كفرد تقدروا تقولوا عليه الى حد ما اامن فرد
بس بردوا بعد ما بيخلص بيرجع الشعر وحش ويمكن اوحش شويه بس بصراحه هو مش بيوقع الشعر ونتيجته حلوووه فعلا
ولانى كنت جربت قبل كدا فرد ايطالى احمر ريحته وحشه جدااااااااااااااااااااااا وبعد ما بيخلص مفعوله الشعر ماقلكوش وحش قووووووووووووووووووووووووووووووووووووى
فا بجد الى عايزه تعمل فرد ياما جلات لانى اعرف واحده بتستخدمه دايما وشعرها تمام وكمان دارك اند لفلى ده كويس يعنى فى المعقول ولاحسن نتيجه فى الفرد وعدم ارهاق الشعر كوى الشعر بالمكواه السيراميك او السشوار قبل الفرد علشان ما تاخديش وقت فى تسريح وفرد الشعر بالمشط وهو عليه الفرد فا ترهقى الشعره
وكمان اهتمى بقى بالشامبو الكويس وحمامات الزيت والكريم علشان تعالج التقفص او النشوفيه اول باول