بسم الله الرحمن الرحيم
ازيكم يابنات... انا جبتلكم انهارده طريقة عمل عجينة البقلاوة من الاول خالص...انا جربتها وبصراحه طلعت حلوة جدااااااااااا
وقولت اكتبلكم الطريقة وان شاء الله تجربوها
المقادير:
1 كيلو دقيق
1 م/ص ملح ( 15 جم)
1/2 كوب سمن سايح (100 جم)
2 كوب ماء (400-450 جم)
نشا لفرد العجين
الحشو:
المكسرات اللي تحبيها
او قشطه...مهلبيه يعني
الطريقة:
نخلط الدقيق والملح....وبعدين نضيف السمن ونخلط
نضيف الماء بالتدريج لحد ماتتكون عجينة لا تلتصق باليد
نغطي العجينة ونسيبها ربع ساعه تستريح
اعملي العجينة رول وقطعيها 12 قطعه متساويه
نكور كل قطعه ونغطيها بفوطه ونتركها نص ساعه برده تستريح
نفرد كل قطعه بالنشابه دائرة قطرها تقريبا 20 سم....وسمكها برده حوالي 1/2 سم
اهم حاجه انك بتفردي العجينه وانتي راشه الرخامه نشا مش دقيق
وتحطي القطع فوق بعضها بعد ماتفريديها كل واحده لوحدها...ولازم ترشي نشا بين كل واحده والتانيه كويس جدااااااااا
وبعدين تغطيهم بكيس بلاستيك كويس اوي وتدخليهم التلاجه لمده ساعه ونص او اكتر...يعني ممكن تسيبيهم لتاني يوم
بعد كدا ترشي الرخامه نشا برده وتفردي عليها راقات العجين اللي فردناها بس المرة دي افرديهم بالنشابه وهما كلهم فوق بعضهم ...وتفردي بالراحه لحد ماتبئي راقات رفيعه جدا زي الجلاش
قطعي الجلاش مربعات تقريبا 5*5 وحطي الحشو اللي تحبيه واقفلي المربع... اثنيه علي بعضه يعني
او ممكن تجيبي سيخ طويل وتحطيه وتلفي عليه راقات الجلاش واقطعي بالسكين عشان يبئي عندك شكل رول
اسحبي السيخ وقسمي الرول بالطول اللي تحبيه
ولو عايزة تحطي حشو ممكن تحطيه علي السيخ قبل ماتلفي الرول
رصي البقلاوة في صينيه مدهونه زبده
واهم حاجه لازم تغرقيها زبده سايحه...بس مش سخنه
يعني لازم الزبده تغطيها
[/IMG]
دخليها الفرن علي درجه حراره 140
يعني علي نار هادية
البقلاوة دي بيبئي لونها ابيض...يعني ماتسيبيهاش تتحرق
[/IMG]
ملحوظه: جربي نص المقادير عشان لما تيجي تفردي العجينه ماتبقاش كبيرة اوي علي الرخامه
عشان بتفضلي تفردي لما السمك بيبئي رفيع جدااااااا
ونص المقادير هيعمل صينيه
وبس كده