تعليم الطفل دخول الحمام / شاركونا بتجاربكم

اختي العملية يبي ليها صبر وطولة بال اختي كل مرة تحاول مع بنتها وبنتها تسوي لها مثل ولدش تقوم وترد تلبسها الحفاظة وتياس والحين بنتها عمرها 3 سنوات والحين تبي تقطع عنها الحفاظ نهائيا ووايد محصلة صعوبة معاها فانتي طولي بالش واخدي ولدش بالهداوة وعلميه ان الحين هو كبر واستوى رجال شلون يلبس حفاظ للحين واخدي على قد عقله خليه يحب سالفة الحمام اشتري له ( القيصرية) على شكل رسومه المفضل وحطيه له بالحمام

إن شاء الله يكون فيه تفاعل ويفدوكي بتجاربهم تستفيدي ونستفيد معاكي

فعلا السالفة يبي لها صبر
والمفروض اتعلمينة اصغر من جذي
اني عباادي صار لي شهر من ابتديت معاه
وفي البداية كنت وايد اعصب وكان مايفهم لي اذا اقول له بول ((كرم السامع))
لكن بعد اسبوع تقريبا فهم شنو معناه الكلمة وكنت اودية الحمام كل ساعة او ساعة واشوية على حسب الشرب الي يشربة
والحين ماشاء الله علية اذا فية شي بسوي البولة او الكبيرة يجي ياشر يعني بروح الحمام
صح ماالحق علية لكن بداية جيدة بالنسبة الى عمرة
اني ابتدي معاه وهو عمرة سنة و8 شهور وكنت ندامة ليش ماابديت معاه قبل
من قبل السنة علشالن يتعود
على العموم في المواضيع المميزة تلقين موضوع عن تعليم الطفل الحمام وتجارب البنات
بصراحة وايد استفدت منه وفي افكار تناسب عمر ولدك علشان تشجعة على الحما
بحط لك الرابط :)

http://www.forums.3roos.com/showthread.php?t=201770

هذا الرابط ان شاء الله تستفيدين منة