كيف أتعامل مع بنتي

يمكن بتستغربو من سؤالي كيف أتعامل مع بنتي تاعبتني ومحيرتني مرات أعصب عليها وأخليها تبكي وبعدين ما تهون علي ارد أكلمها شوي شوي بس هي الله يهديها عصبية بشكل ما تتصورونه أبداً لو من أقل القليل بتعصب وأخاف هالشي يأثر عليها في المدى البعيد وخاصة على نفسيتها يعني عادي لو عصبت ممكن تشوت الطاولة مالها اي لعبه تشوفها تفرها اي شي بتشوفها تفره ومرات حتى تعصب علي ولما أرد أكلما تقولي اسكتي انتي او اي حد من خالاتها بيكلمها وهي معصبة بتقولي نفس الشي ..مرة نرفزتني ومسكتها وعصبت عليها وخليتها بالحجرة وقلت لها ما تطلعيولو طلعتي بتنظربي ورحت الممطبخ ورديت همتني من كثر صياحها يلست أكلمها شوي شوي وأفهمها ان هالشي غلط بس حسيت انها ما فهمت لي ردت تقولي أنا ما أحبج ومرات ترددها هالكلمة حتى لأمي ولأبوي خواتي واخواني عادي تردد هالكلمة لما تكون معصبة بس لما تكون هادية ماشي احسن عنها ما ادري حيرتني اخاف أشد عليها واطلع بنتيجة عكسية أخاف الين بعد أطلع بنتيجة عكسية قلت بستشير طبيبة نفسية خاصة للأطفال ما لقيت للعلم ترا ابوها ما عندنا بسبب شغلي في منطقة وهو في منطقة ثانية لان شغله حكومي واعمال حرة يا في الدوام يا يخلص أعماله وتجارته يعني عادي يمر اسبوعين ما تشوفه بس يكلمها بالتلفون ومرات خلال الاسبوعين يمر علينا نص يوم ويرجع لعمله ولما تكون معنا اجازة كم يوم في المناسبات نروح نجلس معه هالكم يوم بس بعد يكون مشغول ما ادري هل هذا هو السبب بس ما أظن لان هي متعودة على عدم موجودة من انولد وهو على هالحالة يعني ما كان الانقطاع فجأة شوروا علي كيف اتعامل معها ومع عصبيتها مع العلم اني عصبية وما استحمل بالمرة خاصة ارد من المدرسة وصدعت الطلبة معورة راسي بس احاول استحمل صريخها كله تصارخ وما ترضى حد يسوي لها شي فيها عند موطبيعي كل شي تبا تسويه بروحها ولو حد سواه بدالها خلاص بترفضه نهائيا