اليوم أنا جايبة لكم مقتطفات من حفل زواجي للأسف صور القاعة والكوشة ما جهزوا إذا جهزوا بانزلهم
أولا : الفستان
تسريحة الشعر :
التاج :
(الله يعزكم) الحذاء :
الحذاء طلبته من الإنترنت كان أرخص لي و أفضل و الحمد الله وصل في موعده وما تأخر
المكياج :
كان مكياجي نفس هذا
مسكتي :
أنا رحت المحلات وما لقيت شيء عجبني طلعت صورة المسكة من الإنترنت وسوا لي المحل نفسها اللهم حط كرستال على الشرايط تحت
بطاقة الدعوة:
طلبت بطاقة الدعوة من الإنترنت بس شكلها (يعني بدون الكلام اللي داخل) ، وبعد ما وصلت وديتها المحل وكتب لي من داخل الكلام طلعت روووعه
هاذي الصور من الإنترنت طلبت نفسها بس الشريطة كانت حمرة بدل السوداء
التوزيعات:
قبل عرسي بشهرين رحت أدور على توزيعات حلوة ، دورت في المملكة ما عجبني ، كان في طبعا بس إما كانوا غاليين أو ما قدريت أحصلهم لموعد عرسي ، فقلت ما أضيع وقتي وأدور على الإنترنت
حصلت موقع عند توزيعات روووووعه فطلبت منه، اللي تبي أسم الوقع تقول لي وراح أطرش لها إياه
المهم أنا طلبت وايد أنواع والحمد الله وصلت في وقتها وكان شغلة نظييف وحلو طبعا
الصور اللي أنا جايبتهم من الإنترنت أنا طالبت نفسهم بس طبعا الإسم و تاريخ العرس غيير
تفضلوا مع الصور:
هتذي النوع عبارة عن سلسة حق المفاتيح على شكل خاتم
أما هاذي عبارة عن علبة صغيرة داخلها حلاوة مثل ما قلت لكم غيرت الأسم و التاريخ ونفس الشي في الصورة الثانية عبارة عن لوح شوكولاته :
وهاذي التوزيعات عبارة أيضا عن علب وداخلهم حلاوة
أما هاذي التوزيعات عبارة عن كوكيز مكتوبة علية أسمينا والتاريخ
أما هاذي فعبارة عن شمعه طلبت مجموعه كبيرة منهم و حطيتهم على الطاولات و وقت الزفة ليتات القاعه تسكرت وأشعلنا الشموع وكانت في ليتالت على المسرح وكان السبوت لايت علي وأنا أمشي كان الجو حلو كثيررر
-----------------------------------------
وطلبت مثل هذا بس كان لونه أبيض والشريطه والكلام بالأحمر، داخل الكيس في كوكيز ملونة.
وطلبت هذه الميدالية وكان محطوطة في علبة ومكتوب عليها الأسماء والتاريخ
وطلبت هذا اللي هو عبارة عن شي تحطونه على الملابس نسيت أسمه
وطلبت هاذي الأشياء:
وبعدين جمعتالشياء الي أهي من (كيس الكوكيز الى الصندوق ال
أحمر) وحطيته في سطل أحمر وزينته بالشرايط البيضاء وحطيت عليه بطايق و ورزعتهم
بدين طلبت أشياء توضع على الطاولات :
1- المزهرية ومكتووب عليها أسامينا
2- الكلينكس والصحن
وطبعا كل هذا طلبته ووصل في الوقت المحدد و كان السعر معقول جدا
قبل ما أختم الموضوع باقول لكم فكرة حلوة أتمنى أنكم تستفيديون منها:
في يوم الإستقبال الي يكون بعد العرس خذت فستان العرس وو ضعته على العارض (مثل ما تشوفون في الصورة فوق للفستان)
وحطيته يمه طاولة وكان فوقه تاجي و الإكسسوارات وحيطيت يمة سلايد شو فيه فيديو زفتي ووبعض من مقتطفات العرس كان شكلة كثيير حلو الناس إنبهروا عليه، أتمنى أني فدتكم
في الختام تمنوا لي التوفيق وشكرا
في انتظار ردودكم الحلوة
