كيف تهتمين بشعرك مع قطاف

[قطاف]

بسم الله الرحمن الرحيم

مرحبا يا بنات عرووووووس المميزات

بما أني أهتم كثيراً بنفسي وأحب كل بنات عروس يستفيدون من طريقتي في العناية بشعري وتعطيره، وأحب أنبهكم بأن العناية مو يوم وإلا شهر العناية لازم تكون دائمة، وكل اللي راح تشوفونه هو عن تجربة شخصية بعد ما جربت معظم المستحضرات اللي في السوق وجربت خلطات ما شاء الله من منتدانا الغالي.

واتعرفون أن أهم شي عند المرأة شعرها، ونصف نفسيتها تصب في شعرها، شوفوا معاي هالتصور شعرج متقصف وايطيح وعندج عزومه وش اتسوين، اسهل شي تغطينه بالحجاب (حتى مع الحريم) وإتخلين التعب النفسي داخلي، وكل ما تشوفين حاله يظل قلبك يبكي عليه. والتصور الثاني وحده شعرها صحي وجميل وغليظ ولما تكون عندها حفله ما تشغل بالها بالتسريحة لأن شعرها بطبيعته حلوووو والنفسية عال العال.

أي وحده من هالثنتين تبغين تكونين؟؟؟؟؟؟

إذا تبغيين شعر صحي وقوي وكثيف وطويل إهتمي به دوم مب يوم، يعني مو معقوله تهتمين بشعرج شهر وتبغينه يكون حلو وصحي سنه!!!!!!!!!

ما أطول عليكم تفضلوا إلى عالم قطاف للعناية بالشعر

العناية بالشعر

شعري له قصه لحاله، طبعا أسوي حمام زيت كل 3 أيام، أقول لكم اشلون أبلل شعري بالماي شويه وبعدين أحط الزيت على فروة الراس وأدلك بنعومه لين ينهد حيلي هههههههههه وبعدين اجدله وأرفعه بكليب وأجيب فوطه خاصه للشعر وأغطيه وأتركه على هالحال طول الليل أو من 4 إلى 6 ساعات وبعدين أحط البلسم لمدة ساعتين (ملعقتين بلسم + ملعقتين روب + ملعقة عسل) وبعدين أغسله بشامبو جونسون للأطفال مره وحده بس (مو تهلكينه غسال واتقولين جفف شعري هههههه). وبعدها أترك الفوطه على شعري بدون ما أفركه ليما يجف لحاله أو ممكن أضغط عليه بالفوطه. عقبها أحط تونيك كمينو موتو الياباني (الصراحة اليابانيين لي قالو صدقوا) أوزعه على الجذور وأدلك بلطف هذي التونيك يوقف التساقط ويعيد إنبات الشعر بعدها أزيت شعري بزيت خفيف دابر الياسمين بس شويه عشان التسريح وأسرحه.

طبعا مره أستخدم هالطريقة كامله بالبلسم مع زيت دابر أملا الأصلي، ومره أستخدم طريقة الزيت بس مع زيت أم الجدايل من وادي النحل (مفعوله عجيب من أول إستخدام وريحته حلووووووه) ومرات أستخدم هالطريقة مع خلطة زيت جوز الهند ( علبه زيت جوز الهند الحديد أو فاتيكا + مسحوق الآس+ مسحوق السدر). اللي ما تقدر على برنامجي على الأقل تحط أي زيت يناسب شعرها مره في الأسبوع، مع البلسم.



وكل يوم صبح وليل أحط كمينو موتو على الجذور.



الفائدة: تغذية ولمعان، وقف التساقط، إعادة إنبات الشعر، تطويل.

تعطير الشعر

وهو رطب أبخره بالعود والبخور بعدها أستخدم مخمرية (ما أدري وش إسمها لأني أخذتها من معرض الخريف – كويتية – وريحتها واوووو بس ما حبيت أني أعطر شعري بالعود اللي في التوله فأخذت علبة بخاخ صغيره وحطيت فيها شوية مخمرية + ماء ورد وصرت أبخ بها شعري بعد كل إستحمام.



وإذا مو حابه أسشور شعري أحط فيه زيت دابر بالياسمين ريحته روعه (أنا أحب ريحته ما أدري عنكم).

إي بخبركم عن شغله مره كان عندنا عرس فحطيت في شعري مخمرية ومخلط دهن عود فلما رحت الصالون كلما يسشورون شعري تفوح ريحة دهن العود والكل قام يتلفت (بصراحة الريحة روووووعه والإحساس أروع حسيت بأني غرشة دهن عود متحركة، والأهم الإحساس بالثقة والجمال)

إن شاء الله أكون رديت الجميل لهذا المنتدى الغالي وأفدتكم مثل ما إستفدت منكم.

أختكم قطـــــــــاف

[همس الصمت2]

[FRAME="3 70"]
(y) جــــــــــــــــــــــزاك الله ألف خير على هذي المعلومة .
[/FRAME]

[مشاعر مجهولة]

ما شاء الله
تسلمين قطاف على هالمعلومات المفيدة ويعطيج العافية

بالنسبة للتونيك وين القاه ؟؟
وتسلمين مرة ثانية

[rosy2]

:clap::clap::clap::9_28::clap::clap::clap:

موضوعك فعلا جميل وبسيط ربنا يهنيكي بشعرك حبيبتي

[samaher]

مشكورة اختي و يعطيك الف عافية

[قطاف]

أشكركم عزيزاتي على المرور

مشاعر مجهوله

بالنسبه للتونك تلقينه بصيدلية المواساة بالمحرق، وانتي يايه من الجسر الجديد كأنج رايحة مجمع ماكس قدامج بيكون دوار صغير، خطريه وروحي سيده وبتشوفين الصيدلية على يمينج.

[أم نجود الأحساء]

مشكورة ياحلوة

وتسلمي على الدعوه

[راعية الفراري]

ماشاء الله عليج ياقطوفه
حلوة طريقتج انا عندي دابر املا الذهبي باستخدمة ريحتة اهون من الاصلي بس مادري مفعولة مثله اولا ؟؟
وبسألج
لم تغسلين شعرج بالشامبو جونسون يروح عدل الزيت من الشعر ؟؟
وكراون زيت النارجيل العلبه الصفرا من وين شاريته ؟؟

مشكوووووووووووووووووووورة

[om asmaa]

تسلمى

[قطاف]

أم نجود الأحساء
راعية الفراري
ريم الصحراء

يسعدني مروركم