ركن العناية بالبشرة والجسم ركن متخصص لمناقشة جميع الامور الصحية و العناية بالبشره والجسم .

Like Tree3Likes

صورة قطاف الرمزية

بنت، عروس، لو متزوجه تعالي أعلمك كيف تهتمين بنفسك

21/01/2009, 10:55 AM

بسم الله الرحمن الرحيم

مرحبا يا بنات عرووووووس المميزات





بما أني أهتم كثيراً بنفسي وأحب كل بنات عروس يستفيدون من طريقتي في العناية ولما للنظافة الشخصية والعناية من أهمية لكل بنت وكل زوجه تحب تحافظ على جمالها قررت أعرض عليكم اليوم طريقتي في العناية من الرأس إلى القدم، وأحب أنبهكم بأن العناية مو يوم وإلا شهر العناية لازم تكون دائمة، وكل اللي راح تشوفونه هو عن تجربة شخصية بعد ما جربت معظم المستحضرات اللي في السوق وجربت خلطات ما شاء الله من منتدانا الغالي.

وعلى فكره يا بنات لازم تهتمون بنفسكم من الحين مو لما يدق البخت بابج ما تدرين شنو تسوين بنفسج، ومعظم اللي راح تسوينه ما راح يظهر تأثيره قبل حفلتج بكم يوم، يعني العناية لازم تكون قبل ما يصير شي يعني أفضل أول ما البنت تبلغ تبدي تهتم بنفسها مو بس سشوار وتمليس وشوية مبيض للوجه، العناية أكبر من هالشي، وصدقيني لما تمشين على جدولي للعناية راح تحسين براحة نفسية وراح ترضين عن نفسج وتدرين أن جسمج نظيف 100% وبشرتج مرتاحة ومتغذية 100%.

ما أطول عليكم تفضلوا إلى عالم قطاف للعناية بالجماااااال من الرأس إلى القدم

العناية بالجسم



العناية الأسبوعية:
قبل الإستحمام أحط على جمسي خلطة الليمون (كريم هملايا أو أي نوع متوفر عندج + عصير نصف ليمونه أنا أستخدم المعصور جاهز أريح) وأخلطه ليما يصير عندي مثل اللوشن (قوام سائل) وبعدين أدهن به كامل الجسم واتركه على جسمي ساعتين. وعقبها أغسل جسمي بالشور كريم.
الفائدة: هالخلطة تعطيج نظافة ولمعان ونعومه.



طريقة الحمام المغربي: أخلط (3 ملاعق صابون مغربي سائل + ملعقة مقشر للجسم + ملعقة نشا + شوية ماء ورد + ملعقة حنا بيضا) أبلل جسمي بالماء وأوزع الخلطة على كامل الجسم بعدين ألبس قفازات البودي شوب وأفرك جسمي بحركات دائرية بعدين أغسل جسمي بالماء وأستخدم الشاور كريم بالليفة الخفيفه وبعدها أشطف جسمي. (هالطريقة تاخذ نصف ساعة فقط)
الفائدة: نظافة، تقشير، نعومة وبياض مع تكرار العملية.
طبعا أسوي الحمام المغربي (بما أنه في البيت) كل سبت، وخلطة الليمون كل ثلاثاء.

العناية اليومية:



أتروش عادي بالشاور كريم عشان يرتاح جسمي في هالفترة من الخلطات، وأدهن جسمي بكريم أو لوشن.

العناية بالوجه:
الوجه ياخذ حيز كبير من عنايتي لأنه يتعرض للشمس والغبره.

العناية اليومية:



أغسل وجهي 3 مرات في اليوم، الصبح والظهر وقبل النوم بصابون طبيعي (صابون أغادير المغربي) أرطب الوجه بالماء وأدلك وجهي بالصابون لمدة دقيقتين وبعدين أشطفه بالماء.
الفائدة: هالصابون بجانب أنه طبيعي وما يأذي البشرة، يبيض الوجه جعل ربي وجوهكم بيضه يوم الدين.

قبل ما أقوم الصبح من السرير أسوي تدليك لبشرة وجهي (عندي جهاز من ماركة توروس يدلك بنعومه ) مع إستخدامه لاحظت بشرتي صارت مورده وإن دل على شي فيدل على أنها مرتاحه.

الصبح أحط كريم هملايا للحماية من أشعة الشمس، والعصر أحط كريم فيتامينE من البودي شوب للتغذية، وقبل النوم أحط كريم أغادير المغربي للتبييض. يعني لو تلاحظون بعد إستعمال الصابون أرطب بشرتي حتى لو كان الصابون طبيعي.
الفائدة: حماية وتغذية وترطيب وتبييض.

بالنسبه للشفايف: إستخدمت مرطبات ما شاء الله لكن الشي الوحيد اللي إستفدت منه شي خطيرررررر جدا هو بكل بساطه الفازلين مع إستخدامه شفت ترطيب ما عمري حسيته مع المرطبات الثانية بالإضافة أنه خلى لون شفايفي وردية ونديه.

العناية الأسبوعية:



طبعا بعد تعب الأسبوع والشمس والغبره والمكياج، أسوي بخار لوجهي (عندي الجهاز بالبيت) أدهن وجهي ورقبتي بخلطة جنين القمح (زيت جنين القمح + كريم جيلوسيد) وأدلك وجهي بجهاز التدليك وبعدين أتعرض للبخار لفترة ليما يعرق وجهي بعدين أمسح وجهي بفوطه ناعمه أو إسفنجه للوجه (في هالخطوه راح تلاحظون كمية الأوساخ اللي راح تطلع في الفوطه كأنكم ما عمركم غسلتو وجوهكم. وبعدها أحط سكراب للوجه من هملايا باللوز وأفرك به وجهي برقه مع تعريضه للبخار وبعدين أغسل وجهي بماء دافي. وأرجع أحط ماسك البابايا من هملايا ( هو شوي حار الماسكات عادة حاره على الوجه)و أتركه 15 دقيقة وبعدين أشيله بإسفنجه وأغسله بالماء، وبعدها يجي وقت الترطيب أحط كريم فيتامين E من البودي شوب.
الفائدة: تنظيف عميق، تبييض، شدـ، ترطيب وتغذية.


العناية باليدين والقدمين




العناية الأسبوعية:
أغسل اليدين والقدمين وأرطب اليدين بكريم نيفيا للعناية باليدين والأظافر وأركز على منطقة الأظافر، والقدمين أرطبهم بكريم هملايا للعناية بالأقدام، واشيل اللحم الزايد عند الأظافر (منيكير) طبعا عندي العده كامله وبعد ما أنظفهم زين أنقعهم في حمام مساج لليدين والقدمين طبعا عندي جهاز حمام للقدمين يدلك ماركة توروس أحط فيه ماء مع شوية ديتول وأترك أقدامي فيه بعدين أفركهم بمبرد الأرجل والحجر، بعدين أستخدم سكراب ناعم لليدين والقدمين (ينعم ويقشر بلطف ويبيض ويلمع) وطريقته أنج تحطين شويه منه على الجزء المراد تقشيره واتدلكين حتى يتنشف وترجعين تبللينه مره ثانية وهكذا وتستمرين ل3 أو 4 مرات هالسكراب أخذته من محلات نزيه لأدوات الصالونات هو أخضر وإسمه الجوجوبا جيلو وفي مكوناته السكر وزبدة الشيا، والحين أغسل أطرافي وأجففهم بالفوطه، بعدين أمسح القدمين بالفازلين والأيادي بكريم عادي.

للعناية اليومية:



بعد كل إستحمام لا تهملين قدميك لازم تدهنينهم بالفازلين، والأيادي على طول أستخدم لهم الكريمات المختلفة.
وعلى فكره لا تقولون لا في أشياء أحسن من الفازلين ترى من كثر ما جربت كريمات شفت ان قدره الفازلين على علاج التشققات مافي مثلها ومن أول إستخدام.


تعطير الجسم



لتعطير الجسم: بعد الإستحمام والجسم رطب أدهن جسمي بـخلطة الزيت (زيت بيبي جونسون + تولة مخلط دهن عود)، بعدها أتبخر وجسمي بعده رطب، بعد الحمام أستخدم واحد من هالكريمات (زبدة العنب من البودي شوب مع اللوشن اللي فيه حبات لماع، أو خلطتي ( كريم جيلوسيد + زيت بيبي جونسون + ملعقة مخلط دهن عود + ماء ورد) وسويت مثل هالخلطة بس بإضافة تولة بريحة المشموم أو كريم ليل بريحة العود أو كريم جرجينز بالمسك وأضفت له تولة مسك عشان تركيز الريحة، أو أي كريم ثاني متوفر عندي. وبعدين أرش بخاخ للجسم بريحة الفانيلا أو ريحة المسك بعدها ألبس ثيابي وأتبخر وأحط لي شوية دهن عود وأي عطر فرنسي بخاخ واتصير ريحتي خيااااال.

طبعا طريقة التعطير كاملة أسويها لما تكون عندي عزيمة أو عرس لأنها تاخذ وقت وريحتها فواحه، أما الأيام العادية أكتفي بخلطة الزيت وأي كريم، ورشة عطر.

إن شاء الله أكون رديت الجميل لهذا المنتدى الغالي وأفدتكم مثل ما إستفدت منكم.


أختكم قطـــــــــاف



من مواضيعي

صورة روبا الرمزية
21/01/2009, 11:04 AM
الف الف شكر حبيبتي على النصايح و الخلطات الاكثر من رائعة



من مواضيعي

21/01/2009, 11:14 AM
ما شاء الله عليك
ويابخت زوجك فيك
ياحسرة عليا ما الاقي الوقت الكافي لاهتم بنفسي بهذا الشكل
(من الشغل للبيت للجهال واخيرا ابو الجهال):confused:
بس والله انك افدتيني بموضوعك هذا
تسلمي على مجهودك



من مواضيعي

صورة قطاف الرمزية
21/01/2009, 11:38 AM
روبا

العفو حبيبتي، إستفدت منكم وقلت أفيدكم

أم خديجة

ليش ما عندك وقت، مثلا سوي خلطت الليمون مره بالأسبوع تراها سهله لي قعدتي الصبح من النوم تدهني بها ولبسي ثيابك عادي لأن الجسم يشربها على طول وروحي سوي الفطور وخلصي شغل البيت وبعدين تحممي.

وللوجه إستخدمي أي صابون طبيعي وبعدين كريم ترطيب.

وسوي خلطة زيت بيبي جونسون للجسم مع تولة مخلط دهن عود، تعطير سريع للجسم بعد الشاور.

وللرجلين الفازلين

عورتي قلبي لازم تهتمين بنفسج شويه، اش دعوه ماعندج ساعة فاضية؟؟؟؟



من مواضيعي

21/01/2009, 04:06 PM
مشكورة ياقومر

وتسلمي على الدعوه



من مواضيعي

صورة أحساس عروس الرمزية
21/01/2009, 05:24 PM
يعطيك العافية صدق أهتمام



من مواضيعي

صورة أنا الشوق الرمزية
21/01/2009, 07:19 PM
ماشالله تبارك الله

موضوع وايد حلو
ويحسس بالنظافه والانتعاش :bigsmile:
والمشكله ترى مب في الوقت، المشكله في الكسل
يعني انا مثلا مستحيل اني اسوي اي شي اول ماقعد من النوم، كله أقعد حزة الحزة
بس يعني مداومه على تقشير ويهي وكريم قبل النوم
امممم جسمي هاملته عدل في الشتا
:sad: مع ان المفروض العناية تكون مكثفه


الموهيييم، نيي حق الاسئلة الحين
أغادير من أين اخذتيه؟؟ والحنا البيضا؟؟؟
وبعد مالت المساج وبخار الويه والريول؟؟؟ خخخ مابقى شي
بس صج من وين واذا تذكرين اسعارهم بعد :shy:

وبسسس



من مواضيعي

صورة آهـ ـات الرمزية
21/01/2009, 07:39 PM
ماشاللـ ـه عليج :yes:
مهتمـ ـه في نفسج زيين ما زيين
و ان شالله بجرب خلطة البيبي جونسون و دهن العـ ـوـود :21_8:
تسلميين :21_148:



من مواضيعي

21/01/2009, 07:59 PM
مشكووورة...

هذي اشياء بسيطة ومو محتاجة وقت بس المشكلة ف الكسل..بس بصراحة هاليومين زدت اهتمامي ع قولتج لازم الاهتمام من الحين مو بعد مايدق البخت بابي واتورط..!
يعجبني هالمواضيع لأنها تحمسني

باجرب خلطة الليمون عجبني..اما عن الفازلين اكييييد له مفعول سحري لكل الجسم

واحلى تقييم لعيونج:wink:



من مواضيعي

21/01/2009, 08:47 PM
اختى قطاف عن جد موضوعك اكثر من رائع ومفيييييد وتستاهلى احلى تقييم
جزاكى الله كل خير
ماشاءالله عليك ياريتنى اهتم بنفسى زيك ومن غير مااكسل
انا من غير اللوشن لجسمى والمنظف لوجهى والمرطب مابحط
والله افكر وشايلة هم كيف حهتم بجسمى قبل العرس بتلات شهور!!!



من مواضيعي


« حمام التفتيج وتنعيم الجسم سكراب كريم كاب العروس kαρ scяυв ƒσя вяı∂єs+ تجربتي له | (مميز) بصورى الخاصة نحى السلوليتcellulite مع سكرب القهوة من مصراتية لشرقاوى »

يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع


مواضيع مشابهة
الموضوع المنتدى
كيف تطلبين النقود من زوجك بدون ما يعصب ؟؟ تعالي أعلمك أفكار و خبرات
تعالي أعلمك كيف تطوري وتتعاملي مع نفسك .. مجلس بنات عروس الثقافي
#$%#$%خاطرك في وجبة من كنتاكي يالله تعالي أعلمك وبالصور المتحركة #$%#$% الاطباق الرئيسية
عندتس بزران وبلشه بهم تعالي أعلمك وشلون تصرفينهم ايام الإختبارات التربية والطفل

الساعة الآن +3: 02:46 PM.

 اتصل بنا - اعلن معنا - سياسة الخصوصية

Search Engine Optimization by vBSEO ©2011, Crawlability, Inc.

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141