وصفات مذهلة جدا ومجربة * من اصحابها شخصيا*

السلام عليكم ورحمة الله وبركاته

بسم الله الرحمن الرحيم

:X_hell1:
ازيكوا يا احلي عضوات في احلي منتدي

ان شاء الله تكونو بكل خير
اقولكوا بئا عالموضوع


انا طبعا عارفة ان معظم البنات وماابالغش ان قلت كلهم:bigsmile: بيحبوا الوصفات المجربة

المهم :21_156:
لقيت وصفات حلوة :poster_kewlpics:واحدة الله يصلح حالها ويحققلها امانيها كتبتهم وهي اللي مجرباهم وقلت لازم انقلهم ليكوا

وكمان في وصفة تانية بنت برده كتبتها وهي جربتها وقلت انزلهم
ربنا يبارك فيهم يارب



هانقلهالكوا زي ما اصحابها كتبوها:B_wink:


الوصفات اهي

*********************************************

السلام عليكم ورحمة الله وبركاته
وحشتونى .. أنا غبت كتير عن المنتدى بسبب زواجى عقبال كل البنات يااااااااااااارب
قولت بقى أرجع بعد شهر العسل .. بس مرجعش فاضية .. أنا معايا شوية وصفات هى ممكن تكون مكررة بس أنا جربتها بنفسى وكانت نتايجهم حلوة معايا وفعالة كل الوصفات دى أنا جربتها قبل جوازى وعارفة إنكم بتحبوا الوصفات المجربة علشان متضيعوش وقت نبدأ بقى

بسم الله
أولا الشعر
كنت بستعمل حمامات الزيوت زيت الزيتون أو الخروع أو الإثنين مع بعض أو زيت لوز بس زيت الزيتون أساسى
الطريقة : كنت بسخن الزيت وبعدين أدلك بيه فروة الرأس وبعدين الشعر وبعد كدة ألبس كيس نايلون على شعرى وفوق الكيس ألبس إيشارب وأحيانا كنت بستعين باللإستشوار كنت بمرره على راسى علشان أسخن الزيت فى شعرى أكتر . بعد كدة بتركه على شعرى أكتر وقت ممكن وأحيانا كنت بنام بيه وأغسله لما أصحى .. بس كان بيغذى شعرى جدا وبحس إنه صحى وبينعم .

ثانيا العين
الرموش كنت بدلكها بخفة بزيت خروع قبل ما أنام ولو إستمريتى على كدة شهر النتيجة بتكون حلوة جداااااااااااااا .
الهالات السوداء
زيت اللوز رووووووووووووووووووووعة
قبل ما أنام كنت بضعه حول عينى بس كمية بسيطة جدا لأنه لو دخل العين بيسبب حرقان بس سبحان الله غير إنه بيساعد على النوم بعمق .. بيبان تأثيره على الهلات السوداء سريع جدا .. ولو تركتيه لفترة مش بترجع تانى .
وكمان ممكن يستعمل على البشرة غير متساوية اللون بوحد لون البشرة وبيبيض الوجه .

ثالثا الأسنان
تدعك الأسنان يوميا ولمدة أسبوع بالعسل ممزوجا بمعجون الأسنان إلى أن تصبح بيضاء مثل الثلج ثم تدعك كل 3 أيام مرة واحدة ... دى الوصفة
بس أنا كنت بستعمله كل يوم 3 مرات ولحد دلوقتى بستعمله كل يوم قبل ما أنام بس فعلا نتايجه روووووووووعة وبتبان على طول.

رابعا الشفاة
كنت بدهنها قبل ما أنام فازلين أو زبدة كاكاو ولما أصحى أفركها برفق بفرشاة الأسنان او بفوطة فيها وبر .. كانت بتفضل فريش وبتلمع باقى اليوم

خامسا الوجه
بصراحة مكنتش مستقرة على حاجة بس أكتر حاجة إستعملتها وحاسيت بنتيجتها على طول هى الوصفة دى
حليب بودرة مع قليل من الماء ويكون الخليط ثقيل نوعا ما ثم ضعيه على وجهك فى إسبوعين فقط يفتح البشرة أنا إستخدمته أسبوع فقط لأنى بشرتى فاتحة بس كمان فتحها أكتر بإذن الله

سادسا الرقبة
قناع زيت الزيتون والليمون كنت بحس إنه بيشد الرقبة ويبيضها

سابعا الأكواع والركبتين والإبط والمنطقة الحساسة
نصف فنجان ليمون + نصف فنجان جلسرين + ربع فنجان زيت لوز
بس بصراحة الوصفة دى كانت حلوة أوى فى كل المناطق بس كان الليمون بيعملى حساسية فى المنطقة الحساسة بس إستعملتها من غير ليمون على المنطقة الحساسة وبرده الحمد لله كانت نتيجتها حلوة

بس بصراحة الوصفة بقى إللى تريحك من ده كله ونتيجتها ما شاء الله سريعة وفعالة هى
ثمرة بطاطس + ليمونة تعصريهم فى عصارة الجزر أو فى الخلاط وتصفيهم وبعدين تدهنى بيه جسمك كله أو تحطيه فى زجاجة فيها رشاش وترشرشى على جسمك منها وبعدين ممكن تنامى فيه بس طبعا بتسيبيها لحد ما جسمك يتشربها وبعدين تلبسى هدومك بس ماتغسليش جسمك قبل ساعة من وضع الوصفة عليه
والوصفة دى بقى تعتبر للجسم كله ونتيجتها بتبان من أول إستخدام وبالذات بعد أسبوع ولما بتتوقفى عن إستخدمها بتفضل نتيجتها ثابته ومش بيرجع السواد تانى بإذن الله

سابعا اليدين والقدمين
جلسرين + ليمون
أو جلسرين وليمون وزيت لوز بينعم ويبيض اليدين والقدمين
بس بعد دهنه على القدمين يستحسن لبس أكياس نايلون على القدمين ولبس فوقهم شراب فعلا الوصفة دى بتنعم وبتبيض القدمين




[COLOR=#000080]ودي موضوع تاني في احد المنتديات[/COLOR]
[انا اول مرة اشارك بالمنتدى و اللى شجعنى انى باكتب عن خبرة جربتها بنفسى و ليس مجرد وصفة قرات عنها او نقلتها من منتدى اخر . انا شعرى كان يتساقط بجنون حتى اصبحت فروة راسى ظاهرة من بين خصلات شعرى و بدون سبب واضح لان حالتى النفسية زين و لا اعانى من اى امراض و الحمدلله . ثم قرات كتاب كبير للدكتور ايمن الحسبنى عن العناية بالشعر و اخترت من كل الكتاب نصيحتين فقط و اتبعتهم لمدة اسبوعين و من اول مرة انخفض تساقط شعرى بنسبة 80 % و اليوم يكاد شعرى لا يتساقط منه الا الطبيعى يوميا يعنى مش اكتر من 100 شعرة يوميا بعد ما كنت مغرقة كل اركان البيت بشعرى اللى كان بيتساقط بشكل فظيع.
الوصفة الاولى:
لبن جوز هند + عصير لمون و يدلك بهم الشعر و يترك حتى يجف ثم يشطف فقط
(اعمليها فى يوم عادى غير يوم غسل الشعر)
الوصفة الثانية: (هى نصيحة مش وصفة)
عدم تسريح او تمشيط الشعر و هو مبلول و لكن ابدا تسريحه قبل ان يجف تماما ( يعنى و هو مندى شوية)
اتمنى ان وصفتى تعجبكم و اللى تجربها ياريت تقول على اخبار النتائج معها ايه

*****************************


ويارب تكونوا استفدتوا
ومش تنسوني من دعائكوا الحلو بالستر وصلاح الحال:21_8: واللي يطلع منكوا بئا:wink:
ومش تنسوا الدعاء:21_176: لاصحاب الوصفات



[COLOR=#000080]وصلي الله علي سيدنا محمد وعلي آله وصحبه اجمعين


سبحان الله وبحمده عدد خلقه وزنة عرشه ورضا نفسه ومداد كلماته
[/COLOR]