اخواتي العروسات الجميلات لي طلب عندكم

أنا كنت بعمل لماما حنة عشان شعرها الأبيض و الصراحة الصبغة أحسن ميت مرة الحنة بعد إسبوعين بتقلب برتقاني أهم حاجة بس تعتني بالشعر بعد الصبغ و إعمليلو حمامات كريم و زيت كتيرة.

لا خالص انا بخالف راى الانسه لولو لان الحنه ليها فوائد كبيره جدا على الشعر

ثانيا لو انتى مش موظفه او طالبه مش هيبقي صعب عليكي استخدام الحنا باستمرار

يعني مثلا الصبغه لازم متصبوغيش شعرك إلا كل فتره لا تقل عن 3 شهور مابين الصبغه والثانيه

اما الموضوع مختلف مع الحنا انتى ممكن متديش فرصه ان الشعر الابيض يبان او يظهر أصلا

أماعن الوصفه اللى عندي للحنا :
بتضيفي على الحنا شاي (بتغلي حوالى 3 معالق فى كوب ماء)+عصير لمونه او أثنين + وممكن تضيفي معاهم معلقتين قهوه + اى زيت عطرى ماء ورد مثلا

وبتسيبى الحنا طول الليل بعد تغطيتهابكيس نايلون تندمج مع بعضها وبعدين حطيها على شعرك الصبح لمده من 3: 4 ساعات

بس ودمتى بود

أختي جربت القرمز طلع شعرك قرمزي جربيه لكن يخشن الشعر

القرمز زيه زي الصبغة بيدمر الشعر الضعيف ، الحنة لها طرق عديدة للتلويين بس عايزة صبر وتجربه