يعطيك العافية الغالية ام صلوح
وبارك الله فيك
فالموضوع رائع وقد تم تقييمك ياقلبي..
س1..عرفينا عن نفسك وخاصه في الطبخ ؟
ام لستة عيال ومهووسة بالطبخ وخاصة الحلويات
واحب اجرب كل جديد
س2..وجبتك المفضله؟
اموووووت في المكرونة وخاصة الباستا
س3..طبق تحبين تسوينه كثير؟
( سندوتشات الدجاج والهامبورجر (عشان للعيال)
مجبوس اللحم وبسبوسة والسلطات ( لزوجي (
س4..متى تعلمتي الطبخ؟
تقريبا عمري 19 سنة لان وقته غير متزوجة كان عندي الشغالة تطبخ لنا
بصراحه يوم تزوجت عانيت من تعليقات زوجي علي لاني ماكنت اعرف اطبخ ههه
لكن اللحين يفتخرفيني ويمدحني على طبخي
وكانت بدايتي يوم تعلمت من
الكتب والانترنت واذا شفت شي عجبني على طول اطبع واصور واحطه للملفات>>>
>>مهووسة بالطبخ
س5..موقف طريف صار معاك في المطبخ ؟
سويت عشاء خفيف لمقبلات ( الفول المدمس – الحمص – السلطة – المتبل – اللوبياء – اللبنة ) وحطيت طبق الفول المدمس في الفرن
ويوم بدينا الاكل نسيت الفول فالفرن ويوم قمنا تذكرت انه فالفرن ههههههه
س6..يعتمد عليك في الطبخ اولا؟
نعم الحمدالله
س7..سوي طبخه وصوريها لنا؟
ان شاء الله راح انزل طريقتي في المعكرونة بالدجاج والكريمة وان شاءالله تعجبكم,,
المقادير
1 كيس مكرونة طويلة
1 دجاجة مسلوقة ومفرومة
2 بصل مفروم
فلفل بارد اخضر (حسب الرغبة)
بقدونس مفروم
1 كيس شوربة كريمة الدجاج ( كنوز)
جبن موزاريللا
كوب حليب سائل
الطريقة
يسلق الدجاج ويفرم
يحمر البصل والفلفل الاخضر ويضاف عليه الدجاج
ويضاف الشوربة بكريمة الدجاج والجبن والحليب (نسيت احط الحليب مع الوصفه عشان كذا يبين انه ناشف شوي بس المرة الثانية ان شاء الله بجربها مع الحليب
وينثر البقدونس
ويخلط مع المكرونة ويدخل للفرن
يسكب في صحن التقديم ويزين بالجبن شرائح
س8..نصحيه توجهينها لطباخات منتدى عروس ؟
بس احب اقول لكم اكثروا منالاستغفار وانتي واقفه بالمطبخ اشغلي لسانك بذكر الله
جزاهم الله خير
س 9..هل تستخدمي الميكرويف؟
نعم
س 10..ما هو رأي أهلك أو زوجك في طبخك ؟
الحمدالله يعجبهم دائما وخاصة الحلويات
س 11..ماهي نوعية الاواني التي تفضلين ان تطبخي بها؟
افضل التيفال
س12..ماهي الأكلة التي تحبها عائلتك وأنتي لا تحبيها ؟
مااحب السمك المقلي لكن اضطر اطبخهعشان زوجي
س13.. اول طبخه طبختيها ؟؟
اذكر اني سويت الدجاج المشوي وشوربة الدجاج والخضروات بالشوفان
س14..كم مره احترقت الطبخه معاك ؟؟
والله مااذكر
س15.. اول كتاب طبخ اعتمدتي عليه؟؟
الطباخة القطرية مريم محمد عبدالله
س16..مين قدوتك بالمطبخ ؟؟
الطباخة القطرية عائشة التميمي
س17.. تحبي احد يساعدكبالطبخه ؟؟
لا بس احيانا الشغالة واحيانا بناتي الصغار
س18.. اذا خربت عليك الطبخه ايش تسوين ؟؟ترميها ولا تضطري تاكليها؟؟
ارميهم والله قهررررر
س 19.. ما رأيك بــ الفكرة لقاء وحـــوارمــع ضيفة شرف منتديات عروس؟
والله فكرة بجد ررروعة
س20 مـــيـــن ترشحى بعدك او ممكن تختارياللي بعدك ..
أم نجود الاحساء
س 21 من اي دوله انتي؟؟
قطر
س 22 وماهي الاطباق الشعبيه المشهوره في بلدك؟؟؟
مجبوس بلاليط ساقو خنفروش عصيدة لقيمات
س 23وماهو الطبق الشعبي الذي ما زلتي تطبخينه وتحبينه؟؟؟
مجبوس اللحم او الدجاج – بلاليط
س 24 اكتبى لنا طبق مفضل من اختيارك ... او من مواضيعك فضلا؟
مكرونة بكرات اللحم المفروم -حلى الشعيرية الباكستانية
س 25 متى كان دخولك منتدى عروس وكيف تعرفتي عليه؟
بالصدفة في عام 2004 من خلال بحث القوقل
س 26 ماهو الجهاز اللي ماتقدري تستغنينعنه
اللاب توب
س 27 ماهو الجهاز اللي تتمنين يكون عندك؟
تحميض الصور مع الكاميرا
س 28عضوه تعجبك طبخاتها او طريقه تقديمها؟؟؟
الاخت هند
س 29 مانوع الكاميرا اللي تصورين بها طبخاتك؟؟
sony
س 30 هل تتقيدين في الطبخه بالمقادير وإلا ممكن تضيفي شيء من عندكوتغيري في المقدار؟؟
احيانا اضيف من عندي واغير معظم الاشياء لكن الكيك والحلويات دائما اتقيد بالطريقة الصحيحة