صباحكم سكر يا بنات عرووووووس
طبعا معظمنا يشوف قناة فتافيت لفنون الطبخ، وأختكم قطاف طبقت لكم صينية الباذنجان بالباشميل على الطريقة المصرية من برنامج عباسيات.
طبعا الطريقة محرفة شويه هههههههه حركاتي ما أقدر، بس أظل محافظة على الطريقة الأساسية، أول شي بعرض طريقتي وبعدين بخبركم هو اش سوى (صدقوني طريقته مو عملية للبيت)
المهم ما أبغي أطولها عليكم، وأنقل لكم المقادير بالطريقة:
أول شي نجهز 2 باذنجان و1 كوسه كبيره ونقطعهم شرايح متوسطة الحجم ونقليهم بقليل من الزيت ونتركهم على جنب.
صلصة الباشميل: وأنتي براحتج بتشترينها جاهزه بالأكياس، ضيفي عليها جبن وحليب سائل.
أو بتتعلمين معانه طريقة المحترفين هههههه: فنجان زيت على النار أو زبده + ملعقة كبيرة دقيق (ملعقة الفرن مو الأكل) وانقلبهم زين بس لاحظوه لا يحترق وبعدين نضيف كوبين إلى ثلاثه حليب ساخن (أنا أفضله ساخن عشان ما يعجن الدقيق) وبعدين أضيف الجبن (أنا حطيت الجبن الموجود عندي وهو الصقر بس شرايح حطيت خمس شرايح) وانقلبهم حتى يذوب الجبن.
انجي الحين لطريقة اللحمة المفرومة: نشوح نص كيلو لحمة على النار مع شوية زيت وبصل وفلفل رومي وانحط البهارات ومكعبين ماجي وانقلبهم زين بعدين نضيف صلصة الطماطم وانقلب ونتركه على جنب.
الحين نجي للطريقة والموضحة بالصور:
نحط مسحة من البشاميل في صينية الفرن، ونوزع نصف كمية الباذنجان، ثم نصف كمية اللحمة، ثم كمية من البشاميل.
وبعدها نوزع طبقة من الكوسة (هو المفروض بدون كوسه بس أنا ما كان عندي إلا 2 باذنجان ولازم أسوي 3 طبقات فحطيت كوسه في الطبقة الوسطى) وبعدين باقي اللحمة وفوقها طبقة من البشاميل، وعليهم باقي الباذنجان.
بعدين نوزع باقي البشاميل على الوجه واندخلها الفرن لمدة نص ساعة من تحت بعدين نحمر الوجه لمدة خمس دقايق.
وهذي شكلها بعد ما طلعناها من الفرن
تركوها تبرد ثلث ساعة بعدين قدموها مع الخبز
والطعم ما بقولكم عنه لذذذذذذذذذذيذ
أما طريقة الشيف المصري فكانت كالتالي:
مسحة بشاميل، طبقة باذنجان، طبقة لحمة، رشة صلصة طماطم مذوبه بالماء، رشة جبن مبشور، شوية بشاميل، وفوقهم باذنجان وهكذا لثلاث طبقات والطبقة الأخيره بشاميل ورش عليها جبن برميزان. ودخلها الفرن.
وطبعا طريقتي عمليه أكثر، جربوها وأدعو لي
