حوامل الخبر والدمام

14/10/2008, 08:45 PM


السلام عليكم


ان شاء الله ناويه اني اروح بهالويك اند السعوديه (الخبر والدمام ) عشان اجهز للولاده فياليت تعطوني لسته بالاماكن الي القى فيها شغلات حلوه من مفارش ومهادات وملابس للاطفال
يا ريت تعطوني اسم المحل مع الموقع واسم الشارع الي فيه لانه زوجي مو خبره في شوارع الدمام

وبغيت محلات تبيع توزيعات حلوه او حتى شغلات للتوزيعات نسويها بروحنا

ناطرتكم



من مواضيعي



صورة نور النجوم 888 الرمزية
14/10/2008, 09:54 PM
أختي أم ريم انا بحرينية بس جهزت أغلب اغراضي من السعودية ..

حق التوزيعات عندج محل أسمه مشوار بالخبر في السويكت على أمتداد الخبر بلازا عنده اغراض حلوة حق التوزيعات على 3 و 2 ريال .

و بالنسبة حق سلة البيبي و المفرش و الشنطة عندج محل أمقابل مشوار نسيت شنو اسمه .

و في بعد محل في محمع الخبر بلازا اسمه مولودبالطابق الثالث عندهم الطقم حلو ورخيص و بعد عندهم قمصان رضاعة ..
انا أخذت سلة البيبي + الستاند + الشنطة + الفراش+ مهاد ب 350 ريال من محل مولود ..



من مواضيعي

صورة هامة العز الرمزية
15/10/2008, 09:42 AM
<<< دخلت تبي تفيد واستفادت

مشكوره نووووور

يبي لي اروح له هالمحل :o



من مواضيعي

صورة ندى أم سعد الرمزية
16/10/2008, 03:06 AM
انا مره قريت موضوع هنا فيه الاماكن بالخبر والدمام لتجيز المولود والحوامل كان مره حلو



من مواضيعي

صورة ســالي الرمزية
16/10/2008, 03:02 PM
حبيتي أنا زيك أدور محلات,ولقيت وحده كاتبه في منتدى ثاني ,وجبت المحلات إلي كاتبتها ,وإن شاء الله تستفيدين منها ,وهذا كلامها:

هلا أختي أنا وياكم والله يسهل علي وعليك وعلى جميع المسلمات ويرزقنا بالذريه الصالحه ...........
محلا ت ملابس الرضاعه روحي (واحة الجلابيه ) مره حلوه في الجمعه سنتر في الخبر على الكورنيش وفيه فرع ثاني في مارينا مول في الدمام، وفيه كذا محل في مارينا مول دوري عليهم .............
************************
محلات ملابس الرضاعه بعد فيه في سوق السويكت محل داخل مجمع صغير ( نسيت اسمه ) بس نفس المجمع فيه محل الملابس المشهور( أسماء) ومحل ملابس داخليه (النحله)..............
************************
البيجامات أنا أخذت من لاسنزا في ولادتي اللي فاتت وخاصة عروضهم حلوه وعندهم برمودات وتيشيرتات ناعمه .......
************************
إذا أنتي من النوع تحبين الجلابيات للإستقبال طبعا بعد ماتعدين ال30 يوم عندك (اليشمك) فروعه في كل مكان وأسعاره متفاوته و(شالكي)في الراشد مول بس غالي فوق ا2000 ريال و(ملامح شرقيه )بعض الجلابيات عنده ناعمه وفي نفس الوقت كشخه وتلقينه في مجمع الجمعه سنتر وشارع السويكتوأسعاره معقوله مره من 350 وطالع .......
***********************
سراير الأطفال :

مذركير ، جاكادي ، سيتي بلازا(ولوأنك ماتبينه بس سرايرهم حلوه وجوده) وبعد المفارش تبع السرير ...
************************
رضاعات المولود وأغراضه الخاصه :
مذركير مره حلو(رضاعات والبربتوزات وأدوات السباحه للطفل والشراشف والمفارش وقبعات الطفل القطنيه )وتلقين في سيتي بلازا بعض هالأشياء يمكن تعجبك ......
جهاز سماع الطفل (المكون من جهازين واحد عنك وواحد عند المولود) لقيتهم في سيتي بلازا وأسعارهم متفاوته فيه أكثر من200 ريال حتى يوصل لل500 ريال تقريبا حسب ماركة الجهاز وجودته...
أنا أحب أوكايدي للمواليد أحيانا ملابسهم مرررره حلوه وأحيانا عاديه روحي وشوفي
.........



من مواضيعي

صورة ســالي الرمزية
16/10/2008, 03:08 PM
1 / بيبي هاوس - الدمام شارع الكورنيش قبل سيتي بلازا الكبير :
أسرة المواليد عنده شي خيال موديلات جديدة وغريبة وحلوة بس اسعاره شوي غالية كون معظم اغراضة اسبانية ونفس الشيء المفارش تبع السرير والستاير حلوة لكن غالية مرة يعني يجي مفرش السرير والستارة بس بـ 700 وشوي

2 / مولودي - الدمام شارع الأمير نايف 42
بالنسبة للأسرة ماعنده خيارات كثيرة بس المفارش حلوة عنده اطقم من 8 قطع واكثر واسعاره مناسبة وصناعتهم صينية بس باين جودتهم ممتازة وعنده مفارش تقديم ( بيبي باق ) وملابس للبيبي حلوة وكل مستلزمات الطفل

3 / مملكة الطفل - الدمام شارع الكورنيش بالقرب من آخر فرصة
بالنسبة لي ماعجبني شي عنده المفارش احس قماشها مو حلو ابداً والسراير شكلها كلاسيكي عادي واسعاره اغلى من غيره

4 / طريق الطفل - الدمام جنب سمينا بنفسك
وماانصح احد يروح له ماعنده الا كم قطعة لمواليد مايسوى الروحه له

5 / هدية المولود - القطيف شارع القدس جنب البنك البريطاني ( ساب )
الاسرة عنده حلوة وكذلك المفارش وكل مستلزمات الطفل , وعنده اطقم تفصيل مكونه من مفرش لسرير الطفل مع الستارة ومفرش تقديم وقميص للام وعلبة كلينكس ودولاب وشنطة كلهم طقم واسعاره كويسه لهم فرع ثاني بمدينة سيهات بمجمع الحطيبي

بالنسبة لقمصان الرضاعة :
1 / واحة الجلابية في مارينا مول عنده اشياء حلوة وفخمة

2 / روز لانجري عندهم فرع بمارينا مول الطابق الارضي جنب السواني وفرع في سوق الحب وفرع في الحياة بلازا بس ماشفت اقمصتهم كيف

3 / بنت الوطن - الدمام سوق الحب الوصف اذا تعرفون محل نسرين للأطفال تمشون شوي قدام وتعدون الصالح للأقمشة بعدين يجيكم البلالي للجلابيات تلفون باللفة هذي وآخر الشارع بتلقون المحل اسمه بنت الوطن عنده اقمصه رضاعة اللي تجي قطعتين واشكالهم حلوة واسعارهم انسب من واحة الجلابية تقريباً بين 190 و 180 ريال وفيه اقل للاقمصة اللي تجي قطعة

4 / السعر المنافس في الدمام مااعرف الوصف بس هو في الشارع المقابل لدرة الأرياف
اخذت منه قميص رضاعة قطعتين وشكله فخم بـ 35 ريال وعنده بيجامات حلوة وستيانات رضاعة وكيلوتات قطنية
وعنده جلابيات كثيرة للي ودها تلبس جلابية للاستقبال واسعاره مناسبة جداً
وقسم المواليد ماتوقعته كذا عنده اشياء مرة حلوة قطع داخلية وخارجية حلوة مرة واسعاره احلى
بإختصار هالمحل انصح فيه وبقوة وعنده فرعين بالدمام الفرع الثاني اظن مقابل اسواق الباحوث

5 / تاج الشرقية – الدمام – شارع الأمير خالد مقابل حلويات سعد الدين وجنب سوبرماركت الشرق الاوسط ( قرأت عنه بنات يمدحون ملابس المواليد واقمصه الرضاعة بس للأن مارحت له )

6 / مركز التوفيق - مقابل المستشفى المركزي ( نفس الشيء قرأت عنه بس مارحت له ويمدحونه بالنسبة لملابس المواليد )

بالنسبة للمفارش الاطقم للي ودها في تفصيل :

1 / قصر المهند - الدمام شارع الملك عبد العزيز
المحل يفصل حسب طلبك مفرش سرير البيبي مع ستارة ومفرش سرير الام وقميص للام والطفل ومفرش تقديم ودولاب وعلبة كلينكس وسلة زبالة وغيره
وعنده كاتلوج للأقمشة وفيه نماذج جاهزة

2 / الأبي - الدمام سوق الحب مقابل الامارة فيه محل اسمه سهى للمفارش , الأبي يصير وراه عنده فرع كبير لمفارش جاهزة ومحل صغير بس لمفارش المواليد والاطقم وعنده نفس الشيء كاتلوجات شغله حلو واسعاره انسب بكثير من قصر المهند وممكن تجيبي لهم القماش وهم يفصلون لك

وآخر الشيء المحلات الكبيرة فيها اقسام للمواليد :
طابا
آخر فرصة
سماء
سناء
سيتي بلازا
سيتي ماكس



من مواضيعي

17/10/2008, 11:23 AM
مشكورين كل الي ردو

بس بغيت محلات للتوزيعات

وبغيت اعرف شارع الحب شنو اسمه ؟؟ يعني اسمه جذي او اهو معروف بهالاسم ؟؟؟



من مواضيعي


« بنات دبي ساعدوووني قبل يوم الإثنين | يالله نفيد بعض بتجهيزات مابعد الولادة.. الترميمات والنيو لوك.. »

يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع ابحث بهذا الموضوع
ابحث بهذا الموضوع:

بحث متقدم


مواضيع مشابهة
الموضوع المنتدى
بنات الخبر والدمام ركن المكياج
ثاجرات الخبر والدمام ركن المكياج
بنات الخبر والدمام ركن المكياج
~بنااات الخبر والدمام your help please ~ مجلس بنات عروس الثقافي

الساعة الآن +3: 12:39 AM.

 اتصل بنا - اعلن معنا - سياسة الخصوصية

Search Engine Optimization by vBSEO ©2011, Crawlability, Inc.

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141