مجلس بنات عروس الثقافي ركن القضايا الجادة و المتجددة والمواضيع المفيدة والاخبار الخفيفة ، والإعلام والصحافة

صورة الياسمينة السمرا الرمزية

زغاريد سورية ز حموية للاعراس ولي لي لي لي ليش

14/10/2008, 12:40 PM

هي زغاريد حموية بقولوها النسوان بالأعراس
اوها يا عريس لا تعبس
اوها فريد البقجة والبس
اوها شورابك عروق الريحان
اوها وسوالفها عروق النرجس
لي لي لي ليش

******************

اوها ببيتنا رمانة
اوها حامضة ولفانة
اوها حلفنا ما منقطعها
اوها ليدخل عريسنا بالسلامة
لي لي لي ليش

*******************


اوها عريسنا يا واحد
اوها عروسينا يا تنين
اوها واللي ما بيصلي عالنبي
اوها يعدم العينتين
لي لي لي ليش

*******************

اوها عاللعلي عاللعلعي
اوها يا صبايا تجمعي
اوها يا ليل طول طول
اوها ويا شمس لا تطلعي
لي لي ليش

*******************

اوها حصنتك بياسين
اوها ويازهر البساتين
اوها يا مصحف صغير
اوها على روس السلاطين
لي لي لي ليش

*******************

اوها شو هالنهار اللايق
اوها وفرحتلنا الخلايق
اوها وطقت قلوب الاعادي
اوها ولمن حقت الحقايق
لي لي لي ليش

*******************

اوها ديارنا كبيرة
اوها ودرج الحمام فيها
اوها وام العريس فرحانة
اوها والله ربي يهنيها
لي لي لي ليش

*******************

اوها يا عريس ريتو مبارك
اوها يا عريس السبع بركات
اوها وان شاء الله لما بيجيك صبي
اوها وبتكمل الفرحات
لي لي لي ليش

*******************

اوها جبينك بيلمع
اوها ادانك بتمسع
اوها ما منطلع من هون
اوها لتطعمينا ما ها لمجمع
لي لي لي ليش

*******************

اوها رفاع راسك واقشعها
اوها قبل ما تفرد مجمعها
اوها وان كان لك صاحبة اهجرا
اوها وباب القهوة لا تعبرا
لي لي لي ليش

*******************

اوها يا جماعة كلكن
اوها وما نسينا فضلكن
اوها واليوم عنا
اوها وان شاء الله بكرة عندكن
لي لي لي ليش

*******************

اوها العريس يا واحد
اوها اخوه يا تنين
اوها يا خرزة زرقا
اوها ترد عنهن العين
لي لي لي ليش..
*******************
أوها يا صحن رز بحليب
أوها كل ما برد بطيب
أوها كلنا أهلية
أوها و ما في حدا غريب
لي لي لي ليش..

******
اوها طولك طول العلم
أوها و حواجبك خط القلم
أوها كنك شريف مكة
أوها تتفتلي حوالي الحرم
لي لي لي ليش..

*******

أوها صلوا على النبي
أوها و زيدوا بصلاته
أوها و يلي بيصلي على النبي
أوها يطعمه زيارته
لي لي لي ليش..

*********

اوها طبخنا لبنية وحشيناها شراطيط
اوها والناس بتنقط بالدهب
اوها ونحنا بنقط بالزلاغيط
لي لي لي ليش

**********

اوها ياما دبكو برجليهن
اوها ياما تغامزوا بعينيهن
اوها وقالو فلانة ما بتحبل
اوها حبلت وقلعت عينيهن
لي لي لي ليش

*********

اوها ياما قعدو جنبي
اوها وياما حرقو قلبي
اوها قالو فلانة ما بتحبل
اوها حبلت ونصرني ربي
لي لي لي ليش

*********

اوها صلوا على محمد ووقتو وساعتو
واللي ما بيصلي على محمد تطق مرارتو
لي لي لي ليش

********

اووها يا صحن تين
أووها مجلل بالياسمين
أووها وعروستنا حلوة
أووه وما طبقت العشرين

********

أووها يا صحن فتوش
أووها والصحن منقوش
أووها واللي ما بيحب العرسان
أووها يصير متل ياسين بقوش

*********

أووها اصبعتي مدوحسة
أووها والتانية مبقبقة
أووها وانا بنت خالة العروس
أووها ولا تقولو عني ملألأة

*********

أووها فزت العروس على حيلها
أووها وهر اللولو من ديلها
أووها وما تقولو عروستنا وحيدة
أووها في تنتين غيرها

***********

اوها ام العريس الله يعطيكي
اوها والسعادة بتواتيكي
اوها وعقبال فرحتك بالكمالة
اوها ومنجي منكافيكي
لي لي لي ليش

*********

اوها ام العريس انا جوعانة
اوها وبدي صفيحة مأمرة
اوها وان شاء الله بتضلي سالمة
اوها وديارك معمرة
لي لي لي ليش

**********

أوها والقطة قالت :نو
أوها والكلب قال: عو
أوها واللي ما بيفرح لفرحتنا
أوها انشا الله ما بيطلع عليه الضو .......
لي لي لي لي ليش

*************

أاوها وطبخنا محشي
ااوها على البلاط بيمشي!
أاوها ولحنا صبايا حماه
اوها والله يبلبقلنا كلشي

*********************
اوها زرعنا كماية
اوها طلعت بطاطا
اوها نيالك يا عروستنا
اوها على هالحماية
ولي لي لي لي ليش

********************
اوها طبخنا بامة
اوها وكترنالا ادامة
واوها يلي ما بيتجوز من بيت .....
اوها بعض ايديه ندامة
ولي لي لي لي ليش

*********************
اوها يا صحن الماس
اوها وملبس بالالماس
اوها ويلي بياخد من بيت ........
اوها بعيش مرفوع الراس
ولي لي لي لي ليش

***********************



اويها وبتمنى شوف ردودكن
اويها وتقيموني
اويها وعقبال العزابية
ولي لي لي لي لي لي ليش



من مواضيعي



14/10/2008, 01:03 PM
زغاريد حلوة بزاف بزاف

شكرا لك اختي الياسمينة يوم زواج اختي بستعين فيهم



من مواضيعي

14/10/2008, 03:51 PM
ياااااااااااسلاااااااااااااااام

روووووووووووووووووووووووووووعة ..

انا ساكنة بسوووريا واحيانا اسمع من الجيران مثل هالكلام بس ماافهم كل كلمة

روووعة زغاريدكم يااهل حماة والنعم فيكم ...

اوها ورديت على موضوعك

اوها ورايحة اقيمو
اوها وعقبال مانسمع فيكي عروسة

ولي لي لي ليش ...........

وشرايك ؟ اعجبك ها ؟



من مواضيعي

صورة MIYA !!! الرمزية
14/10/2008, 05:41 PM
ههههههه حلوووووووووين تسلمي اختي بحب زغاريدكم كتيــــــــر
شكرا حبوبة الله يجعل ايامك كلها فرح



من مواضيعي

14/10/2008, 05:48 PM
مشكورة اختي الياسمينة
ذكرتيني فأفراح باب الحارة ههه



من مواضيعي

صورة .. طيف الأمل .. الرمزية
14/10/2008, 06:24 PM
أحب الزغاريد السوريه بجنن

أوها ربي يسلمك
أوها وأحلى تقييم قيمتك
أوها وتصيري عروسه ويفرحوا فيك أهلك



من مواضيعي

صورة عيشوش الرمزية
14/10/2008, 06:39 PM
اويها وبتمنى شوف ردودكن
اويها وتقيموني

اويها وعقبال العزابية
ولي لي لي لي لي لي ليش

اللهم آمين
ادينا ردينا و يا حلو زغاريدكم والله
مشكورة



من مواضيعي


صورة الياسمينة السمرا الرمزية
14/10/2008, 08:04 PM
اويها بشكر كل من رد علي
اويها وعزب حالو وقيمني
اويها انشاء الله الله يوفقو ويوفقني
ولي لي لي لي ليش



من مواضيعي

صورة نور الزينة الرمزية
14/10/2008, 08:15 PM
ههههه حلوين و عندي نكتة عن الزلاغيط " نص لبنانية أنا" :

مرة بعرس كانت أم العريس مش عاجبتها العروس فقالت : أووووووها ياعروس يالي قاعدة جنب إبني ... اووووها ما فيكي شي عاجبني لللللللليش ...
العروس عصبت و حكت مع أمها : أوووووها و شالك و شنشالييييك .. أووووهاااا بعد العرس بأسبوع و حياتك لنتفضاليييييك لللللللييييييييييييييش .

و يا رب تعجبكم



من مواضيعي

15/10/2008, 06:10 AM

خخخخخخخخخخخخخخخخخخخخخخخخ خخخخ
حلوووووووه الزغريط



من مواضيعي

  • 1
  • 2
  • 3
  • 4
  • 5

« حول الأسهم والراسمالية .. | ,,, آسـفٌ أنــا ,,, »

يتصفح الموضوع حالياً: 12 (0 من الأعضاء و 12 من الزوار)
 
أدوات الموضوع


مواضيع مشابهة
الموضوع المنتدى
الحقوا يا بنات زفة و زغاريد و عرايس بالعبيط ركن العروس
العروسه الحلوه عندكم. شويه زغاريد وتراحيب ما تضر الاستقبال

الساعة الآن +3: 03:11 PM.

 اتصل بنا - اعلن معنا - سياسة الخصوصية

Search Engine Optimization by vBSEO ©2011, Crawlability, Inc.

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141