شنو أحسن ماسكار شنو أحسن بلاشر شنو أحسن فونديشن استخدمتيه ..!!

سلاموا

يالغلا عندك ماسكار بورجواه وع فكرة ماركة بورجواه وايد حلوة سواء في البلاشر او الماسكار او الشدوهات والجلوسات :)


تعطى مظهرا كثيفا وجذابا
بفيتامين B
مختبره صحيا
ماسكار فوليوم جلامور
السعر: 50 ريال



وعن تجربة رهيبة





والفونديتشن دامك مرتاحة عليه فلاتغيرينه..
بالنسبة لكريم اساس البن ناي ماجربته لان لحد الان ماعرفت غير وحدة استخدمته ومدحته والحين الثانية انتي
ولهالسبب شريت سوبر كولور واحسه جدا رائع للتغطية خاصة في المناسبات. وكمان البياع نصحني فيه وقال احسن من البن ناي .

بالنسبة للمعة الويه ممكن تشترين كريم اضاءة تحطينه ع البشرة كبيس او تخلطينه مع الفونديتشن .

منهم من بورجواه

هابى لايت SPF 15

يمزج بسهوله
صحى على البشره ويجعلها حريريه
بفيتامين E ودرجه حمايه 15




فاونديشن لوفلى بارتى

فاونديشن ليلى
يعطى بشرتك وهج واشراقا مع اضاءه لؤلؤيه جذابه



فاونيشن لوفلى مات
ذو بريق معدنى جذاب
يدوم اكثر من 10 ساعات فلا تقلقى على مظهرك فانه سيكون ساطعا طوال اليوم



فاونديشن لوفلى باس
كريم اساس خفيف على البشره
يعطيها تألقا وجمال
يخفض من احمرار الجلد ويترك البشره فى ملمس حريرى




وممكن تحطين لوس بادور لماع

وسلامتج ولاتنسونا بالدعاء:)

.

فديت قلبج مشكورة على المعلومات
وينكم يا بنات يا بخيرات التجميل ..؟؟

انا شريت بودرة ماكnc30 لليومي وعندي كانيبو للمناسبات بس الصراحة عجبتني ماركة بورجوا يوم حطتها الاخت جلنار..بالنسبة للبلاشر عندي ماك بس باجرب بورجوا اما المسكراجربت كذا ماركة منهم ماركة مايبلن اللي مكتوب عليهاvolum

المسكرا مابيلاين حلوه خصوصا للاستخدام اليومي والطلعات الخفيفه
البلاشر نارس وبرجوااا لايعلى عليها
الفونديشن جيرلان وديور

هلا تسلمين على المشاركة ...
يعني تنصحيني بمسكارا ميبي لاين

كنت ناوية انزل نفس موضوعج لانه حلو بس سبقتيني وعليج بالعافية ...

أول شي أفضل بلاشر للأمانه بلاشر بنفت دلاس كافي ريحتها روعة



وأفضل ماسكارا سالوران روعة ...هم ريحتها حلوة



وأفضل كومباكت عجني حيل جربته وشريته وتم علي ومشى على بشرتي سيفورا بعدها رحت خذته على فكرة روعة لليوميات ..



وسلامتكم ..:)

خلود اي صح اذكر مرة استخدم نارس فيه لمعة حلوة
ممممممممممممممممممممممممممممممممممم
شككتوني اللحين يعني شنو اشتري وشنو باخلي ..؟؟

مرحبا حبيبتي

حبيبتي بخصوص الاساس شكلك جربتي نوعين ونفعوكي !! بس اذا تريدين توصلين للدرجة
خذي معاج الدرجات الي عندج حالية وفي طريقة مستخدمة عند خبراء التجميل عشان يوصولوا لدرجة يخلطوا نوعين او درجتين من الاساس

انصحك بعد بالدبل وير وانتبهي ترا الدرجات عندهم غامقة واتوقع رقم 1 او 2 ينسبوج

بالنسبة للمسكرا انصحك بماركة لانكوم هيبونس وماكس فاكتر الذهبية

وبالنسبة للمعه عندج في ميكاب فور ايفر وفي بودي شوب وتحلصيليها في كل مكان

وتحطي بعد ما تخلصي الميكاج وممكن تستخدمي بودرة فيها اضاءة وتكون فيها اضاءى بعضهم لمعتهم حلووة هذه انصحك بماك

البلاشرات انصحك بديور وتستمري عليه وكمان ماك وبفنت ماركة مهم تكلمت عنها ما راح امل!!

موفقة حبوبة

حور قلبه الله يعافيج عيوني
سامحيني عاد سبقتج :)

ماسكارا اف سان لوران تغلظ
ولا بس ريحة وخلاص ..

والفونديشن سافورا بالماي
ولا بس بودرة ...؟؟

مسسز غموضة ايه عليج والله والله كفيتي وفيتي
اللمعة باخذها من ماك شكلي للاضاءة مشكورة ..

أم حمد البحرينية;7351948:
حور قلبه الله يعافيج عيوني
سامحيني عاد سبقتج :)

ماسكارا اف سان لوران تغلظ
ولا بس ريحة وخلاص ..

والفونديشن سافورا بالماي
ولا بس بودرة ...؟؟

هلا حبوبة لا عادي عليج بالعافية بس الموضوع انقل ..!!!

لا مسكارا سالوران روعة انا استخدمها ماتغلظ حلوة بس من طبعي استخدم 2 هي مع لانكوم تكون ناشفة لتمشيط الرموش ...

وفاديشن سيفورا قالتلي يصير 2 بس انا ماحب استخدم الماي وانتي براحتج ...

بالنسبة حق مايبلن هي تغلظ الرموش وحلوة واشوفها احسن من ماركات وايد..هي سعرها 40 ريال على العموم بيكون عندهم في ستاند العرض تيستر شوفية بس لالالالالالالالاتستخدمينة ...لان انا لي جربة سيئة من كم سنة مع التيسترز..............................

حور قلبة تسلمين يالشيخه ...

ككككككككككككككككككككككككككك
من صجج اجربه تبين رموشي طيحه

نشتريها لا انشوفها قبل وبعدين نقرر
ماعندج صورتها قصدي ماتحصلينها ..

وينكم يابنات تعالوا نتناقش ..؟؟

الله يسلمج بالنسبة لي انا لوني نفس لونج لا بيضه ولا سمره ضايعه في النص خخخخخخخخ

بالنسبة للمسكرات أحسن شي استعملته مسكارا لوريال
volume shocking و double extension
بس الاولى حبيتها أكثر وهي تعطي كثافة حق الرموش وطول بعد والرموش يوصلون للحواجب :bigsmile:


وفي منها نوع يديد الحين بس ماجربته

وفي المرتبه الثانيه لانكوم فيتال



اما مسكرات ديور وماكس فاكتور ما حسيت انهم يسوون شي

امممممم البلشر انا استعمل ماركة NYX وتحصلينها في لايف ستايل، واحب البلشر الكريمي حقهم لانه ثابت والونه حلوه



عندج ماك بلشراتهم حلوه ولونها قوي ونارس بعد
وبعد في ماركة Just Gold تلاقينها في محلات المكياج العاديه بلشراتهم وايد حلوه لونها قوي وواااضح وفيها لمعه حلوه وثابتين

امممممم الفاونديشن والبودرات أكثر شي ناسبني بعد من NYX وهو فاونديشن وبودرة 2 في 1 تستعملينها بالماي وتغطيتها بين المتوسطه والثقيله



جربت ماك وماعجبتني، بعد فتره يصير الويه غامج ويلوع الجبد
البدي شوب كلش ماعجبني بس صرت استعمله بالفرشاه فوق الفاونديشن السائل وصار حلو

استخدم بعد فاونديشن سيفورا المرطب واحسه حليو شوي للاستعمال اليومي، واللي عجبني أكثر شي في سيفورا درجات الوانهم والحين ناوية على بودراتهم




واذا تبين تغطيه قويه عندج الفاونديشن ستيك من كريولان أنا عندي أحسن من كيك بن ناي


وحتى بودرتهم تغطيتها حلوه

وانا احط جم طقه مادري مسحه على الويه لأن هو شوي ناشف مادري شلون واحط جم نقطه من فاونديشن سيفورا السائل مع ديور السائل، عشان لوني الصعب، وافرك ويهي ويطلع الشكل حلو والتغطيه كاامله بس بشكل طبيعي وغير مصطنع

وبسسسسس تعبت

هذا اللي من عند ماك للمعة اللي قلتوا لي عنه ؟؟

هولمعه ينحط تحت كريم الاساس يطلع جميل جدا
بس لازم مايكون ثقيل عشان يبين واذا ما بين حطي منه فوق الاساس بس شوووية ترا يطلع جميل

تنصحوني فيه ...؟؟؟

أنا الشوق استخدمة ماركة كيرولاين





بس حسيته ثقيل وماناسبني بالمرة ...


وجربت نفس اللي جربتيه ...





شوي اخف واحسن من الكيك الاولي ....


بس بعد ماياب راسي :no: