مدارس خاصة في البحرين

السنة اللي راحت كان ولدي يدرس في مدرسة المهد ..

وعن تجربتي معاهم ماتعلم غير اللغة ومب على أصول بعد والسنة نقلته الحكومة وإرتحت ..

ماديين وإستغلاليين حالهم حال أكثر المدارس الخاصة اللي كل يوم ترفع رسومها ..

وسلبيات المدارس الخاصة أكثر من الحكومية بألف مرة ..

وماشاء الله التعليم الحكومي في تطور مستمر وماعليه كلام ..

بس إجابة على سؤالج حق الكي جي 145 دينار رسوم تسجيل شاملة القرطاسية وقسط أول شهر دراسي وبعدين القسط الشهري 35 دينار ..

والصف الأول رسوم التسجيل 190 دينار شاملة القرطاسية وقسط أول شهر دراسي وبعدين القسط الشهري 55 دينار ..

بس هاااااااااااااااااااا هالحسبة كلها بدون مواصلات ولا وجبة الغدا ..

لأن التلاميذ (من الصف الأول) يتمون في المدرسة للساعة ثلاث وهناك يتغدون ..

لا وأبشرج زادت رسومهم هالسنة ..

بس حطي في بالج إن اللغة العربية ماتشكل أكثر من 10% من الدراسة عندهم ..

ومافي إهتمام بالدين الإسلامي من صلاة وقرآن وأحاديث وأدعية ..

وكتبهم الله خير كلها ملازم ماكلفتهم شي على هالفلوس اللي ياخذونها ..

بس هاتو وهاتو وهاتو وكل هالأشياء كرهتني فيهم ونقلت ولدي مدرسة حكومية غطت عيوب المدرسة الخاصة والحمد لله إرتحت وتحسفت إني ضيعت من عمره سنة في الخاص ..

لأني يوم نقلته الخكومة نزلوه سنة لأنه مايعرف عربي :confused:

ويمدحون الرجاء وكانو والشويفات لكن كل وحدة أغلى من الثانية خصوصاً الشويفات أفضل مدرسة خاصة على مستوى الشرق الأوسط على حسب ماسمعت ..

لكن أنا يهمني المدرسة تكون جريبة لأن مافيني شدة أعذب الياهل وأقعده من صباح الله خير وأشحططه بالباصات اللي حوادثها تارسة الجرايد ..

لكن المدرسة الجريبة أتكفل أنا بنفسي أوصله لها وأرجعه منها في الوقت المناسب ..

ايه والله كلامج عدل يا اختي كلفتهم كلفه انه فكرة اودي ولدي مدرسة المهد السنه هو توه صغيررر توه امكمل 3 سنوات بس رديت نشفت عن السالفة هذاني مب ناقصني شي اخذت الى ولدي كتب من المكتبباتتت من سن 3 سنوات والعاب تعليمة وقاعدة اعلمةةة ابروححححححححححححي ومافي على تعليممممممممم الام يحس الطفل بالاهتمام اكثر من المدارس والحمدالله ولدي ماشاء الله علية ذكي يفهم وان شاء الله السنه الياية بوددية روضه مابوديه مدرسة خاصة


بس بفيدج اشوي يا اختي اعرف وحدة اموديه بنتها مدرسة المعالي اذا انتي من سكنه عالي فيصلح لج تودين عيال فيها المدرسة تقول عنها سنه مهتميييين بكل شي حتى القرأن يعلمووونهم واللغة النجليزي انه لو صوبنه انجان ودييت ولدي فيها انه من سكنت للمحرق حتى اختي رسومها كلش بسيطة يمكن شهريا 45 دينار بالمواصلات امن عن الباس على مااعتقد ازرق سماوي

اتمنى اني افدتج

عضو مخمل ابي اسال ان كمل مرحلة ازيد الأسعار وكمم بامواصلات واشلون يعني وجبة الغدا

انا ولدي السنة في مدرسة المهد .. LKG

وبالعكس انا ما اشوف فيها كل السلبيات اللي ذكرتها الاخت مخمل ، مناهجهم زيييينة وكنت احاتي اللغة العربية لكن يوم شفت منهجهم تطمنت لانه واااااايد زين وحتى حسيته اكبر من عمره وقلت شلون بيتعلم هالاشياء وهو بعده صغير ،، وعن الدين كتاب العربي السنة اشوف فيه سور قرآنية يعني بيعطونهم ان شاء الله .. والكتب انا في البداية انصدمت ان كتبهم مثل الملازم لان اول كتابين طرشوهم كان جذيه بس بعدين قاموا يطرشون كتب غير وكلها كتب عادية مثل كل الكتب ..


وانا عيال اخو زوجي فيها من زمان ويمدحونها بس السنة نقلهم للحكومة بسبب شوية ظروف مادية والسبب الاهم ان موادهم صعبة لان بنته اللعام في صف الثالث ويعطونها كيمياء وفيزياء ووايد صعب عليها وتعبتهم في التدريس ، وكانوا خايفين بعد ان ينزلونهم سنة بسبب اللغة العربية لكن امتحونوهم اثنينهم ( البنت بتروح الرابع والولد بيروح الثالث ) والحمدلله اثنيهم عدوا الامتحان وصاروا في صفوهم ما نزلوهم سنة ولا شي <<< وهذا اللي طمني علشان في المستقبل لو بنقله حكومي ما ينزل سنة ..

وعن اسعارهم هم صدق حرامية وكل سنة يزيدون اسعارهم ..

انا السنة يوم اسجل ولدي اخذوا علينا عند التسجيل 175 دينار شاملة المواصلات ،، وشهريا ندفع الرسوم 45 + 20 المواصلات = 65 دينار شهريا :wink:


ومثل ما قلت ولدي توه مداوم السنة يعني ما صار له شهر واشوف كل شي اوكى ( لكن يعطونهم واجبات يوميا ) ومناهجهم وايد زينة وخصوصا - مثل ما قلت - اللغة العربية استغربت يوم شفت فيه هـ الكم من المعلومات وان شاء الله معلمته تطلع زينة ويتعلم ولدي كل شي فيه اضافة الى ان باقي المواد بعد مستواها اوكى ..


مع العلم ان ولدي اللعام كان في روضة انوار الغدير النموذجية " مستوى اول " وخلفيته في اللغة العربية وايد زينة ..



وبالنسبة لمدرسة بوابة المعالي ما يمدحونها وايد ويقولون بالعكس ما يسوى الواحد يودي عياله فيها يوديهم حكومي احسن لان مناهجهم مثل الحكومة ، وحماتي كانت بنتها في روضة انوار الغدير وبعدين اخر مستوى ودتها المعالي وندمت عدل وتقول ان بنتها استفادت في الروضة العادية اكثر من المعالي .. وانا على فكرة ساكنة في عالي لكن من كثر ما اسمع عن سلبيات المعالي شلتها من قائمة المدارس الخاصة لما كنت ادور مدرسة حق ولدي :)



وبالتوفيق ان شاء الله

azza1979;7286790:
عضو مخمل ابي اسال ان كمل مرحلة ازيد الأسعار وكمم بامواصلات واشلون يعني وجبة الغدا

إي الرسوم تزيد طبعاً ..

وبالنسبة لوجبة الغدا هذي لأطفال الصف الأول ورايح لأن دوامهم ينتهي الساعة ثلاث ..

وكل يوم يوفرون لهم وجبة غدا وقت بريك الغدا ..

بصراحه ما عندي فكره عن الاسعار ..

بس يمدحون مدرسة الشويفات

ومدارس الفلاح

:

خوفني كلامكم بنات عن مدرسة المهد، انا ساكنه في محرق و كنت افكر اودي بنتي المهد السنه الجايه، بس ترددت الحين...

بنات في مدرسه في الحد جديده اسمها " مدرسه المدينه العالميه"

يا ريت اللي عندها اي خلفيه تخبرنا عنها..

:)

:

انا عيال حماي في مدارس الفلاح اللي في لمحرق والرسوم مادري كم بس اللي اعرفه انه صف الاول كل شهر 70دينار وكل سنه وكل مرحله زياده 5دينار يعني لين راح الياهل صف الثاني بيكون وسومه الشهريه 75دينار والتدريس عندهم مركزين على القران واااااااااايد والدراسه اصعب من الحكومه ...بس العيب اللي فيهم ان البنات عنهم لين صف السادس ابتدائي فقط للحين ماسوو لهم المحرله الاعداديه والثانويه انا الاولاد عنهم لين المرحله الثانويه هاي بنسبه حق فرع المحرق بس الفرع اللي في الرفاع عندهم كل المرحل البنات والاودلا لين المرحله الثانويه ..

ماما حسون;7286962:
انا ولدي السنة في مدرسة المهد .. LKG

وبالعكس انا ما اشوف فيها كل السلبيات اللي ذكرتها الاخت مخمل ، مناهجهم زيييينة وكنت احاتي اللغة العربية لكن يوم شفت منهجهم تطمنت لانه واااااايد زين وحتى حسيته اكبر من عمره وقلت شلون بيتعلم هالاشياء وهو بعده صغير ،، وعن الدين كتاب العربي السنة اشوف فيه سور قرآنية يعني بيعطونهم ان شاء الله .. والكتب انا في البداية انصدمت ان كتبهم مثل الملازم لان اول كتابين طرشوهم كان جذيه بس بعدين قاموا يطرشون كتب غير وكلها كتب عادية مثل كل الكتب ..


وانا عيال اخو زوجي فيها من زمان ويمدحونها بس السنة نقلهم للحكومة بسبب شوية ظروف مادية والسبب الاهم ان موادهم صعبة لان بنته اللعام في صف الثالث ويعطونها كيمياء وفيزياء ووايد صعب عليها وتعبتهم في التدريس ، وكانوا خايفين بعد ان ينزلونهم سنة بسبب اللغة العربية لكن امتحونوهم اثنينهم ( البنت بتروح الرابع والولد بيروح الثالث ) والحمدلله اثنيهم عدوا الامتحان وصاروا في صفوهم ما نزلوهم سنة ولا شي <<< وهذا اللي طمني علشان في المستقبل لو بنقله حكومي ما ينزل سنة ..

وعن اسعارهم هم صدق حرامية وكل سنة يزيدون اسعارهم ..

انا السنة يوم اسجل ولدي اخذوا علينا عند التسجيل 175 دينار شاملة المواصلات ،، وشهريا ندفع الرسوم 45 + 20 المواصلات = 65 دينار شهريا :wink:


ومثل ما قلت ولدي توه مداوم السنة يعني ما صار له شهر واشوف كل شي اوكى ( لكن يعطونهم واجبات يوميا ) ومناهجهم وايد زينة وخصوصا - مثل ما قلت - اللغة العربية استغربت يوم شفت فيه هـ الكم من المعلومات وان شاء الله معلمته تطلع زينة ويتعلم ولدي كل شي فيه اضافة الى ان باقي المواد بعد مستواها اوكى ..


مع العلم ان ولدي اللعام كان في روضة انوار الغدير النموذجية " مستوى اول " وخلفيته في اللغة العربية وايد زينة ..



وبالنسبة لمدرسة بوابة المعالي ما يمدحونها وايد ويقولون بالعكس ما يسوى الواحد يودي عياله فيها يوديهم حكومي احسن لان مناهجهم مثل الحكومة ، وحماتي كانت بنتها في روضة انوار الغدير وبعدين اخر مستوى ودتها المعالي وندمت عدل وتقول ان بنتها استفادت في الروضة العادية اكثر من المعالي .. وانا على فكرة ساكنة في عالي لكن من كثر ما اسمع عن سلبيات المعالي شلتها من قائمة المدارس الخاصة لما كنت ادور مدرسة حق ولدي :)



وبالتوفيق ان شاء الله

أختي أنا ماقلت هالكلام عبث وماقلته إلا عن تجربة طويلة وإنتي توج معاهم وأحب أسمع رايج آخر السنة ..

أنا كتب ولدي كان فيها سور وأدعية لكن فعلياً ماعلموه شي لكن في الشهر مرة يطرشون لنا نوت حفظو عيالكم السورة الفلانية مع إن هذي دور المدرسة والحقيقة إن المدرسة مالها علاقة بالدين وقطت هالمسؤلية علينا ..

والمناهج مب قوية ولا متعوب عليها وأكثرها ملازم نسخ مصورة وهذي جوفة عيني محد قال لي حتى أختي يوم جافتهم قالت لي بذمتج هذي مناهج مدارس خاصة!!

ومعلمة ولدي السنة اللي راحت تقول ولدج عارف المنهج قبل ماشرحه والمنهج أقل من مستواه بوايد أما الإنجليزي حفظ بلا فهم شلون مادري ..

وطبعاً مافي ذكر للصلاة والفروض والأخلاق في ديننا الإسلامي وسمعت والله أعلم إنها مدرسة تبشيرية للمسيحية ..

والطامة الغريبة إنهم ماااااااااااااايدرسون الكمبيوتر!! حتى في الروضات يعلمون اليهال على الكمبيوتر ..

وثنتين من ربعي طلعو عيالهم والثالثة تفكر جدياً تطلع بنتها وأختي صرفت النظر من اللي جافته ..

وعندج ثياب الرياضة ولدي خلص السنة بدون جاكيت مع إنهم كل يوم يوعدون إنهم يوفرون كل المستلزمات ..

وعلى فكرة من جم يوم في الصفحة الأولى من جريدة الوطن كاتبين خبر يمس سمعة المدرسة بالإسم وكاتبين إن فرع البسيتين مب مرخص قانونياً وأولياء الأمور يطالبون المدرسة ترجع فلوسهم ..

وبتدور الأيام وبتجوفينهم هاملين العربي والدين لأي درجة وكل يوم يحتفلون بشي وإنتي تعالي دفعي ..

يوم حفلة تنكرية ويوم حفلة هالووين ويوم حفلة رقص (كل صبي مع بنية) وخرابيط وايد ويقدسون مناسبات ثانية مثل الكريسمس والسنة الميلادية ..

أنا ولدي كان يمرض ويغيب ولاحد يسأل عنه ويوم حفلة الرقص متصلين يقولون لي ليش مادفعتي!! قلت لهم أنا يايبة ولدي يتعلم مب يرقص ومابيه يشارك في هالحفلة ..

غير الطلبات اللي ماتنتهي والإستغلال عيني عينك عيل بالله عليج كل جم يوم طلبو قلامة ومحايات ولا قواطي كلينكس لين رحت هديت عليهم قلت لهم تعالو لايكون اليهال ياكلونهم وين يروحون هالكثر!!

والله يحاسبني على هالكلام ..

هنوفه الحلوه;7290561:
انا عيال حماي في مدارس الفلاح اللي في لمحرق والرسوم مادري كم بس اللي اعرفه انه صف الاول كل شهر 70دينار وكل سنه وكل مرحله زياده 5دينار يعني لين راح الياهل صف الثاني بيكون وسومه الشهريه 75دينار والتدريس عندهم مركزين على القران واااااااااايد والدراسه اصعب من الحكومه ...بس العيب اللي فيهم ان البنات عنهم لين صف السادس ابتدائي فقط للحين ماسوو لهم المحرله الاعداديه والثانويه انا الاولاد عنهم لين المرحله الثانويه هاي بنسبه حق فرع المحرق بس الفرع اللي في الرفاع عندهم كل المرحل البنات والاودلا لين المرحله الثانويه ..

لا أبوي الفلاح كانو ياخذون شهرياً 85 دينار شهرياً للصف الأول وأعتقد زادت رسومهم السنة ..

وعيب المدرسة في نظري إن فرع المحرق حاااااااااااااااااالته حالة ولا كأنه مدرسة خاصة ..

والباصات حدث ولا حرج دااااااااااااااااقة جنها نقل عام هههههههههههههه ..

ومناهجهم مثل مناهج الحكومة اللهم الدين مركزين عليه شوي والإنجليزي شوي أزيد من الحكومة وعندهم منهج إسمه مواطنة على ماعتقد ..

يعني مايسوى تدفعين قسط شهري هالكثر على مناهج ياخذونها في الحكومة ببلاش!!

بس عن تجربة أجوفها أحسن من المهد بوايد ..

مدرسة لؤلؤة الخليج ممتازة جداً - البلاد القديم

والرسوم تدفع كل ثلاث شهور 230 دينار ( اعتقد) هذا لل كي جي والباقي ما اعرف

عن تجربة مدرسة جدا ممتازة والكل يمدح فيها .

مشكورة اختي مخمل على التعقيب :)


بس انا اللي شجعني عليها اكثر هو كلام اخو زوجي بعد تعامل معاهم لمدة 5 سنوااااات يعني فترة طويلة وعن طفلين بعد وكل طفل من جنس مختلف ( ولد وبنت ) وما ذكر شي عن الحفلات وهالاشياء بس ابرز العيوب اللي ذكرها هي صعوبة المواد بعدين .. وحتى عن تأخير رجعتهم يقول ان هالشي احسن يدرسون ويسوون واجبابتهم بعدين يرجعون البيت يرحون طول اليوم ..

وقال بعد ان تركيزهم في اللغة العربية ضعيف شوي وكان خايف ان عياله ينزلونهم سنة في الحكومي لكن تطمنت لما دريت انهم ما نزلوا سنة ..


وبالنسبة لسوالف الكريسمس والهالويين وهالسوالف ترى كل المدارس الخاصة تحتفل بهالاشياء ومن ناحية ثانية ما تركز على المناسبات الدينية والصلاة وغيرها .. وما تقتصر على المهد او غيرها

وعن الكتب انا اشوف كتب ولدي عادية السنة مثل كل الكتب بس في البداية عطوه كتابين مثل الملازم ( وكأنه اوراق مصورة ومغلفينها ) بس الحين اشوف يعطونه كتب عادية ولحد الحين عدد كتبه 5 بدون الملزمتين هههههههههههههههه اضافة الى مناهجهم ما اشوف فيهم عيب حتى حماتي معلمة لغة انجليزية شافت كتب حسون وعجبتها وقالت انها مناهج قوية فعلا
<<< مادري بس يمكن المناهج تغيرت عن يوم كان ولدج يدرس فيها :o


وبشكل عام معروفة المدارس الخاصة انها للتركيز على اللغة الانجليزية اكثر شي اضافة الى المواد العلمية الثانية .. اما اللغة العربية والتربية الدينية فهي غالبا تكون ضعيفة في هالمدارس وناااااااااااااااادرا جدا تلاقين مدرسة خاصة جذيه ..

والكمبيوتر عمررري ما شفته شغلة مهمة لازم يدرسها بالروضة .. كفاية لصقته عليه في البيت وصار خبيررررر الحين من الزين ههههههههههههههههههههه وما اعتقد لو كانوا يدرسونهم كمبيوتر بيعرف شي ازيد من اللي يعرفه الحين :cool:

وانا ناوية ان شاء الله بس يصير ولدي عمره 6 سنوات بوديه دورات في منطقتنا علشان يتعلم الصلاة والقرآن وما راح اعتمد ابدا لا على مدرسة خاصة ولا مدرسة حكومية .. واللغة العربية قلت اذا شفته ضعيف شوي بحاول ادور له معلمة خاصة او اوديه معهد :wink:



في النهاية انا مثل قلت توني في بداية المشوار .. وترى عن الغياب انا ولدي غاب مرة وكان في يوم عادي ما فيه مناسبة يعني ويوم ثاني اشوف معلمته تسأل عنه في السكول ديري ، اضافة الى انهم سووا لهم حفلة قرقاعون وانا هالشي استغربته كلش من مدرسة خاصة ..
ومقررة ان اعطيهم فرصة هالسنة بس واذا ما ارتحت لهم او شفت ولدي ما استفاد شي عدل بدور له مدرسة خاصة ثانية وبنقله لها :)


وفي النهاية اكيد ان كل ام تدور مصلحة ولدها :D

انزين جماعة بسألكم عن مدرسة الروابي

و مدرسة ابن الهيثم الاسلامية اذا احد عنده معلومات عنها

يقول ليي رحم الله والديكم

محد يتجاوب معاي

لللللللللرفع

للافاده اكثر

حابه اعرف عن مدرسة الفلااااح اكثر
من حيث المستوى تعليمي ورسوم
وهل فعلاً مركزين على دين

وباقي الواد شلون

[grade="00008B FF6347 008000 4B0082"]

















[/grade]

اختي مخمل

مشكوورة
بصراحة كنت مترددة اودي بنتي المهد
شكلي خلاص كنسلت
الحكومة احسن واولردي بنتي بتكون مدرستها اختي يعني بتكون في يد امينة وفوق هذا الحمدلله المدرسة اللي بتروحها اختي طبقو نظام اللغة الانجليزية من اول ابتدائي السنة
وبعد ان شاء الله بوديها معاهد تتتعلم انجليزي
والله يوفق عيالنا وعيالكم

بالعكس مدرسه المهد وايد وايد زينه اني اختي فيها و الحين في صف الاول تدريسهم كلش قوي من كل المواد .. حتى العربي كنا خايفين انه المنهج ضعيف او ما يركزون عليهم بس بالعكس ..

من اول سنه راحت كي جي 1 كانوا يعطونها اشياء وايد قويه في العربي حتى معلمتهم العربي كانت تعطيهم يكتبون كلمات بسيطه على كل حرف مثل حوت , بطه , تفاحه ....

و حتى السنه صف اول ابتدائي دراستهم وايد وايد قويه .. و تعاملهم وايد زين مع الاهل و مع الطلبه .. و الحمد لله لحد الان ما في مشاكل عندنا و مرتاحين منها .. و الشي الحلو انه كل اول سبت من الشهر في يوم مفتوح تروحين تسألين عن ولدج و شلون دراسته و سلوكه .. يعني تتابعينه اول باول ..

و عن الاكل تقدرين ما تاخدين من عندهم وجبه الاكل .. يعني تحطين لولدج اشياء خفيفه و سهله يوديه معاه .. و دوامهم يخلص 2.30 ..
و الحفلات ما يسوون ليهم هالوين .. و يسوون لهم قرقاعون و الاعياد و عيد وطني .. بالعكس المهد وايد وايد زينه و احنا مرتاحين وايد منها ..

ام حسون .. اذا ولدج عند مس زهره في العربي تطمني عليه .. وايد زينه و اذا حست انج مهتمه بولدج و ولدج يبي يدرس و شاطر تعطيه كلمات و تمارين .. احنا كنا نعطي اختي تدريبات في البت و توديهم لها و يوم جافت اختي شاطره في العربي و تبي تتعلم قامت تعطيها كلمات على كل حرف بدل الكلمه تخليها تنسخ كلمتين ..
و اذا بتخلين ولدج لين بتسجلينه سألي عن احسن المدرسات الانجليزي و العربي وطلبي يخلون ولدج في الصفوف اللي يدرسونها .. سألي المدرسات اللي يدرسونه السنه في _نهايه السنه_ عن احسن مدرسات اللي يدرسون الصف للي اعلى ..


خالتي بنتها في بوابه المعالي تقول يعني امشيه بس مو بجهد المدرسات .. من جهدها هي و بنتها .. و سنه اليايه بتطلعها من بوابه المعالي ..