كيف حالكم بنااات؟؟
حابة اشكر كل البنات بدون استثناء على مساعداتهم اخواتهم في هالقسم
قبل كم يوم نزلت موضوع اسأل عن بيس جيفينشي و عن الفكس
ورحت اول شي وجوه وقلت له ابغى بيس يعطي الوجه نضاره و اقدر استخدمه بدون كريم الاساس وماحددت جيفينشي لان من تجارب البنات الكل يمدح سماش بوكس
واول ماقلت للي يبيع على طول عطاني بيس سماش بوكس الشفاف وجربته
حسيته يرطب ويعطي ملمس مره حلووو
بس مايعطي نضاره
ورجع عطاني البيس الابيض من نفس الماركه بس بعد حسيته مره خفيف وماينفع ماادري ليش
وبعدين عطاني البيس الملون
وهذي صورته
واللي عطاني وياه لونه بيج
وقالي كيف استخدمه واوزعه بدون ضغط وبحركه خفيفه
وجربه على ايده وكان فرررق بين الثنتين
وهو كان سوري يعني اشقر خخخخخخخ وبين فيه الفرق
يعني اكيد بيبين فيني الفرق لاني حنطيه مايله للبياض
واخذته بدون تردد
وطلعت من وجوه ورحت مااك
واخذت منه الكحل الكريمي
ومحتاجه فرشاه الحين بس يكون سعرها معقول مو اغلى من الكحل نفسه خخخخخ
والشي الثالث
اخذت الفكس
وعلى بالي انه كله بخاخ
بس اخذت اللي فيه حمايه من الشمس و ترطيب
ماادري حسيت انه كريم ترطيب
وماادري اذا هذا بيغنيني عن الفكس البخاخ وبيثبت المكياج وبيغذي البشره نفس الفكس العادي؟
وهذي هي صورته
Studio Moisture Fix SPF 15
ولو حبيت استخدمهم في النهار
ضروري استخدم الفكس و البيس
والا واحد منهم يغنيني عن الثاني
وحاطه في بالي استخدمهم بدون كريم اساس ولو احتجت كريم عندي كريم برجوا الخفييف اللي فيه حمايه من الشمس
ولو بستخدمهم في الليل لسهره والا حفله
نفس الشي استخدم الفكس و البيس قبل كريم الاساس؟؟؟
اتمنى القى جواب منكم
لاني متحيره في امر الفكس وماادري اروح اخذه والا لا؟