السلام عليكم ورحمة الله وبركاته
هذي اول مشاركة لي بهذا المنتدى ولكن ليس الحضور الاول له
كنت ازور هذا المنتدى واتنقل بين صفحاته كضيف وقد استفدت منه كثيرا
واليوم حبيت ان اسجل في هالمنتدى الرائع واعرض لكم تجاربي
بصرااحه استفدت واااايد في العناية بالجسم فيه اشياء واااايد تعلمتها ما كنت اعرف عنها قبل <<< وحليلهن امهاتنا ما يعرفن هالسوالف عشان يعلمونا
المهم راح اعرض تجاربي وويش استخدمت من الخلطات ويش اللي نفع وويش النتايج
والحين راح اعرض طريقتي بااهتمام بنفسي
اولا ابدأ بالوجه ( انا بشرتي دهنية)
انا موظفه عشان كذيه الصبح اكون في الدوام بس اول ما ارجع البيت ابدأ اشتغل بويهي واسوي الخلطات
كل يوم الظهر بعد ما اتغدا اسوي ماسك طبيعي لبشرتي وكل يوم اسوي ماسك غير
اولا اغسل ويهي بصابونه الطاووس وانشفه وبعدين اجيب ليمونه وادعك بها وجهي واغسله وانشف ويهي و احط عليه هالماسكات كل يوم ماسك غير
الماسكات: 1- ماسك يحتوي على روب محمض وعصير خيار
2- بياض البيض وعسل وقطرة ليمون
3- روب وخميرة وعسل وملعقة زنجيل مبشور
4- ماء ورد ونشاء
5- ماسك بنت عذاري : روب وعسل وبرتقال
6- طماطة مهروسه مع قطرات ليمون
ومرات اسوي ماسك بالليل ايضا
بعد ما اغسل ويهي من الماسك اجيب التونر واشطف ويهي به بعدين امرر قطع ثلج ماء ورد في ويهي روووعه واسترخاء
بعدين انام الظهر شوية ولما اقوم العصر ابدأ بالعناية مرة ثانيه اقوم اسوي خلطة التقشير حق الجسم والمنطقة الحساسة وادخل اتسبح واغسل جسمي بصابونه الطاوووس وبعدين التقشير
من خلطات التقشير اللي استخدمتها:
اولا: احلى خلطة تقشير سويتها وحسيتها تنفع وااايد تنظف وتبيض ونعومه وكلمة روعه شوي عليها هي ( ليمون وجلسرين وزيت زيتون وسكر) اقوم بدهن جسمي بزيت الزيتون وادعكه بالليمون والسكر مع قليل من الجلسرين.
واشطف جسمي واحساس بالنعومه والنظافه واوووو
ثانيا : خلطه التقشير حق بنت عذاري ( مقشر شهر العسل) واااايد حلوة ألاحظ البياض واضح من اول استخدام
ثالثا: اسوي خلطه تقشير اشتريها جاهزة يسوونها البلوشيات عندنا في عمان اسمها (جلو) هذي ما موجوده في المنتدى هي واااايد روعه تصدقون بياض واااضح وريحه اروع حتى تستخدم للوجه تبيض انا اشتريها جاهزة يا ريت لو اعرف مكوناتها كنت راح احطها لكم هنا بس اللي اعرفه انه فيها صندل وارز مطحون وكركم واشياء وااايد اشوفها بس ما اعرف شو هي بالضبط بس صدج صدج روعه البنات يسووونها قبل الزواج وتبيضهم
رابعا الحمام المغربي اسويه في البيت
خامسا سويت خلطه تقشير هنا قريتها في المنتدى بس ما عجبتني ما حسيت انه قشرت جسمي او سوت اختلاف وهي خلطة الهردة الطحينه والحليب والسكرب والليمون <<<< ما عجبتني وااايد بس حسيت بنعومه بعدها يمكن بسبب الحليب
هذي خلطاتي للتقشير واسويها يوم ويوم لا كل مرة استخدم خلطه غير <<<< انوع عشان ما امل
تصدجون احب اسوي هالخلطات ما احس بكسل لاني حطيت قناعه اني جالسه ادلل نفسي بالحمام هههههههههه واحلى وقت عندي لما ادخل اتسبح واهتم بنفسي <<<< لا تضحكون علي
والحين وقت الترطيب
بعد ما اخلص من التقشير انشف جسمي بالمنشفه وارطب جسمي بالمرطبات التاليه
1-احلى مرطب احسه مرطب صدج وريحه حلوة هو تركيبه زبدة الكاكاو من بالمرز <<< واااايد روعه احلى مرطبه جربته
2- مرطب شفته بالمنتدى وسويته وعجبني وهو (علبة كريم جليسوليد + عصير نصف ليمونه+ كاسة بودرة التلك ويفضل بودرة جو نسن+ كاسة زيت الأطفال من جو نسن+ ملعقة كركم.) سويتها وكانت رووووعه ساعدتني على البياض لانه الكركم موجود فيها.
3- ايضا للاماكن الغامقة امسح زيت اللوز وزيت جنين القمح بعد الاستحمام وقبل النوم.
وما انسى اخبركم اذا اريد اطلع مكان او رايحه حال مناسبه بعد التقشير استحم بسائل استحمام وايت مسك من ذا بدي شوب وانشف جسمي واحط لوشن وايت مسك
وايضا ما انسى المنطقة الحساسة استخدملها غسوووول افون يوم ويوم لا وبعد الحلاقة امسحه بتونر اسكينول الليمون واعطره بماء ورد ومسك عبدالصمد القرشي وهنا لا انسى ان اشكر اختي دلوعه القصيم اللي استفدت من موضوعها في الاهتمام بهذي المنطقه.
بالليل اسوي مرة ثانية ماسك لويهي وانظفه بنفس الطريقه السابقة واحط لشفايفي ( فازلين وشوية فكس) ولريولي احط فازلين والبس كيس نايلون وبعده جوارب وانام
هذي طريقتي بالمختصر هذا اللي اتذكره واذا تذكرت شي ثاني راح اكتبه بعدين
المهم النتايج لحد الحين الحمد لله على الاستمرارية الاحظ التغيير للافضل ويهيو وجسمي صار ابيض ونظيف وناع بس المنطقه الحساسه بعدها ما فتحت بالشكل المطلوب بس انا حاسة انه مع الاستمرارية راح تفتح ان شالله
وهذي تجربتي بالمختصر <<<< ههههههههههه كله هذا وبعد بالمختصر