هلا بنات شخباركم
احنا ناوين هالسنة نروح فرنسا وسويسرا بس ريلي يقول لا بنسير نمسا شو رايكم
لان معانا بنتي الله يحفظها بتكون عند السفر عمرها سنة فشو تحسون افضل مكان عشان ماتتبهدل بنتي بالسفرة
والشي الثاني بصراحة انا متخوفة شوية بالسفر مع بنتي اخاف اتبهدل معاها او تتبهدل هي شو رايكم.. منو سافرت لاوربا ومعاها ياهل قد بنتي وهل صعب لان ترا محد بيكون الا انا وريلي وبنتي وشغالة خلص اقامتها فما بتجي معانا
وياريت بعد تذكرون لي احلى الاماكن في هالدول
الله بيساعدج..الشغالة مالها داعي أبدا وخليها كله في العربة مالت المشي ما راح تعبك الا وقت الوجبات
السفر مع الأطفال متعب و الله يعينج...
أنا سافرت الصيف الماضي للنمسا و فينيسيا و معاي ولدي و كان عمره 10 شهور...
الحلو في هذ العمر، إنج تحطينه في العربة و ما يتحرك... أما عمر سنة يمكن تتعبين إذا بنتج الحين بدت تمشي... لأنهم لما يمشون ما بيون يقعدون
عموماً، لما تكونين مستعدة أتم الإستعداد ما راح تتعبين كثير...
أنا قبل السفر سويت بحث في مواقع عربية و أجنبية عن السفر مع الأطفال، و أخذت معلومات فادتني كثير مع ولدي...
بس اللي تعبني فيه أكثر شي كان الأكل... لأن في عمر 10 شهور الأكل يكون مهروس... و طبعاً كنت كل ما أروح مطعم كنت أطلب منهم يسوون لي خضار بيوريه... و إذا ما يسوون، أطلب شوربة خضار و أعطيه...
أما في الفندق، كلمت خدمة الغرف و قلت لهم عن عمر طفلي و إذا في إمكانية يسوون له وجبات مهروسة...
تجاوبوا معاي بصدر رحب، و كانوا يشكلون لي الوجبات على كيفهم... مرة بطاطس مهروس، مرة جزر، و مرة خضار مشكلة...
و الفطور، كان في البوفيه أشياء كثيرة، مثل الزبادي و البيض و الفاكهة...
بالنسبة للأماكن الحلوة، أنا اللي زرتهم، فيينا و زلمسي و سالزبرغ... طلعنا من فيينا على زلمسي بالسيارة، رحلة راائعة، و كان معانا سواق التاكسي، و أخذنا لمناطق عجيبة...
أخذنا لطرق بين جبال الألب، و هناك تشوفين الشلالات و البحيرات و البجع...
و مرينا على منطقة اسمها، سالز كماكوت، هذي بحيرة كلها سياح أجانب، و العرب للحين ما دلوها
و بعد بحيرة اسمها موندسي... رائعة و تغدينا فيها بمطعم يطل عالبحيرة...
زلمسي باااردة كثير، و المطر على طول، فلازم تحتاطين لبنتج إذا بتروحون لها، خذي لها قبعات و قفازات و بيجامات، و البطانية طبعاً خليها معاج في العربة... و بتحتاجين هالأشياء خصوصاً لما تاخذون رحلة بالتليفريك، لأنكم تطلعون الجبل و هناك في ثلج... و بتحتاجينها بعد عند الشلالات... هناك قرصنا البرد و صرنا نرتجف...
بس لما تطلع الشمس، يصير الجو حاار، شمسهم حارة كثير...
عموماً، المكتب السياحي بيدلكم على أفضل الأماكن... و أحنا هناك ربي وفقنا مع سواق تاكسي مصري الله يجزيه ألف خير... هو اللي سهل لنا كل شي، مع إنه ماكان في الخطة...
و انتوا طبعاً أول ما توصلون الفندق، سألوهم عن الرحلات السياحية، بيعطونكم بروشورات فيها جداول للرحلات، اختاروا الرحلة اللي تبونها و ادفعوا لها... و يعطونكم الوقت حق الرحلة و تنطلقون
و أحلى شي صراحة المشي... امشي و تكتشفين أشياء حلوة، و لإذا تعبتوا خذوا لكم تاكسي أو الصب واي أو الترام...
في أشياء واجد في بالي، بس مدري شكتب بعد
أي استفسار أنا حاضرة، خصوصاً عن استعدادج لبنتج، لأني جمعت معلومات كثير مثل ما قلت لج...
و رحلة موفقة عزيزتي (f)
[GRADE="8B0000 FF0000 FF7F50"]مرحبا.. انا من تزوجت ما قط سافرت بدون بناتي الله يحفظهم صحيح الأطفال متعبين شوي فالسفر بس اتعب وهم معاي ولا اتعب وهم بعيدين عني.... السنه اللي راحت سافرنا المانيا والنمسا وايطاليا وكان عمر بنتي 4 شهور كلش الحمدلله ماتعبتني لكن تنقلاتنا صارت صعبه لأني ماقدر اروح معاها اي مكان وبصراحه خفت عليها من برودة الجو عشان سفرتنا كانت بداية سبتمبر بس الحمدلله استانسنا وانشالله هالصيف مسافرين وهي عمرها سنه وشهر تقريبا بس الله يستر لأن اليهال فهالعمر يكونون حركيين[/GRADE]
مشكورة يالغاليةالمشاركة الأصلية كتبت بواسطة @لوران@
مرحبا خيتي..
والله انا شخصيا مايدعيني قلبي اسافر واترك لي ولدي او بنتي حتى لو راح يبهدلني لان والله بجلس احاتيهم حتى ارجع فأنا شخصيا افضل اني اوديهم وحتى لو بهدلوني ياحلو بهدلتهم ..هذي من ناحية
الناحية الثانية ..ولدك صحيح في عمر حركي كثير لكن انشالله اذا كان معه عربه الخاصة بالاطفال وتودينها معك وين مارحتي ومعك رضعته ومعك اكل له تاكدي ماراح يبهدلك واذا بهدلك على قولتك معك زوجك الله لايخليك!
وبرضو سفر الخدامة معك مااشوف له ضرورة زيادة عدد ومصروف!
انا انشالله بعد يومين رايحه لسويسرا وفرنساراح اخذ ولدي معي ادعولي تتسهل اموري ..
رد مع اقتباس