عـودة للخلف   منتديات عروس > أركان العروس والجمال > ركن العناية بالشعر > القصات و الصبغات و التسريحات

القصات و الصبغات و التسريحات

 / 

زاويه تختص بعرض الجديد في عالم القصات والتسريحات والصبغات .

 / 

تعلمي الاستشوار مع قطوه بحرينيه



     


جديد مواضيع القصات و الصبغات و التسريحات

إضافة رد
 
LinkBack أدوات الموضوع ابحث بهذا الموضوع
قديم(ـة) 10/05/2008, 07:23 PM   #1
عروس مبدعة
 
الملف الشخصي:
تاريخ التسجيل: 31/03/2008
رقم العضوية: 238240
البلد: بحرينيه فديتني
المشاركات: 992
الجنس: أنثى

تقييم العضو:
قوة التقييم: 83

قطوه بحرينيه تستحق التميزقطوه بحرينيه تستحق التميزقطوه بحرينيه تستحق التميزقطوه بحرينيه تستحق التميزقطوه بحرينيه تستحق التميزقطوه بحرينيه تستحق التميزقطوه بحرينيه تستحق التميزقطوه بحرينيه تستحق التميزقطوه بحرينيه تستحق التميزقطوه بحرينيه تستحق التميزقطوه بحرينيه تستحق التميز

قطوه بحرينيه غير متصل
39 تعلمي الاستشوار مع قطوه بحرينيه

مياو
هاي بنات



اليوم بعلمكم اشلون طريقة الاستشوار مثل الصالونات
ترا سهله و مايبيلها غير الممارسه و الادوات الصحيحه
اول مره راح تستصعبينها بس بعدين بتصير عندج سهله
و بتستغنين عن استشوار الصالونات
ان شاء الله

اعرف ان وايد مواضيع نزلت تتكلم عن نفس الموضوع
بس انا حبيت اسوي موضوعي الخاص لان وايد بنات يقولون لي ان اعرف استشور عدل
حتى امي تقولي انتي تسوين شعرج في البيت احلا من لما تسوينه في صالون
فقلت افيد البنات و اعلمهم طريقتي و الموضوع بيكون طويل شوي استحملوني يعني
سوري طولت عليكم يلا نبلش



( 1 ) الخلطات الي تخلي استشوارج احلا




اول شي انا افضل قبل الاستشوار يعني ان تهتمين بشعرج و تحطين فيه خلطه او زيت او الاثنين مع بعض
و تخلينه ساعتين عل اقل عشان نتيجة الاستشوار تطلع احلا و الشعر يلمع خصوصا اذا عندج مناسبه عزيمه او شي

بعلمج خلطتي الي اغلب البنات يعرفونها و الكميه على حسب طول شعرج و كثافته


روب ( زبادي )


مايونيز


صفار بيض

زبده سايحه
( تقطعين زبده ز تحطينها في المايكرويف مدة 30 ثانيه_ نص دقيقه )

عسل و انا افضل تستعملين الطبيعي

خل تفاح

او


عصير ليمونه بدون اللب يعني تصفونه



بودرة حليب جوز الهند



اي نوع زيت تفضلينه و يناسب شعرج
مثل

باراشوت

زيت اللوز

زيت الجرجير

زيت الثوم

زيت الخروع

زيت السمسم

زيت حبة البركه السوده

زيت الزيتون

دابر املا

دابر فاتيكا

بنات ممكن تسون الخلطه قبل بيوم و تلفونها بنايلون شفاف و تحتفضون فيها في الثلاجه عشان تكون جاهزه للاستخدام

بعلمكم طريقة زيت وايد حلوه و انا استعملها و تطول الشعر

تاخذين ثوم راس كامل تقريبا و تقشرينه عدل و تقطعين الفصوص شرايح او تدقينهم او تبشرينهم كيفج عاد

تاخذين مجموعة زيوت تحبينهم بس لا تكثرين عن 4 انواع
اهم شي تحطين
باراشوت و اللوز و الخروع

الحين على النار تصبين الزيوت في جدر و تسخنينهم شووووي تسخين بسييييط و تحطين الثوم الي سويتيه وياهم
خلطيهم شوي شوي على نار هاديه حتى بتلاحظين ان الثوم بيطلع منه مثل السائل شوي
لا تطولون يعني هذي كله مابياخذ منج اكثر من دقيقتين
طفي النار و غطي الجدر و خليه لما يبرد بعدين صبيه في غرشه



و انا استعمل غرشة الفيري
شوفي راس الغرشه اشلون يوصل الزيت لجذور الشعر

و هذي قبل لا تستعملينها لازم تغسلينها عدل عن الصابون و تجفيفينها زين و لو تحطينها شوي في الشمس احسن عشان تتنظف عدل من الصابون الي فيها

المهم تصبين الزيت مع الثوم فيها و تحتفظين فيها في مكان عندج في المطبخ لاتحطينها في غرفتج عشان الريحه
و كل يوم طلي عليها طله و خضيها ( رجيها ) عشان تختلط عدل لمدة اسبوع او 10 ايام
بعدين اخذي (مشخال) او مصفاة مثل الي تصفون فيها العصير و صبو الزيت مع الثوم و صفوه من الثوم
و استعملو الزيت الصافي الي حصلتوه و رجعو صبوه في غرشتنه مالت الفيري طبعا عقب ماتغسلونها لان يمكن بيكون فيها ثوم عالق داخل

الحين بعلمكم اشلون تحطون الزيت في شعركم
الزيت لازم يوصل حق فروة الراس مو بس الشعر
و غرشة الفيري هذي بتأدي هل غرض
تدهنون شعركم كامل و لما تخلصون اخذو الاستشوار شوي
و من بعيد حطو فوق راسكم شوي عشان يسخن الزيت بس
بعدين دلكو شعركم و قمة راسكم بأطرف الاصابع سوو مساج خفيف



عشان تحسون ان الدوره الدمويه تتحرك
بعدين لفو شعركم و خلوه اقل شي ساعتين

كأني طلعت عن الموضوع و صار موضوع خلطات و زيوت ؟
امممم





( 2 ) غسل الشعر

تغسلين شعرج بشامبو نوعيته زينه



عندج بانيتن وايد حلو و انا استعمله


شامبو لوريال



و اذا شعرج مصبوغ حاسبي و استعملي شامبو خاص حق الشعر المصبوغ
عشان تحافظين عليها

بعد الشامبو حطي كريم حمام الزيت و بحط لج بعض الانواع الزينه














و انا افضل لما تشترين حمام الزيت او ماتبطلينه تخلطين معاه ملعقين صغار او ملعقه وحده كبيره من زيت اللوز او زيت السمسم يعني زيت ماله ريحه

لا تخافين شعرج مابيدهن

و تخلينه بشعرج من 7 دقايق لي ربع ساعه
بس لا تحطين على الجذور عشان مايطيح
و ركزي على الاطراف و دليكها


انزين يا بنات نرجع لمحور حديثنا الا وهو الاستشوار


( 3 ) الاستشوار




أ _ الادوات:


اول شي لازم يكون عندج استشوار صالونات و حرارته قويه 3600 وات و اكثر
و تحصلينه في المحلات الي تبيع شغلات الصالونات مثل نزيه او صبايا




عندج هذي الاستشوار الاحمر وايد زين و قوي






الملاقط او الشباصات
لازم يمسكون الشعر عدل




فرشاة الاستشوار المدوره


و لازم تناسب طول شعرج
يعني اذا شعرج طويل اخذي الفرشه الكبيره
و اذا قصير الفرشه الصغيره
و اذا متوسط اخذي الفرشه المتوسطه

و انا افضل النوع الي يكون من سيراميك مو الي من خشب
يعيش مده اطول و مايحترق في شعرج



شوفي هذي البرتقاليه
انا شريته من ايلي و جان الي في الريجنسي و تقدرين تحصلينها في محلات الصالونات



ب _ الخطوات:

تجفيف الشعر و هو رطب بفوطه طبعا و شوي شوي و لا تشدين عليه




بعدين مشطيه بمشط اسنانه عريضه و فكي التشابك





بعدين جففيه بل استشوار و هو مبلول


ورجعي مشطي شعرج مره ثانيه


حطي سيروم فيه بس لا تكثرين وايد


عندج سيروم كرستال




او سيروم لوريال




او عندج كريم مثل الفازلين صاير اسمه بالمرز و هو كريم خاص حق الاستشوار و كوي الشعر






الحين رجعي بل استشوار بسرعه فوق شعرج عشان ينفرد شوي
و استشوري قذلتج استشوار بسيط

بعدين رفعي القسمين الي فوق و ثبتيهم بل شباصات عدل




و ابتدي استشوري خصله خصله عدل و على اعلا درجة حراره




يعني حطي الفرشاة تحت الخصله



و مرري عليها الاستشوار من فوق و من تحت و من الجانبين و انت شاده عليها لا ترخينها كرري العمليه لكل خصله لين تفينها صارت سايحه و التموج راح منها
لازم تراعين ان الشعر الرطب مفصول بل شباصات عن الشعر الي استشورتيه
كرري العمليه لين تخلصين كل شعرج و اذا شفتي اي كسره بشعرج رجعي عليها
لين خلصتي مشطي شعرج و حطي عليه كريم شوي



و ركزي على اطراف الشعر خصوصا الشعر المتقصف


ملحوووووووظه

7

7




اذا تبين جذي استشوري على تحت





اذا تبين جذي استشوري على فوق



الحين اختاري اي لوك تبين لشعرج و عندنه خمس لوكات



1- الشعر الناعم السايح




لين تخلصين الاستشوار استعملي
مكواة الشعر السيراميك ( الستريتر)

حق تحصلين شعر سايح و يلمع



خصله خصله رجعي عليها بالستريتر 3 مرات تقريبا على حاجة شعرج لين تنعم



و انا ارشح لج مكواة شعر براون ممتازه و ضعيفه يعني توصل لجذور الشعر
و فيها حبه ( زر ) للمعان


و هذي رابط يا بنات ضغطي عليه و حملي المقطع و شوفي الطريقه بالفيديو
____________.mpg - 1.7 Mb





2- الشعر المتموج بهذي الطريقه





تستخدمين نفس مكواة الشعر الي تكلمنه عنها لين وصلتي قبل نهاية الخصله بشوي لفيها بقوه على فوق و انتي شاده عليها و لا ترخين لفيها ثلاث لفات و بحركه خفيفه و سريعه لما تخلصين رشي عليها مثبت الشعر سبراي و خليه على مسافة 15 سم تقريبا بس لا تكثرين منه عشان الشعره ماتصير جافه و متلاصقه

احسن نوع هو لوريال



او ويلا



بس انا مانصحج بذي الطريقه لان صعبه و تحتاج مهاره شوي





3- تموجات ناعمه wave



هذي طريقتها اسهل من الطريقه الي قبلها



و تستخدمين لها فير سيراميك و انا ارشح لج براون



و كل خصله لما تخلصين منها رشي عليها مثبت الشعر شوي
لما تخلصين كامل شعرج مرري اصابعج بين الخصلات و حاوي تبطلينهم شوي كلش شوووووي
جذي بيصير شعرج كثيف و تموجات حلوه الكل بيسألج عنها

دخلي الرابط و حملي المقطع و شوفي الطريقه بالفيديو

________.mpg - 1.8 Mb




4- تموجات سهله و بسيطه




يوم الي تستشورين شعرج استشوريه على فوق مو على تحت و الخصله و هي حاره مسكيها و لفيها بل رولز و ثبتيها بل بنز او شباصات





ممكن تستخدمين الهوت رولز



الرولات الي تسخن بالكهربا و هذي تحصلينها في محلات الصالونات و ادوات الشعر


اختاري الروله على حسب طول شعرج اذا طويل اخذي روله كبيره و اذا قصير روله صغيره








خلي شعرج جذي ملفوف برولات لحين وقت المناسبه بطليهم و رشي عليهم مثبت الشعر





5- كيرلي ناعم



نفس رقم خمسه بس بدل الرولز استعملي هذي النوعيه و لفي بها شعرج





و لا تنسين مثبت الشعر شووووي



و بجذي يا بنات تحصلون على خمس لوكات حلوه
و ان شاء الله استفدتو من الموضوع
و اتمنى التثبيت
و مابي منكم غير تدعون لي ان شعري يطول و يكثر

آخر من قام بالتعديل قطوه بحرينيه; بتاريخ 10/05/2008 الساعة 10:59 PM..
  الرد باقتباس
قديم(ـة) 10/05/2008, 07:27 PM   #2
عروس مبدعة
 
الملف الشخصي:
تاريخ التسجيل: 31/03/2008
رقم العضوية: 238240
البلد: بحرينيه فديتني
المشاركات: 992
الجنس: أنثى

تقييم العضو:
قوة التقييم: 83

قطوه بحرينيه تستحق التميزقطوه بحرينيه تستحق التميزقطوه بحرينيه تستحق التميزقطوه بحرينيه تستحق التميزقطوه بحرينيه تستحق التميزقطوه بحرينيه تستحق التميزقطوه بحرينيه تستحق التميزقطوه بحرينيه تستحق التميزقطوه بحرينيه تستحق التميزقطوه بحرينيه تستحق التميزقطوه بحرينيه تستحق التميز

قطوه بحرينيه غير متصل
بنات ترا تعبت وايد و انا اسوي الموضوع اتمنى منكم الرد و ان ماتمرون مرور الكرام

و شكراً

آخر من قام بالتعديل قطوه بحرينيه; بتاريخ 10/05/2008 الساعة 11:01 PM..
  الرد باقتباس
قديم(ـة) 10/05/2008, 11:38 PM   #3
عروس جديدة
 
الملف الشخصي:
تاريخ التسجيل: 01/05/2008
رقم العضوية: 248465
البلد: الرياض
المشاركات: 2
الجنس: أنثى

تقييم العضو:
قوة التقييم: 0

الطعون الشامخه عضوة جديدة

الطعون الشامخه غير متصل
يسلموووووووووو قطوه

يعطيكـ ألف عافيه
  الرد باقتباس
قديم(ـة) 11/05/2008, 12:01 AM   #4
عروس جديدة
 
الملف الشخصي:
تاريخ التسجيل: 14/04/2008
رقم العضوية: 243175
البلد: ان كــــان في اليوم قنوط !!! ففي الغد رجـــاء ... وان لم تكن لي الأرض !!! فستكون لي الـسمــــاء ... (:
المشاركات: 3
الجنس: أنثى

تقييم العضو:
قوة التقييم: 0

SaNoo عضوة جديدة

SaNoo غير متصل
الله يجزاكي بكل خير على تعبك ومجهودك

استفدت كثير من موضوعك ... ربي لايحرمك الاجر
  الرد باقتباس
قديم(ـة) 11/05/2008, 03:22 AM   #5
عروس نشيطة
 
الملف الشخصي:
تاريخ التسجيل: 03/10/2004
رقم العضوية: 44462
البلد: Australia
المشاركات: 125
الجنس: أنثى

تقييم العضو:
قوة التقييم: 61

wazen عضوة جديدة

wazen غير متصل
تسلمي والله يعطيكِ العافية
  الرد باقتباس
قديم(ـة) 11/05/2008, 03:25 AM   #6
عروس متألقة
 
الملف الشخصي:
تاريخ التسجيل: 08/09/2006
رقم العضوية: 113735
البلد: البحرين
المشاركات: 290
الجنس: أنثى

تقييم العضو:
قوة التقييم: 51

سموة المجد عضوة جديدة

سموة المجد غير متصل
يعطيج العافيه
  الرد باقتباس
قديم(ـة) 11/05/2008, 05:07 AM   #7
مشرفة سابقة
 
الملف الشخصي:
تاريخ التسجيل: 04/03/2008
رقم العضوية: 231327
البلد: السعوديه
المشاركات: 2,985
الجنس: أنثى
الدولة: المملكة العربية السعودية

تقييم العضو:
قوة التقييم: 71

دلوعةحناني بانتظار خطوتها الأولى للتميزدلوعةحناني بانتظار خطوتها الأولى للتميزدلوعةحناني بانتظار خطوتها الأولى للتميزدلوعةحناني بانتظار خطوتها الأولى للتميزدلوعةحناني بانتظار خطوتها الأولى للتميزدلوعةحناني بانتظار خطوتها الأولى للتميزدلوعةحناني بانتظار خطوتها الأولى للتميزدلوعةحناني بانتظار خطوتها الأولى للتميزدلوعةحناني بانتظار خطوتها الأولى للتميزدلوعةحناني بانتظار خطوتها الأولى للتميزدلوعةحناني بانتظار خطوتها الأولى للتميز


الأوسمة

دلوعةحناني غير متصل
الله الله الله على الفن يا قطوه
الصراحه قريت الموضوع بتروي واستفدت كثير بالذات اني استشور بعد بنفس الطريقه والادوات واستشواري حلو
واستشور لكل خواتي وكان ودي اتعلم طريقة الفير السيراميك واحسن نوع وحصلته في موضوعك
تــــــــــــــــــــسلمين على الموضوع الاكثر من رائع وعلى المجهود والابداع
تحياتي
  الرد باقتباس
قديم(ـة) 11/05/2008, 12:33 PM   #8
عروس نشيطة
 
الملف الشخصي:
تاريخ التسجيل: 25/07/2006
رقم العضوية: 105967
البلد: bahrain
المشاركات: 168
الجنس: أنثى

تقييم العضو:
قوة التقييم: 50

ام علووي عضوة جديدة

ام علووي غير متصل
مشكورة على الموضوع بس انا ما احب اتعب روحي وشعري يبيله وقت وايد

اروح الصالون بسرعه و 4 دنانير واحصل على اللي ابيه

خخخخخخخخخخ

كسلانه حدي
  الرد باقتباس
قديم(ـة) 11/05/2008, 12:40 PM   #9
عروس مشرقة
 
الملف الشخصي:
تاريخ التسجيل: 07/10/2007
رقم العضوية: 198240
البلد: Oman
المشاركات: 368
الجنس: أنثى
الدولة: عمان

تقييم العضو:
قوة التقييم: 45

mazwn عضوة جديدةmazwn عضوة جديدةmazwn عضوة جديدةmazwn عضوة جديدةmazwn عضوة جديدة

mazwn غير متصل
مشكوره الغاليه

الله يعطيج العافيه
  الرد باقتباس
قديم(ـة) 11/05/2008, 12:40 PM   #10
عروس ماسية
 
الملف الشخصي:
تاريخ التسجيل: 14/01/2008
رقم العضوية: 218917
البلد: :: قلوب من أُحب ::
المشاركات: 9,784
الجنس: أنثى
الدولة: البحرين

تقييم العضو:
قوة التقييم: 0

هـذيـان مشهورة وحضورها رائع ومتميزهـذيـان مشهورة وحضورها رائع ومتميزهـذيـان مشهورة وحضورها رائع ومتميزهـذيـان مشهورة وحضورها رائع ومتميزهـذيـان مشهورة وحضورها رائع ومتميزهـذيـان مشهورة وحضورها رائع ومتميزهـذيـان مشهورة وحضورها رائع ومتميزهـذيـان مشهورة وحضورها رائع ومتميزهـذيـان مشهورة وحضورها رائع ومتميزهـذيـان مشهورة وحضورها رائع ومتميزهـذيـان مشهورة وحضورها رائع ومتميز


الأوسمة

هـذيـان غير متصل

ما شاء الله

عيني عليج باردة بنت بلدنا

  الرد باقتباس
إضافة رد


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع ابحث بهذا الموضوع
ابحث بهذا الموضوع:

بحث متقدم

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are متاح
Pingbacks are متاح
Refbacks are متاح


مواضيع مشابهة
الموضوع الكاتب المنتدى الردود آخر مشاركة
الاستشوار أم الجل؟؟ احلى نحلة استفسارات العناية بالشعر 2 22/10/2007 03:20 PM
الاستشوار..........اف اف اف اف اف هواي الليل استفسارات العناية بالشعر 2 18/04/2007 07:56 AM
انقذوني من الاستشوار al555 ركن العناية بالشعر 31 07/09/2006 01:45 PM
بعد الاستشوار jasmeen ركن العناية بالشعر 15 16/05/2005 07:53 PM


الساعة الآن +3: 09:47 PM.


جميع المواضيع و المشاركات تعبر عن رأي أصحابها فقط, و لا تمثل بالضرورة رأي موقع عروس.
جميع الحقوق محفوظة لموقع و منتديات عروس © 2001 - 2014
هذا المنتدى يستخدم منتجات بلص

Search Engine Optimization by vBSEO ©2011, Crawlability, Inc.

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141