السلام عليكم
دكتورتنا الغالية
انا صابتني كحة شديدة من يوم الخميس اللي طاف
وطبعامستمرة
وبعدين صابني رشح شديد والحين تطور معاي وصارت بلاعيمي تألمني بقوة وماني قادرة انام
واحس بنغزات قوية فيهم
فتوكلت على الله وسميت بالرحمن وشربت حبةوحدة من الفيفادول لاني كل مرة اتعب او يجيني رشح يكتبونه لي المسشتفى سواء خاص او حكومي
وهذي صورته للاطمئنان اكثر
سؤالي هل هذا الحبوب يضر الجنين لو لا
انا شربته وتوكلت على الله ..
و طبعا العصر رحت المستشفى
وكتب لي الدكتور هالادوية
Flutab حبة مرتين يوميا لمدة 5 ايام
panacare حبة 4 مرات يوميا لمدة 3 ايام
Moxilen حبة 3 مرات يوميا لمدة 5 ايام
شراااب Prospan 3 مرات يوميا 10 ملم ..
طبعا انا شربت الحبوب من شوي وباقي لي المضمضة وتوكلت على الله
هالادوية زينة لو مب زينة للجنين الدكتور يقول زينة وماتأثر بس والله الواحد يجيه وسواس من كثر اللي يصير في هالدنيا علما اني في شهري الثامن..
طبعا كنت كاتبه الموضوع من تاريخ 6-5 ورديت كتبته الحين وعشمي فيج كبير دكتورتنا تردين علي.
ومسامحة دكتورتنا طولت عليج .. ..