تجمع بنات مصر فى ركن العناية بالشعر (1)

[Stacy]

انا قررت نعمل هنا جزء كمان فى ركن العناية بالشعرللبنات المصريات فقط

( مش عايزين اخواتنا الى فى بلاد عربية تزعل )

و دا لسببين

اولا عشان فى منتجات فعلا موجودة فى بلاد عربية مش متوفرة
ثانيا عشان يبقى فى مكان واحد لو حد عايز يسئل على سعر او مكان حاجة

الموضوع دى هنتكلم فى عن طريقة عناية كل واحدة بشعرها و خصوصا ان معظمنا فى سن جواز يعنى لازم باختصار يكون شعرنا حلو اوى طويل و كثيف و ناعم

يلى بقى كل واحدة تدخل تقولنا ازاى بتهتم بشعرها من ناحية المنتجات و الاسعار و الاماكن و الخلطات
و كمان هيضمن الكوافيرات الكويسة فى القص و الصبغة و كدة

الموضوع دا هيبقى زى مرجع لاى واحدة مصرية عندها استفسار بالنسبة لشعرها


يلى كل واحدة تقولنا بتعمل اية لشعرها بنفس الترتيب الى هعملة دا

بس اولا تقولنا هى نوع شعرها اية و طولة الحالى و اية هدفها عموما يعنى
انة يتقل ولا يبقى ناعم اكتر ولا اية الظبط


1- الشامبو و البلسم ( اسمهم اية و بكام)

2- اية الفيتامين الى بتستخدمى لشعرك

3- و اية منتجات التصفيف العادية الى بتستخدميها زى السبراى و الموس و كدة

4- اية الماسك الى بتستخدمى

5- اية التونيك الى بتستخدمى

6- اية الخلطات الى بتستخدميها

7- اية الكوافير بتاعك و هل هو كويس فعلا و لا عايزة تغيرى ( عنوانة طبعا)

8- اية ماركة السشوار و الفير الى عندك و منين و بكام


بس كدة مستنية ردودكم و مش عايزين كسل و انا هقول الحاجات الى بعملها لشعرى بس بعد ما اشوف رودوكم (f)(f)

[فراشة الإيمان]

يشرفنى انى اكون اول واحده ترد على الموضوع والمفيد ده

وانا فعلا محتاجاه

ان ان شاء الله هاتجوز فى شهر 11

يعنى فاضل فترة قليله


واتمنى نساعد بعض كلنا عل الاهتمام والاستمرار


بدون كلل ولا ملل

[فراشة الإيمان]

واول حاجة انا ماشيه عليها دلوقتى



كبسول بانتوجار



وده شفته فى موضوع ليكى ياقمر والف شكر ليكى لانه فعلا تحفه وانا مداومة عليه من شهرين وهاجيب النهاردة العلبه التالته

انا حسيت انى سقوط الشعر قل

لكن طول مش قوى مش بيطول هو ظروفه معاكى ايه


ولوسيون ايفا بالصبار



انا جبت الاسبراى

وده اول اسبوع ليا

بحطه يومين فى الاسبوع ايه رايك

وبعمل حمام زيت بالنخاع يوم فى الاسبوع

وعايزة اطول شعرى مش عارفه اعمل ايه

[نغم الربيع]

موضوع جميل جدا ويسهل علينا كتير
عن نفسى جربت كتيررررررررر جدا وما نفع حاجه لشعرى خالص
بس كنت اسمع كتير عن [GRADE="FFA500 FF6347 008000 4B0082"]زيت الحية[/GRADE] الى من حراز
اصراحه كنت كسلانه وخايفه اجرب بس بالصدفة لقيته عند عطار قريب مننا ومن حراز برضوا
ومستمرة عليه دلوقت والحمد لله ماشاء الله شايفه فيه تحسن
وكمان ما نستش التغذيه الداخليه ومعتمده دلوقت على[GRADE="00008B FF6347 008000 4B0082"] التمر[/GRADE] وربنا يسهل

[huney]

:Z_cool_c::Z_cool_c:aywa rabena y7'aleeko ana asly basma3 3an 7agat 3'areeba we a3shab 3ageba we zyoot 3ageba bardoo mosh bb2a 3arfa a3mel ehh
ana areet abl keda fe el website da en alsabbar 7elw lesha3r yareet t2ro elmawdoo3 we tfahemonny amello ezzay asly mafhemtesh mnaha ay 7aga we 7ata mafhemtsh howa elsabar elly gabeto da elsaba el a7'dar abo shok da wala gabeto mneen:sm215::sm215:plzz sa3doonyy
we almawdoo3 fe rokn al3naya belsha3r fe almawadee3 elmomayzza esmo ser mn asrar elm3'rebyyat

[aseel 22]

بجد الموضوع تحفه وكتير مننا محتاجينه وخصوصا ان الشعر تاج البنت

حقولوكوا بقى تجربتى لان انا شعرى معدممممممممممممممم وبينزل جامد حطوا على ذالك التقصف وكمان نحل من قدام لانى كنت مدخله القصه فى الشعر

وبدات امسكها واحده واحده قصيت القصه بحيث مش تدخل فى الشعر

بعدين غيرت الشانمبوا اللى بستعمله كنت بستعمل صن سيلك بعدين جبت هيربل اسينزز ودلوقت جبت دوف بس حرجع لهيربل تانى

بعمل ايه بقى بغسل شعرى بالشامو وبعدين فى حمام كريم اسمه ويللى ده من العتبه من حاره اليهود ب 9 جنيه تحفه شويه عليه احط منه على شعرى واستنى 10 دقايق بعدين اغسله ولما اخلص اجيب شعرى على قدام والفه فى الفوطه ولما يبقى مندى اسرحه ضفيره مهويه خالص وطبعا عشان الخروج بلمه كحكه بس طول ما انا فى البيت بفرده وبسرحه كل يوم

كمان بستعمل كريم جى كازانوفا الابيض بجد روعه

كل 15 يوم بعمل شعرى بالحنه وبحط عليها الاتى (زيت سمسم زيت الحيه زيت الخروع زيت اللوز زيت جنين الاقمح زيت الصبار وزيت جوز الهند ) وسعات بحط نخاع وسعات لا بجد بتطرى الشعر جدا

مره بقى فى الاسبوع باخد حبه من خلطه الزيوت دى وبحطهم على حمام الكريم بس بعد ما ادفيهم سنه نونو خالص واحطهم على شعرى والبس البونيه البلاستك والبس ايشارب واقعد طول اليوم وفى اخر اليوم اغسل شعرى

كمان فى حاجه باخد فيتامين فيررو ترون وكمان حبوب زنك عشان التساقط وبجد قل كتير خالص وشعرى بدا يتعدل شويه

بس اللى مزعلنى ان مكان ما الشعر نحل مش منبت غير بسيط خالص فاياريت اللى جرب حاجه لتنبيت الشعر وتتقيله تانى يقولى

معلش رغيت كتير ولما افتكر حاجه تانى حقولكوا

:15::15::15::15::15::15::15::15::15::15::15:

[dew.dew]

الموضوع حلوفعلا وكنا محتاجينه كامصريين
ولى عوده اخرى

[emy_alex]

الموضوع جامد ولى عوده
يكون النت متظبط

[yomizo]

ظريف الموضوع ده
بس انا مش ثابته على نوع شامبو معين
بجيب كل شهرين تقريبا حاجه جديده

[لارا كول]

موضوع رووووووووووووووووووعة بجد وياريت بتوع مصر والمحافظات كمان يشاركو معانا
انا بستعمل شامبو كلير للرجال الازرق اولا حاسه انه منعم شعرى اوى وريحته حلوة ومنعش
حمام كريم ويلى الاصفر روووووووووووووووووووووعة بجد انا بستعمله من 4 سنين بس بينعم جامد
وشامبو بانتين للشعر الجاف تحفة ومجموعة صانسيلك علشان كان عندى مقصف اوى وعالجة الحمد لله
كريم ايفا لشعر تصفيف جميل جدا ولمعته حلوة اوى نيجى للزيوت خروع وجوز هند بخلطهم مع عصير توم وارجه الزجاجة وكل يوم خميس بحطة ومفيش ريحة للتوم بفضل كلير للرجال الازرق وفى سيروم frezeروعة جدا بس كل اللى محتجاه انى اعرف كوافير يكون شغله نظيف اوى ويكون فى المنصورة

[راندا]

واول حاجة انا ماشيه عليها دلوقتى



كبسول بانتوجار



وده شفته فى موضوع ليكى ياقمر والف شكر ليكى لانه فعلا تحفه وانا مداومة عليه من شهرين وهاجيب النهاردة العلبه التالته

انا حسيت انى سقوط الشعر قل

لكن طول مش قوى مش بيطول هو ظروفه معاكى ايه




ولوسيون ايفا بالصبار



انا جبت الاسبراى

وده اول اسبوع ليا

بحطه يومين فى الاسبوع ايه رايك

وبعمل حمام زيت بالنخاع يوم فى الاسبوع

وعايزة اطول شعرى مش عارفه اعمل ايه

بكام الكبسولات دى واية فايدتها لشعر ؟

[راندا]

بصو يابنات انا بستعمل لسيون اسمة بايتكس تحفة لتقوية الشعر وتنبيتة حلو موتت هو بحوالى 15 جنية بس حلو اقوى وخصوصا للاماكن المنحولة فى الشعر

وبصو بقى بجيب من السعودية دهان للشعر اسمة فازلين هو زجاجة شفافة وفيها زيت ومكتوب عليها من الخارج فازلين تحفة للشعر بيخلية بلمع وزى الحرير

[maro]

حلو الموضوع ده اووى عايزه اعرف منكم كوافير ممتاز يكون فى اسكندريه وطبعا محجبات

[فراشة الإيمان]

بكام الكبسولات دى واية فايدتها لشعر ؟

الكبسولات دى ياقمر العلبه بــ 40 جنيه

والعلبه فيها 60 كبسوله

بتقعد 30 يوم واحده الصبح وواحده بالليل

هو بينعم الشعر ويققل من خشونته

ويققل سقوطه وينبت مكان الشعر اللى وقع ومش طلع مكانه تااااااااااانى

ويطول الأظافر ويقويها



ودى صورة الروشته بتاعته

جايباهم من موضوع Stacy

وانا جربته حاسه ان شعرى اختلف كتيييييييير عن الاول

والشعرايه حجمها تخن عن الاول

ومستمرة عليه لغايه دلوقتى:wink:

[just_maha]

صراحه موضوع راااااااااااااااائع وصراحه اكتر انا من النوع المهمل فى شعرى مش بستمر على حاجه انا بستعمل شامبو دوف وزيت زيتون بسسسسسسسسسسسسس
ونفسى اعمل حمامات كريم والحاجات دى ب شعرى طويل فا بكسل
وسؤال عن الكبسولات هيه زى ما انتى قلتى كويسه بس يا ترى بتزود الشعر اللى فى الجسم ولا مش ليها تاثير لانى اخدت قبل كده كبسولات من نوع تانى زود الشعر فى الجسم ولما بطلتها رجع شعرى والضوافر زى الاول ياريت تفيدونى