ركن العناية بالبشرة والجسم ركن متخصص لمناقشة جميع الامور الصحية و العناية بالبشره والجسم .

صورة sarkha الرمزية

طرقتى للتبييض اللى البنات طلبوها منى

10/04/2008, 10:06 PM
انا نزلت الخلطة دى او طريقتى فى التفتيح طبعا اقتبستها من الموقع ومن بنات كتير _يعنى اخدت كذا واحدة وابتكرت واحدة _ لان فية ناس طلبتها منى هى خلطة بتفتح بشكل مذهل بس لانها زى ماحتشوفو مملة او طويلة فبطلتها رغم انها والله هايلة جدا وانا وزى ما نزلت فى المنتدى موضوع عن ان الدكتور كتبلى دوا للبقع البنية والحمرا فى وجهى من اثر الحبوب فجربت استخدمة على ركبى وجاب نتيجة بس بطيئة اوى اوى بس الكريم اسهل كتير من الخلطة ونفسي بئى الاقى كريم يبيض حلو زى الخلطة اللى انا حقولها دلوقتى ويكون استخدامة سهل يعنى انا طماعة عايزة الاتنين السهولة والنتيجة الحلوة طمع بئى خخخخخخخخخخخخ
المهم الطريقة انا كنت بدخل الحمام – مش عارفة بيقولو اية بعدها اعزكم الله تقريبا او حاجة زى كدة المهم – ادعك المنطقة الغامقة وكنت بستخدمها للمنطقه الحساسة وبين الفخدين بس بحرص شديد باسفنجة احطها فى مية وبعدين فى بيكربونات الصوديوم ( كربوناتة ) وزى ما قولت بحرص عشان ميدخلش جوا ولما اطمن ان الكربوناتو ذابت افضل ادعك وادوس شوية بالاسفنجة اثناء الدعك عشان اشيل الجلد الميت يعنى لمدة دقيقة او اتنين مش اكتر لانى كنت بكرر الموضوع دة كل يوم وبعدين اشطف المنطقة بماء بارد او فاتر حسب ما تستحملى وبعدين احط الخلطة العجيبة وانا سمتها كدة لان مكوناتها عجيبة وهى
عصير ليمون
خل تفاح حوضة 6% مخفف بماء ورد
طحينة اللى هى بتستخدم لعمل سلطة الطحينة اللى بناكلها مع السمك وخلافة اللى هى معمولة من السمسم –للتوضيح –
وزيت انا مرة عملتها بزيت لوز مر والمرة التانية بزيت زتون والمرة التالتة كانت بزيت ذرة يعنى الزيت دة مش عارفة لية تاثير ولا لأ اهو للتغذية

وعصير الليمون هو القاعدة الكبيرة يعنى هو المقدار اللى حتظبطى علية ب المقادير يعنى كوب عصير ليمون _ كوب الشاي مش الكبير بتاع المية ولا العصائر _ علية 3 ملاعق خل تفاح المخفف بماء الورد ( ملعقتين خل + ملعقة ماء ورد ) اتينين او تلاتة ملاعق طحينة وملعقتين زيت بس كدة نخلطهم ببعض ( الملاعق كبيرة بتاعة الاكل مش صغيرة ) حنلاحظ ان الزيت حينفصل لفوق والطحينة حتتقطع كدة وتعمل حبيبات عايمة فى المخلوط مش مشكلة هو بيكون كدة

كنت بجيب الاسفنجة واحط عليها شوية من الخلطة وبعد ما غسلت البيكربونات ونشفت كويس احط الخلطة بالاسغنجة وادعك وفضل ادعك لغاية ما حبيبات الطحينة اضغط عليها وافتتها عشان توصل للبشرة ولازم طبعا ارج المحتويات فى كل مرة حاخد منها وبعدين كنت بسيب الخلطة كدة والبس واخرج كنت فى الاول بحط الكيس بتاع حفظ الاغذية دة وبعدين عملت فكرة كدة اقولكم عليها بعدين فى الاخر
وافضل كدة حسب ما اقدر ساعة اتنين او يمكن اكتر وبعدين ادخل الحمام تانى واغسل المكان واخر حاجة بسفنجة برضة ادهن شوية خل تفاح تركيز 6 % ادهن بس من غير دعك ولا حاجة وبعدين كنت بعمل حاجة تانية ملهاش علاقة بالتفتيح بس حقولها كنت بجيب شوية بن قهوة واحط علية خل تفاح وافضل احط خل لغاية ما يبئى زى العجينة كدة واحطة فى المنطقة الحساسة بالداخل مش بالداخل يعنى المهبل لا قصدى فى المنطقة الحساسة مش الجلد اللى برة لا جوة احنا عارفين ان الحلاوة بترهل المنطقة دى كنت بحطة جوة واقصد تانى بجوة للتوضيح جوة اى المنطقة الامامية مش المهبل اوعو تحطوة جوة المهبل ماشي المهم بحطة صباعى براحة على جانبى ......... افهمو انتوا بئى يمينة وشمالة واسيبة كدة هو بيتقفل علية خخخخخخخخخخخخخخ وبعدين البس فوطة صحية عشان مبهدلش الدنيا واخرج القهوة فيها مواد كتير من ضمنها مضادات اكسدة بتشيل الترهل وبتمنعة وبترجع للمنطقة دى نضارتها ولون حلو والكلام دة عن تجربة والله ومتخافيش من الخل انا جربتها ومفيش منها خوف وتسبيها زى ما تحبى البس هدومى عادى واخرج وكدة خلاص وكل يوم كدة والله المكان ابيض كتير عن الاول بس لانى مكملتش فلسة لم احصل على البياض المرغوب بس بقالى فترة مبطلها والمكان زى ما هو مسودش تانى زى الاول الحمد لله انا دلوقتى بدرس لما اخلص دراسة اكملها واكون فاضية اعملها

اسفة لو موضوع الكلام عن القهوة اللى بستخدمها دايق حد انا كنت عايزة افيد


الاسفنجة ممكن نجيبها من اى حتة ان جبت الكتافة بتاعة الهدوم وقصتها وطهرتها بكربونات الصوديوم

اما الفكرة اللى قولت حقولها فى الاخر احنا كنا بنشترى ورق توالت كذا بكرة بكرة بيكونوا مجودين فى كيس بلاستيك كبير مش الكيس بتاع العيش الشفاف دة لا الابيض التقيل اللى مش بيعمل دوشة دة لما نضغط علية بايدينا المهم بس متضحكوش عليا ماشي انا جبت الكيس دة وقصيتة على ادى وعملت منة شورت وخيطتة وعشان مكان الخياطة بيكون ضعيف وممكن يتقطع حطيت مكان الخياطة من جوة وبرة لزق الشفاف دة من جوة ويقابلة واحد من برة كدة ححميها من القطع وفى نفس الوقت عشان الفتحة بتاعة الخياطة متسربس الخلطة بس كدة والبسة كدة اسهل

بس كدة واى سؤال انا تحت امركم بس ممكن اتاخر لانى بدرس دلوقتى ادعولى والنبى بالتوفيق فى الامتحانات



من مواضيعي

صورة rana samir الرمزية
10/04/2008, 11:30 PM
شكرا يا قمر بس وصفتك صعبة
ربنا يوفقك فى الامتحانات وانا كمان لا امتحاناتى قربت



من مواضيعي

صورة بنت عذاري الرمزية
11/04/2008, 12:08 AM
:eek::rolleyes::eek:

عزيزتي حرام عليك!!

بيكنغ صودا لوحده بيتعب البشره

وبتكون محمره وبتحرق مع انك بتمسحيها بس مش دعك!!

الدعك بالبيكنغ بيكشط الجلد حبيبتي

وطريقتك حتطلع العظم من جسمك مش بس الجلد الميت :ss:

بشراتنا رقيقه والدعك لا يزيل الاسمرار بل يزيده!!

البشره تتجاوب معاكِ لما تعامليها برفق وحنيه وباستمرار وعنايه دايمه

وبعدين خل وليمون بعد البيكنغ ده تعذيب لبشرتك

بعد البيكنغ البشره تكون ناشفه جدا لان البيكنغ مقشر قوي جدا جدا جدا

وبيكون شال الخلايا الميته وبشرتك تحتاج لترطيب فقط لا غير

ترطيــــــــــــــــــــــــــــــب فقط!!

لا ليمون ولا خل ولا احماض..

وخصوصا المنطقه الحساسه!!

رأفة ببشرتك حبيبتي

وكلمة الدعك وادعك وادعك انتي بتقوليها وانا حسيت بشرتي بتنزف من الالم!

بلاش دعك لا للدعك

مسح بتركيز فقط

وربي يحفظ لك صحتك ويديمها

انا مش مع طريقتك بالمره اعذريني

تحيـــــاتي



من مواضيعي

11/04/2008, 12:14 AM
تسلمين على عرض تجربتج

بس طريقتج طويله وصعبه عشان الواحد يتابع عليهه وأحسهه تسبب أضرار للبشرة

موفقة إن شاء الله



من مواضيعي

صورة M!SS Styl!sh الرمزية
11/04/2008, 12:16 AM
يسلموو حبيبتي عالطريقة
بس خلطة لمدة ساعتين للجيم صعبه يادوووب نص ساعه لغايه ماتنشف اتوقع كفايه
ويسلموو صح لسانك بنت عذاري
السي الي يزيد عن حده دائما يكون شي مو حلو ومضر



من مواضيعي

11/04/2008, 12:22 AM
شكرا ياقمر وربنا يوفقك بدراستك وتجيبي اعلى الدرجات بس حبيبتي (انتبهي وانتي بتحلفينا لا تقولي والنبي لان هذا حلف بغير الله اعرف انها عاده عند البعض بس لازم تغيريها) :8875::flower::flower:



من مواضيعي

صورة sarkha الرمزية
11/04/2008, 12:54 PM
انا مبسوطة جدا لمرورك يا بنت عذارى و ردك عليا تكريم ليا بس انا لما بدعك مش بفترى يعنى وكلامك صح كلة بس انا جربتها ومحصش حاجة وحشة خالص بالعكش جابت نتيجة معايا يمكن بشرات تانية متستملش على العموم انا موقفاها دلوقتى لانها زى ما قولت صعبة وطويلة بس بتجيب نتيجة



من مواضيعي

11/04/2008, 01:24 PM
شكرا لك موضوعك جدا حلوووووووووو بارك الله فيكي وموضوعك يستحق التمييز



من مواضيعي

صورة ღღ دريـــم ويــب ღღ الرمزية
11/04/2008, 01:29 PM
بنت عذاري كفت ووفت











من مواضيعي

11/04/2008, 08:09 PM
[GLOW="000000"]تسلمين على ذكر تجربتك الحلوه وجزاكي الله خير ياقلبي[/GLOW]



من مواضيعي


« الخميرة ونفخ الخدود | فوائد حمام البخار للوجه....... »

يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع


مواضيع مشابهة
الموضوع المنتدى
وصفة بنت عذارى ليدين ساحرتين....لكل اللى طلبوها.. ركن جمالك والطبيعه مع بنت عذارى
لكل البنات اللى عايزة تخس يالا نشجع بعض إستفسارات و تجمعات السمنة و النحافة
نصيحة مهمة لكل البنات اللى على وشك الولادة النساء و الحمل و الولادة

الساعة الآن +3: 10:38 AM.

 اتصل بنا - اعلن معنا - سياسة الخصوصية

Search Engine Optimization by vBSEO ©2011, Crawlability, Inc.

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141