نزول دم مع الخروج - منتديات عروس

س

سمات

عروس مبدعة

29-03-2008 | 04:35 PM

السلام عليكم

حبيت اطرح لكم مشكلتي باختصار

انتو طبعا تعرفون الحامل ومعاناتها مع الامساك خصوصا الاشهر الاولى
وطبعا مع تقدم شهور الحمل تخف شويه
المهم انا خف عني الامساك بس لازال شوي قليل اعاني منه ومن فترة 3 اسابيع لاحظت نزول دم لما ادخل الحمام وانتوا بألف كرامة
مااهتميت لها الشي اقول اكيد من الامساك الشديد اللي صابني ديك الفترة

عاد البارحة اقول لزوجي ابي مجلة وجابها لي وانا اتصفح فيها لقيت وحدة حاطة مشكلتها تقول انها كل تحس انها مصابة بالمرض الخبيث ابعده الله عن المؤمنين فماهي اعراضه
عاد يجاوب عليها الطيبيب ويشرح ووصل لسرطان الامعاء ويقول لمن يلاحظ المريض انه ينزل مع البراز دم ففيه ورم خبيث في الامعاء

انا هني انصرعت انصدمت لفت فيني الدنيا ماقدرت اخيل ان لاسمح الله اعاني من هالشي
خصوصا اني حامل وانتظر متى بس اولد واشوف ضناي

سؤالي الحين هل الحامل عادة تعاني من نزول الدم مع الاخراج بسبب ضغطها على نفسها بسبب الامساك؟؟

انا خايفة والله وخايفة اروح المستشفى وانصدم بشي ماكنت اتوقعه في حياتي كلها..:confused:

@

@نوووسه@

عروس برونزية

29-03-2008 | 04:43 PM

ياقلبـــــــــــــــــي لا تخافي انشاء الله

مافي الا كل خير .......

انا فتره قبل حملي نزل مني كم يوم وخفت موت .......

والحمد لله من حاله راح ..

انت الدم اللي بينزل كثير ولا قليل ...

توكلي عالله وروحي للدكتورة وانت متفائله خير

وحتلقي الخيـــــــــــــــــــــــــــر باذن المولى ........

وطمنيننا عليك ياعسل ........

س

سمات

عروس مبدعة

29-03-2008 | 04:48 PM

[QUOTE=@نوووسه@;5565109]ياقلبـــــــــــــــــي لا تخافي انشاء الله

مافي الا كل خير .......

انا فتره قبل حملي نزل مني كم يوم وخفت موت .......

والحمد لله من حاله راح ..

انت الدم اللي بينزل كثير ولا قليل ...

توكلي عالله وروحي للدكتورة وانت متفائله خير

وحتلقي الخيـــــــــــــــــــــــــــر باذن المولى ........

وطمنيننا عليك ياعسل ........[/QUOTE

اهلا حبيبتي نوسه
ان شالله مافيه الاالخير
ينزل مني بشكل ملحوظ يعني اشوف الماي صار لونه احمر
وحتى لمن انشف نفسي وانتي بكرامة اشوف الدم في الكلينكس
وطبعا بمجرد ماانشفه يوقف..

ماتقصرين حبيبتي ربعمل بنصيحتج ..
وربي يتمم لج على خير.

@

@نوووسه@

عروس برونزية

29-03-2008 | 04:55 PM

الله ييسر امرك يالغاليه

توكلي وروحــــــــــــي للدكتورة ........

ن

ناديه يوسف

عروس مبدعة

29-03-2008 | 04:58 PM

اختي روحي للدكتوره علشان تتطمنين وطمنينا عنك

b

besbesa86

عروس مبدعة

29-03-2008 | 05:03 PM

ro7y leldoctor we an sha2 alah maykonsh fe 7aga we netamen 3laky orayeb be2ezn alah

أ

أم آلما

عروس نشيطة

29-03-2008 | 05:09 PM

هلا عمري شخبارج ؟
انه انصحج مثل الباقي انج تراجعين دكتور بس يكون زين عشان مايخرعج ويلعب في خلقتج .. ترة يصير بعد اذا من البواسير .. رفيجة اختي صادها جذي لين حملت وصادها بواسير فكان ينزل معاها دم حزة الشسمة .. معليش لاتحتين واستعيذي من الشيطان بلا وسواس زايد انه بروحي خفت الحين ههههه ..
طمنينا عليج وانشاءالله خير ..

س

سمات

عروس مبدعة

29-03-2008 | 05:14 PM

مشكورين خواتي على المواساة حسيت نفسي شوي تطمنت
بروح ان شالله المستشفى واتمنى انو يكون شي عادي
حدي حدي احاتي ..

وربي يعطيكم الف الف عافية ..

Q

Qtr Girl

عروس ماسية

29-03-2008 | 05:37 PM

هذا شي عاااااااااااااااااادي

هو ممكن يكون من سببين ياجرح وقت قضاء الحاجه او ممكن صادتج بواسير وملتهبه عليج

عاده الحامل يصيدها البواسير يا في الحمل او مع الولادة

وانشالله ماعليج شر

س

ساره 2011

عروس مشرقة

29-03-2008 | 07:16 PM

الف سلامه عليك اختي...وان شاء الله ماعليك الا العافيه..راجعي الدكتوره وطمنينا...

*

*جمال الروح*

عروس ذهبية

29-03-2008 | 07:55 PM

عادي انا كل عيالي نفسج وبعدين يروح بعد الاربعييييييييييييييييييييييين
ومرت مو بس قطرات مرات كميه بس هذا بسبب الامساك يجرح المنطقه
تعوذي من ابليس ومافييييييييييييييييج الا العافيه

n

nodels

عروس مشرقة

29-03-2008 | 08:13 PM

ما عليج شر حبيبتي
اتوقع هذا من بواسير الحمل
لا تخافين
بس سيري الدكتوره عشان تتطمنين ع نفسج وع اليبيبي

ا

احب-زوجي-ومدلعني

عروس متألقة

29-03-2008 | 09:44 PM

انا بعد اقول عادي خلي عنج الوسواس ترى البواسير يسوي العن من جذي لا تخافن توكلي على الله بعد تطمني وطمنينا عليج

س

سنيوريتا22

عروس جديدة

29-03-2008 | 10:35 PM

ان شاااء الله خيرررررررر
اتوقع انها بواسير خصوصا اذا
كان معك امساك شديد
وروحي تأكدي انتي

س

سمات

عروس مبدعة

30-03-2008 | 12:27 AM

مشكورات حبيباتي وربي دخلت في قلبي الطمأنينة من كلامكم جعل عمركم طويل وسالم
انا ضروري ان شالله بكرة او اللي بعده بروح المستشفى لازم لازم اراجع الدكتورة
وان شالله مافيه الا الخير وقابلة ببواسير بس شي ثاني الله لايقولها ..:tears:

الحمد لله على كل حال ..
الحمد لله على السراء والضراء ..

v

vinus

عروس مبدعة

30-03-2008 | 02:14 AM

الف سلامة عليك ان شاء اللة خيير روحى للدكتورة وتوكلى على اللة ممكن تكون حاجة بسيطة ولاداعى للقلق خييير ان شاء اللة

ن

نور النجوم 888

عروس مبدعة

30-03-2008 | 09:27 AM

ما عليج شر إنشاء الله خير ..
عندج هذا الرابط فيه موضوع عن الإمساك إنشاء الله تستفدين منه

http://www.3roos.com/forums/t323925.html

ا

ام نيلا

مشرفة سابقة

30-03-2008 | 09:45 AM

اختي

المفروض تكونين صريحة مع الطبيبة وتخبرينها كل شي يصير معاج

ولاتهملين نفسج ابدا

ت

ترانيم القلب

عروس مشرقة

30-03-2008 | 11:38 AM

ما عليج حبيبتي
انا صادني ها شي قبل الزواج بسبب الامساك وكنت احاول اخرج بقوة كانا وحده تبغي تولد :groupwave:ههههههههههه

بعدين خفت لما شفت الدم متكرر والم مع الخروج
رحت المستشفى وكشفت عليا الدكتورة قالت عندي جرح بسبب الامساك وعطتني محلول :o.

س

سمات

عروس مبدعة

31-03-2008 | 07:44 PM

مشكورات حبيباتي وان شالله راح اعمل بنصايحكم وماتقصرون صراحة ونعم الخوات ..

اتا لي الحين مارحت المستشفى دوام زوجي يبط الجبد الله يسهل بس وان شالله اهو وعدني خلال هالاسبوع ضروري يوديني ..

مشكورة حبيبتي نور النجوم على الرابط ..